الـقـيـادة اخــلاق ...
عرض للطباعة
الـقـيـادة اخــلاق ...
جربت حكاية جميلة اوى امبارح كان واحد لطخ مستلم شنطة العربية وضارب النور العالى فجأة جه فى بالى انى اضرب فى وشه بقلم ليزر كان معايا فى العربية رحت جايبه وحطيته ادام مراية الصالون ونشن عليه يامعلم لحد مقال انفد بجلدى وخلع ... هيا دى اسرع طريقة تخلية يطفى النور بالعافية
أخى الفاضل
عذرا .... تصرفك خاطئ
تدمرله الشبكية بالليزر !!!!!
مفيش فايده
كل واحد عامل نفسه بطل
وشايف انه الملاك وهوه اللى لا يخطئ
وكل اللى حواليه مبيفهموش
إتقوا الله
نخاف على بعضنا شوية
ونكبر دماغنا شوية
ونتسامح مع بعض ومع نفسنا شوية
القيادة فن وذوق وأخلاق
أنا مش أحسن منكم
أنا بغلط زيكم
وبقول الكلام ده ليا قبلكم
:E_braces[1]:
اللى أنا بعمله إنى فعلا بستنى شويه يمكن يكون ناسيه
وبعدين بشاور بإيدى من الشباك إشارة إطفى النور العالى ( فتح وضم كف اليد )
لو مفهمش بمشى على أقل من مهلى وشغل إنتظار - يعطى كلاكس - يعطى رعاش مش بسأل فيه لغاية لما يقول حقى برقبتى
يا إما يطفى النور ويمشى محترم أو يعدى منى ويبقى كده خلصت منه
والله الواحد عنية قربت تضيع خالص من الانوار العالية جدا جدا دي
و الجميل بقى الالوان بتاعة الزينون الموجودة دلوقتي .. من الازرق للفوشيا لفانوس ازرق و التاني ابيض
و طبعا 90 % من اللي مركبين زينون ميعرفوش يعني اية عدسات اصلا .. و ميعرفوش ان في نور واطي
و في منهم بيبقى الطريق واقف و دا معلى النور على الاخر .. ( في الحالة دي بعكس النور علية بسي دي )
انا لابس نضارة وعنيا بتزغلل جامد من النور ولو النور عالي بيعمل شغل زي الفل مع النضارة و بتعمي خالص
بس اللي بعملة اني بدي انتظار .. مفهمش .. بشاور بأديا و اضم صوابعي كلها .. مفهمش بقى يبقى هو قاصد .. بعدية و اسيب مسافة مش كبيرة بيني و بينة .. واعلى النور لمدة 3 ثواني و اطفية خالص .. واعلية تاني .. و افضل كدا شوية
اية دة يا جدعان؟! هى سواقة ولا خناقة ؟؟!
انا كتير بيحصل معايا وبفتح السكة واعدية وغالبا يابيطلع راجل مسن او ست كبيرة وساعات سواق نص نقل وكلهم مينفعش تتكلم معاهم او انى ارذل علية سواء ادبا او لفروقات تانية.
وبعدين دة اكيد احسن من اللى بيلصق فى شنطة العربية ويقلب نور ... دة اللى بيعمى بجد وبيتعب الاعصاب وبيخليك ممكن تتهور كمان وبرضوا بعدية مش ممكن يكون مستعجل بجد.