احذروا مخطط التجــار لشــراء السيــارات بأبخس الأسعــار

الموقع ملىء بالتجار الذين يوهمون الجميع بالنزول المتنامى للاسعار ويحاولون الشراء بابخس الاسعار واستغلوا اهتزاز السوق فى مطلع العام الجديد وهى لعبه سنويه معروفه ساعدتهم عليها هذا العام اهتزاز السوق العالميه وحاولوا ايهام البعض باننا مقبلين على كارثه مع ان مصر لها ظروف خاصه فى سوق السيارات ولن تؤثر المجريات العالميه علينا للاننا سوق مغلقه بالجمارك التى سترفع نهائيا عام 2019 واللى عايز رخيص بقى يستنى وانا انصح اللى عايز يبيع يستنى ويشوف الاسعارحتبقى ازاى التجار اشتروا ويخزنواوبعدين يبيعواباعلى الاسعار ثم لاحظ الجديد نزل ولا هو هو يبقى ازاى القديم اندبح بالشكل ده وليا تجربه عام 2004 مع نزول الاسعار بالتخفيضات الجمركيه اشتريت سياره ب30000 والراجل كان شاريها ب38000 قبلى بشهرين وبعد اربع شهور جالى 40000 وبعتها ف 2007 ب38000 وحسبى الله ف اللى معندوش ضمير

انا عايز انبة اى حد تاجر فى الموقع ان احنا
مش هنشترى سيارات حتى لو عملو عفاريت هدايا للبيع مع هذة
السيارات هما لازم ينزلو الاسعار ياما يركبو العربيات دى كلها
ويخلوها لولاد ولادهم

هوا فعلا كلام حضرتك صحيح ... وشكل الاسعار كده مش هاتنزل واسعار المستعمل ممكن تعلى

اقتباس:

---

المشاركة الأصلية كتبت بواسطة fhd737

الموقع ملىء بالتجار الذين يوهمون الجميع بالنزول المتنامى للاسعار ويحاولون الشراء بابخس الاسعار واستغلوا اهتزاز السوق فى مطلع العام الجديد وهى لعبه سنويه معروفه ساعدتهم عليها هذا العام اهتزاز السوق العالميه وحاولوا ايهام البعض باننا مقبلين على كارثه مع ان مصر لها ظروف خاصه فى سوق السيارات ولن تؤثر المجريات العالميه علينا للاننا سوق مغلقه بالجمارك التى سترفع نهائيا عام 2019 واللى عايز رخيص بقى يستنى وانا انصح اللى عايز يبيع يستنى ويشوف الاسعارحتبقى ازاى التجار اشتروا ويخزنواوبعدين يبيعواباعلى الاسعار ثم لاحظ الجديد نزل ولا هو هو يبقى ازاى القديم اندبح بالشكل ده وليا تجربه عام 2004 مع نزول الاسعار بالتخفيضات الجمركيه اشتريت سياره ب30000 والراجل كان شاريها ب38000 قبلى بشهرين وبعد اربع شهور جالى 40000 وبعتها ف 2007 ب38000 وحسبى الله ف اللى معندوش ضمير

---

بالذمة ده كلام يدخل العقل؟

طبعاً قصد حضرتك تجار المستعمل. تجار المستعمل مش بالدهاء ده. طيب لما يرَوَّج لنزول الأسعار ويشتري هو ويخزن، الأسعار تزيد تاني امتى؟ مش دي تبقى مخاطرة؟ حد في الدنيا يروج لنزول (وهمي وغير مبرر زي ما أنت بتقول) لأسعار السلعة اللي هو بيبعها؟

الحقيقة أن العكس هو اللي بيحصل. تجار ووكلاء ومجمعي السيارات في مصر بيروجوا لاشاعة عدم انخفاض الأسعار وعدم تأثر السوق المصري بما يحدث في الأسواق العالمية. كل يوم مقال في صحيفة أو لقاء في برنامج تلفيزيوني بيروجوا فيه أكاذبهم.

