عرض للطباعة
كنت عاوز رأيكو فى فرق السعر اللى هدفعه انا كنت هبيع عربيتى اصلا فلوس بس الموضوع وقف كنت اتكلمت عن الموضوع من كام يوم هنا فى المنتدى و كنت هبيع خلاص ب 44 الف بس الموضوع وقف و دلؤتى هدخل عربيتى فى الالنترا 2006 مانيوال و ماشيه 80000 كم و فابريكه بره و جوه و الراجل مصمم على فرق 30000 جنيه ايه رأيكو يا اخوانى اخلص و لا ايه انا هرد عليه بكره و يا ريت تردو عليا بسرعه
و شكرا
و يا ريت بعد اذنكو اللى معاه النترا 2006 ايه المشاكل اللى حصلت له مع العربيه
هو انا بصراحه سئلت 2 اصحابى معاهم الموديل ده و شكرولى فيها كتير
مفيش حد عارف الاسعار او اشترى او باع عربيه من العربيتين دول قريب
يا ريت حد يفيدنى يا اخوانى
و شكرا
شوف يا باشا..
الموديل ده ما شاء الله مشاكله قليل جدا..
يعني انا مسمعتش عن اي حد اشتكي من الموديل ده ف اي حاجة..
من اجمل و انجح موديلات الالانترا..
انا شايفه احلي من الجديد علي فكرة..
العربية مانيوال و ماشية 80 الف كم.. في سنتين.. كتير..
تمنها تقريبا تعمل حوالي 70 الف.. مش اكتر من كده تقريبا و الله اعلم.. و هو بيقول مصمم علي 30 الف فرق..
يبقي هياخد عربيتك ب 40 الف جنيه..
حرام.. قليل قوي..
انا بصراحه كلمت واحد صاحبى تاجر و يعرف الأسعار قالى الانترا بتتباع 75 و مش بتقل عن كده طالما فابريكه بره و جوه و حالتها نضيفه يعنى عربيتى واقفه ب 45 الف تقريبا هو قليل بس الاوبل تقل اوى و بعدين عربيتى 2000 سى سى الناس خايفه من الضريبه و كله بيبعد
هى اصلا كانت 1600 و انا مغير لها بلوكه 2000 فاتكتبت فى الرخصه 2000 سى سى بعد ما ثبت رقم الوتور الجديد من على البلوكه و النقطه دى مقلله العربيه بتاعتى كمان و متقلاها
ممم...
دي برضه وجهة نظر..
خلاص توكل علي الله.. طالما صديقك ده ثقة.. و تاجر و عارف اسعار السوق.. يبقي توكل علي الله..
و ربنا يباركلك ان شاء الله..
ربنا يخليك يا باشا و شكرا ليك
بس حضرتك معايا فى موضوع ان عربيت كده معيوبه علشان موضوه تغيير البلوكه و انه 2000 سى سى و لا ما يعيبش العربيه
هو انا بس حابب افهم ايه تغيير البلوك بس..اقتباس:
المشاركة الأصلية كتبت بواسطة kliken
يعني العربية كانت 1600 مانيوال صح..؟؟ و الموتور ده single point injection
و لسة زي ما هي بس البلوك فيه بساتم ال2000 سي سي ولا ايه؟
تمتم يا باشا بالظبط هو ده اللى حصل غيرت البلوكه و اللى فيها البساتم
بيتهيألي انت كده خليتها 2000 سي سي علي الفاضي.. :) :)
عشان فقدت ميزة ال1600 و ماخدتش ميزة ال2000
عموما.. حصل خير.. و كل شيء نصيب..
ساعتها دورت فى الحرفيين و ما لقيتش اى بلوكه 1600 و اضطرت اجيب ال 2000 بس ساعتها ما كنش فى موضوع الضريبه و الكلام الفاضى دة فقلت مش فارقه 1600 من 2000 و الحمد لله على كل شىء
و شكرا على تواصلك يا استاذ احمد
الحمد لله علي كل حال.. و كل شيء نصيب..
الشكر لله يا باشا.. و ربنا يكرمك و تجيب الفيكترا الجديدة.. و تنضم لينا في عصابة اوبل تاني.. ولو اننا ملحقناس نتعرف بيك هناك..
ربنا يخليك يا باشا والهى الواحد اتشرف بمعرفه حضرتك و انا مع عصابه اوبل بقلبى بصراحه الاوبل مفيش بعد كده بس انا اللى عربيتى تعبت شويه و خدت وقتها بس الاوبل بسم الله ما شاء الله عربيه محترمه جدا و مفيش بعد كده ثبات و قوه على الطريق و شكل جميل برضه
و كفايه ان حضرتك راكبها
و شكرا ليك مره اخرى على مشاركتك معايا احمد باشا
ربنا يكرمك يا باشا.. الشرف ليا انا طبعا..اقتباس:
المشاركة الأصلية كتبت بواسطة kliken
الشكر لله يا كبير. انا تحت امرك.. و اتشرفت بمعرفتك..
سيدي الفاضل الالنترا موديل 2006 لن يزيد سعرها بأي حال من الاحوال عن 65000ج لان نزل عليها شكل تاني ومع واحد زميلي موديل2007 الشكل الجديد ممكن يخلص ب80000ج
والله أعلم
انا شايف ان الفرق معقول خصوصا ان الموتور كده مش صح
لا هو 1600 ولا 2000
صلى استخاره الاول