احنا بنقول لهم:
خـــــــــــلوها تصـــــــــدي

خـــــــــــلوها تصـــــــــدي

انا مختلف معك في الفكره ولكني متفق معك في ان الاسعار لن تنخفض بل بالعكس سترتفع الاسعار

والنبى ده كلام.............
لا تعليق
خلــــــــــــــــــــــو هــــــــــــــــــا تــصـــــــــــــــــــــ ـدى

اول مرة اعرف ان رشيد محمد رشيد و رئيس شعبة السيارات و كبار المحللين الاقتصاديين بيتاجروا فى المستعمل .. :36_1_40[1]:

اقتباس:

---

المشاركة الأصلية كتبت بواسطة ezzatfox

اول مرة اعرف ان رشيد محمد رشيد و رئيس شعبة السيارات و كبار المحللين الاقتصاديين بيتاجروا فى المستعمل .. :36_1_40[1]:

---

:POINTI~2[2]:

اقتباس:

---

المشاركة الأصلية كتبت بواسطة fhd737

الموقع ملىء بالتجار الذين يوهمون الجميع بالنزول المتنامى للاسعار ويحاولون الشراء بابخس الاسعار واستغلوا اهتزاز السوق فى مطلع العام الجديد وهى لعبه سنويه معروفه ساعدتهم عليها هذا العام اهتزاز السوق العالميه وحاولوا ايهام البعض باننا مقبلين على كارثه مع ان مصر لها ظروف خاصه فى سوق السيارات ولن تؤثر المجريات العالميه علينا للاننا سوق مغلقه بالجمارك التى سترفع نهائيا عام 2019 واللى عايز رخيص بقى يستنى وانا انصح اللى عايز يبيع يستنى ويشوف الاسعارحتبقى ازاى التجار اشتروا ويخزنواوبعدين يبيعواباعلى الاسعار ثم لاحظ الجديد نزل ولا هو هو يبقى ازاى القديم اندبح بالشكل ده وليا تجربه عام 2004 مع نزول الاسعار بالتخفيضات الجمركيه اشتريت سياره ب30000 والراجل كان شاريها ب38000 قبلى بشهرين وبعد اربع شهور جالى 40000 وبعتها ف 2007 ب38000 وحسبى الله ف اللى معندوش ضمير

---

كلام حضرتك غريب جدا و مش منطقي يعني قول مثلا ان عربية معينة التاجر بيشتريها من غير جمارك ب 100000 قبل الأزمة لما العربية يشتريها دلوقتي ب70000 طبيعي ان نسبة الجمارك على ال70000 غير ال 100000 يعني لو قلنا ان جمارك ال 1600 بعد حبشتكانات الحكومة 65% يبقى العربية كانت بتتباع في مصر قبل ما الاسعار تنزل ب165000 (من غير مكسب التاجر) بعد الأزمة بحساب الجمارك يبقى سعر العربية دي 115500 ولا ايه ؟؟؟ و طبيعي ان المستعمل ينزل بعد ما اسعار الجديد ينزل و اخيرا
خــــلـــــوهـــــــــــا تـــــصــــدي

مش عارف ليه بس أنا مش مقتنع أوي

أزاي يعيني؟؟؟
عني لو أنا تاجر ومعايا شوية سيولة ها أحطهم في عربيات مستعملة وأخزنها؟؟؟؟؟؟؟؟؟؟؟؟!!!!!!!!!!!
ده أنا أبقى .........ولا فاهم أي حاجة في التجارة
طول ما أحنا أيد واحدة يبقى هانخليها تصدي وموديلها يعدي

بقي بالذمة ده كلام يدخل المخ يا راجل يعني انا دلوقتي كتاجر ببيع اي سلعة اروح للناس اقولهم السلعة دي يا جماعة حتنزل محدش يشتري دلوقتي ازاي بس بالعكس اكيد صاحب السلعة دي عايز يروج اني سلعته حتغلي اووي و انك لما تشتري دلوقتي افضل لك و كمان التجار عايزين يروجوا و يقولوا اني العربيات ان مكانتش هترتفع يبقي علي الأقل هتفضل زي ما هي و كلام غبور و أعوانه و زملائه في المهنة في الجرايد واضح.
و احنا من هنا بنحب نقول لكل التجار و اصحاب المصانع سواء من الأعضاء داخل المنتدي او خارجه كلمتين و بس.............

خلوها تصدي

يا جماعه انا بتكلم عن التجار بيرخصوا فى بدايه كل عام عشان الجديد يعنى لترويجه بالبدل والمكسب كده يزيد لان سعر الجديد هو هو هذا من ناحيه والاخرى تجار المستعمل من مصلحتهم نزول الاسعار للشراء ثم تسقيع السيارات لفتره ثم النزول للسوق لعبه دوريه معروفه

خـــــــــــلوها تصـــــــــدي:36_6_3[1]::36_6_3[1]::36_6_3[1]::36_6_3[1]:

خـــــــــــلوها تصـــــــــدي
__________________

انا كنت في معرض ومش عايز اقلك ان التجار معدوش راضيين يشترو المستعمل يقلك انا عندي بالعشر عربيات اوديهم فين ................

خلوها تصدى وموديلها يعدى
وتتحرق بجاز

الصراحه موضوع حضرتك يا استاذ fhd مفهوش ولا كلمه صحيحه من وجهه نظرى

حيث ان حضرتك بتقول ان التجار بيوهموا الناس بأنخفاض اسعار السوق عشان يشتروا بسعر رخيص ..
ولكن فى الحقيقه السوق فعلا اسعاره بتنزل وغصب عنها هتنزل .. ومعظم دول العالم الاسعار فيها نزلت بشكل رهيب وماركات عالميه كتير وعروض فظيعه على السيارات زى اللى حصل ف امريكا اشترى عربيه والاخرى مجانا وانا عندى ناس ف نيوزلاند برضه بشوف الاسعار هناك بتتخفس بتمنها الارض ودى اللى بيحصل ف مصر ..

بس اللى بيحصل ف مصر الاسعار مش هتنزل مره واحده ولذلك لعده اسباب
اولها : جشع التجار كل تاجر عاوز اعلى سعر وبالتالى خلى العربيات عنده تحمض
تانى سبب : اى حد عنده عربيه من ناس مش عارف كام 70 ولا 80 ولا مش عارف كام قديمه وخلاص .. كل واحد منهم متمسك بتمنها ومش عاوز يخسر فيها مليم بعد العمر ده كله !
ثالثا بقى : لما اصحاب المعارض والناس اللى بتستورد عربيات من بره تجيبها رخيصه وتلاقى المجتمع بتاعنا بنفس التفكير المتدنى ( بلاش اقول الواطى ) وتلاقى كل واحد ماسك ف سعر عربيته .. التجار هيلاقوها فرصه لاستغلالنا برضه .. يعنى هو اكيد لما اشترى عربيه جديده بالاسعار الجديده من بره ارخص بكتير جدا من قبل كده ... لكن اما يجى يبيع يلاقى نفس العقليات الغير متفتحه متمسكه بأسعار عربيتها وبالتالى يبيع هو كمان بنفس ما كان بيبع قبل كده ويستغل المواطن كمان وكمان ويركبه ويدلدل رجليه

ومع الاعتذار لصاحب الموضوع ف لو حضرتك حاسس ان ف تجار ف المواضيع اللى هنا خش علق عليهم ورد عليهم .. لكن متكتبش موضوع كده وخلاص ..
لان فعلا مواضيع زى دى هيه اللى بتخلى مصر متأخره .. واما واحد عنده عربيه المفروض يحطها ف متحف .. يشوف موضوع زى موضوعك هيفضل متمسك بتمن العربيه ومش عاوز يخسر فيها قرش !
وبالتالى هيحصل زى ما قلت لك من التجار


يا اخى اتقى الله وخلى التجار مينصبوش علينا اكتر ما هما بينصبوا

و خلى بالك السوق لو اسعار نزله .. هيه الصراحه هتبقى حاجه كويسه من كذا ناحيه ايجايبه :
اولا : هنقدر نشترى عربيات جديده بأسعار رخيصه
تانيا : هنحسن من المرور فى مصر ... شوف يوميا على كوبرى اكتوبر كام عربيه قديمه وطالع عينها تلاقيها موقفه الكوبرى بالساعات اللى هو المفروض كوبرى سريع او high way
صحيح صحاب العربيات القديمه ممكن يبيعوا بسعر مش يرضيهم حاليا لكنهم بيعملوا لقدام وكل اللى هيبيع بسعر كويس هيساعد ان التجار ميقطعوش فى لحمنا زياده

والله الموفق

اقتباس:

---

المشاركة الأصلية كتبت بواسطة fhd737

الموقع ملىء بالتجار الذين يوهمون الجميع بالنزول المتنامى للاسعار ويحاولون الشراء بابخس الاسعار واستغلوا اهتزاز السوق فى مطلع العام الجديد وهى لعبه سنويه معروفه ساعدتهم عليها هذا العام اهتزاز السوق العالميه وحاولوا ايهام البعض باننا مقبلين على كارثه مع ان مصر لها ظروف خاصه فى سوق السيارات ولن تؤثر المجريات العالميه علينا للاننا سوق مغلقه بالجمارك التى سترفع نهائيا عام 2019 واللى عايز رخيص بقى يستنى وانا انصح اللى عايز يبيع يستنى ويشوف الاسعارحتبقى ازاى التجار اشتروا ويخزنواوبعدين يبيعواباعلى الاسعار ثم لاحظ الجديد نزل ولا هو هو يبقى ازاى القديم اندبح بالشكل ده وليا تجربه عام 2004 مع نزول الاسعار بالتخفيضات الجمركيه اشتريت سياره ب30000 والراجل كان شاريها ب38000 قبلى بشهرين وبعد اربع شهور جالى 40000 وبعتها ف 2007 ب38000 وحسبى الله ف اللى معندوش ضمير

---

و بعدين في نقطة حضرتك مش واخد بالك بيها ان انخفاض المستعمل مش بس بسبب الاسعار العالمية و المشاكل الاقتصادية و خلافه لا دا كمان الحكومة بتفكر في موضوع تكهين العربيات اللي عمرها اكتر من 20-25 سنة و اللي بداوها بالتاكسي يعني الناس خايفين يشتروا الموديلات اللي قبل التسعينات و كمان اصحاب الموديلات دي عندهم حالة رعب للقانون دا يطبق و بالتالي كله عايز يبيع و عشان كده اعلانات للبيع على العربيات زادت جدا و طبيعي مع زيادة المعروض يقل السعر

يا جماعه الواحد مش معترض أبدا على حمله خلوها تصدى بالعكس ياريت يبان لها مفعول لكن المشكله ان انا وانت وكلنا عندنا عربيات برضو وعايزين نغير وهتصدى عندنا زى ما هتصدى عند غيرنا طب نحلها ازاى واخرتها ايه حد يتناقش بس بالمنطق ويعرف انه زى ما هوه ممتنع يشترى غيره ممتنع يشترى منه فاهمين قصدى وأرجو المشاركه

الكلام الوارد من صاحب الموضوع غير صحيح تماماً ولا يمت للفكر التجاري الاقتصادي بصلة
مش هادخل في تفاصيل كتير ..لأننا شبعنا كلام في المواضيع دي ..بس هاقولك بمنتهى البساطة تخيل نفسك تاجر عربيات مستعملة (وسيط أو سمسار يعني) ومعاك مبلغ معين ..هل هاتروح بالمبلغ بتاعك دا اللي هو رأس مالك تشتري عربيات مستعملة منها الحلو ومنها الوحش (مفيش مشاكل) مع وجود مخاطر إلغاء تراخيص العربيات القديمة..ومش علشان تبيع وتشغل دورة فلوسك وتجارتك لأ دا علشان تخزن العربيات دي لما تبقى تغلى تبيعها !!
هل هذا كلام عقلاني؟

اقتباس:

---

المشاركة الأصلية كتبت بواسطة scorpion1000

يا جماعه الواحد مش معترض أبدا على حمله خلوها تصدى بالعكس ياريت يبان لها مفعول لكن المشكله ان انا وانت وكلنا عندنا عربيات برضو وعايزين نغير وهتصدى عندنا زى ما هتصدى عند غيرنا طب نحلها ازاى واخرتها ايه حد يتناقش بس بالمنطق ويعرف انه زى ما هوه ممتنع يشترى غيره ممتنع يشترى منه فاهمين قصدى وأرجو المشاركه

---

اخي الكريم ما ينفعش خالص ان حد يكون جايب عربية من سنة و لا حتى كام شهر ب 10 قروش مثلا و يوم ما يحب يبيعها عايز فيها 15 ولا حتى 10 طاب ازاي يعني

معاك حق وده اكيد فعلا انا شخصيا بأخسر وبأقول انا استعملتها وشالتنى ووديتنى يعنى كان فى انتفاع والانتفاع مقابل ماده بأريح نفسى كده المشكله يا صديقى ان الناس منتظره الدنيا تتغير بمعنى ان فى ناس جابت اللانوس زيرو فى99ب37000جنيه وركبتها10سنين وبتبيعها فوق الاربعين وفى كتير بيفكر انه طالما غير زيت وطقم سيرفيس يبقى يبيع زى ما اشترى او يكسب ثم انا بأقصد المستخدمين اللى زيى وزيك كده مش تجار يعملو ايه ولحد أمتى

خلوها تصدي

التاجر لا يعنيه أبداً غلاء الأسعار أو رخصها ولكن يعنيه المكسب فقط والوقت بالنسبة إليه أهم عامل.
بمعني إن التاجر بيشتري العربية ب 20 ألف مثلاً بغض النظر هي كانت بكام ولكن المهم أنه يبيع في أقصر وقت ب 22 ألف
وبالتالي مكسبه في يوم أو إسبوع ألفين جنيه

ولكن لو إشتري رخيص وإنتظر غلاء الأسعار وباع غالي مكسبه بالنسبة للوقت سيكون خسارة
يعني هيكسب 5 ألاف جنيه في 3 شهور وهذا يعتبر خسارة.

التاجر لا يعنيه إلا المكسب السريع

انا وضعت رأيى المتواضع عن الموضع ده فى مشاركه منفصله بعنوان (( وجهه نظر ))

http://www.nilemotors.net/Nile/showthread.php?t=55667

وده اللينك الخاص بها

و اكيد الاختلاف فى وجهات النظر لن يفسد ابدا للود قضيه
:36_3_18[1]:

يا جماعه انا معايا دوجان موديل 1992 حاله كويسه يا ترى دي تعمل كام دلوقتي لو عايز ابيعها؟

هاتصدي هاتصدي

اقتباس:

---

يا جماعه انا معايا دوجان موديل 1992 حاله كويسه يا ترى دي تعمل كام دلوقتي لو عايز ابيعها؟

---

اقتباس:

---

هاتصدي هاتصدي

---

هو طبعآ مش قصده علي الدوجــــــــــان.

من الاخر اللى عنده عربيه مش حتفرق معاه كتير ....لانه حيبيبع رخيص و حيشترى رخيص ....... بس انا متوقع ارتفاع الاسعار قريبا ...وده لاسباب كثيره اهمها ...ان تخفيض الضرائب او الغائها معناه ببساطه شديده تدمير صناعه السيارات بمصر .و طبعا الدوله لن تسمح بذلك ..يبقى اللى معاه عربيه و عايز يغير مش حيفرق معاه ارتفاع او انخفاض الاسعار .....و لكن اللى بيشترى لاول مره دى بالنسبه له فرصه يلحق يشترى من دلوقتى قبل الاسعار مترتفع تانى

والله يا شباب انا مرة قعدت مع تاجر عربيات اعرفه من زمان وقاعدنا نتكلم على الحال اليومين دول لاقيته بيقولى ان الحالة دى بتتكرر فى هذه الفترة من كل سنة وده امر عادى بس السنه دى اخدت صيت علشان الأزمة الى حصلت فى العالم مش اكتر,وعلشان كده الناس خافت وترددت فى الشراء اكثر من الأول وقالى كمان ان كمان شهرين ثلاثة الاسعار هترتفع لان الدولار هيرتفع ... وكل حاجة هترجع طبيعى تانى ...
والله اعلم

يا جماعة محدش يسأل حد عن ثمن عربيته لان هيسمع ارقام غريبة جدا مش عارف الى بيجاوب ده بيجبها منين ؟؟؟؟؟؟؟؟؟؟؟؟يعنى هيقولك سعر يخسف بالعربية الارض

اقتباس:

---

المشاركة الأصلية كتبت بواسطة fhd737

الموقع ملىء بالتجار الذين يوهمون الجميع بالنزول المتنامى للاسعار ويحاولون الشراء بابخس الاسعار واستغلوا اهتزاز السوق فى مطلع العام الجديد وهى لعبه سنويه معروفه ساعدتهم عليها هذا العام اهتزاز السوق العالميه وحاولوا ايهام البعض باننا مقبلين على كارثه مع ان مصر لها ظروف خاصه فى سوق السيارات ولن تؤثر المجريات العالميه علينا للاننا سوق مغلقه بالجمارك التى سترفع نهائيا عام 2019 واللى عايز رخيص بقى يستنى وانا انصح اللى عايز يبيع يستنى ويشوف الاسعارحتبقى ازاى التجار اشتروا ويخزنواوبعدين يبيعواباعلى الاسعار ثم لاحظ الجديد نزل ولا هو هو يبقى ازاى القديم اندبح بالشكل ده وليا تجربه عام 2004 مع نزول الاسعار بالتخفيضات الجمركيه اشتريت سياره ب30000 والراجل كان شاريها ب38000 قبلى بشهرين وبعد اربع شهور جالى 40000 وبعتها ف 2007 ب38000 وحسبى الله ف اللى معندوش ضمير

---

الظاهر إن أصدق كلمة فى الكلام ده إن الموقع ملىء بالتجار

فعلا مش صح الواحد يسأل عن ثمن عربيه مستعمله على الموقع لان ببساطه صعب الواحد يعرف سعر السوق عامل ايه دلوقتي و كمان حاله العربيه كمان بتفرق كتير برده.. ربنا يستر بس!