F3 ماذا تفعل لو كنت مكانى؟ ارجو الا فادة (mazagnge )

عرض للطباعة

10-01-2009, 02:44 AM
semsem2803

F3 ماذا تفعل لو كنت مكانى؟ ارجو الا فادة (mazagnge )

انا كنت محتار بين الجين 2 و البيرسونا لغايت لما قررت بيرسونا (full option manual) لغايت انهدة و انا ماشى فى شارع النزهة عند توكيل الامل قولت النزل اخود فكرة عن ال BYD F3 لاات فيها كل الكماليات الموجودة فى البيرسونا + موتور Mitsubishi و عفشةCorola و على النت لاايتها معدية من اختبرات السلامة الاوروبية......و ب70000 . يا جماعة انا محتار مع العلم انى مجنون Gen2 و Persona وكل صحابى فى الشغل مسمينى مجنون Gen2 و Persona .الفرق حوالى 16000 مبلغ مش قليل فى الظروف الى احنا فيها. ارجو الا فادة .:shyy::shyy:
10-01-2009, 09:03 AM
tutankhamoun

اقتباس:

المشاركة الأصلية كتبت بواسطة semsem2803

انا كنت محتار بين الجين 2 و البيرسونا لغايت لما قررت بيرسونا (full option manual) لغايت انهدة و انا ماشى فى شارع النزهة عند توكيل الامل قولت النزل اخود فكرة عن ال BYD F3 لاات فيها كل الكماليات الموجودة فى البيرسونا + موتور Mitsubishi و عفشةCorola و على النت لاايتها معدية من اختبرات السلامة الاوروبية......و ب70000 . يا جماعة انا محتار مع العلم انى مجنون Gen2 و Persona وكل صحابى فى الشغل مسمينى مجنون Gen2 و Persona .الفرق حوالى 16000 مبلغ مش قليل فى الظروف الى احنا فيها. ارجو الا فادة .:shyy::shyy:

شوف ... الموضوع محير
علشان أنا سمعت ناس كتير شكرت في العربية F3

بس الموضوع مش موضوع عفشة كورلا و موتور ميتسوبيشي بس

لو أنت ناوي تخلي العربية معاك مدة طويلة و مش ناوي تبيع قريب
و متأكد أن كل قطع الغيار موجودة للعربية دي ... هاتها ...

بس أنت معجب بالجين 2 ... و العربية عملت اسم و مبيعات عالية في السوق .
و أعتقد أن ببيعها هايكون أسهل من العربية الصيني لو فكرت تبيع بعدين
شوف ........ وازن الموضوع مع أمكانياتك و مع ميزانيتك
لو 16 ألف فارقين معاك ........ هات الصيني
لو مش فارقين ...... هات الجين2
10-01-2009, 10:41 AM
elmadawy

الله ينور عليك يا استاذ توت كلام من الاخر ومقنع
10-01-2009, 11:31 AM
rasslan

انا زيك معجب جدا بالf3بس لما دورت وسألت لقيت فى قطع غيار مش هتلاقيها موجودة الا فى التوكيل وما ادراك باسعار الوكيل غير كدة العربية ممتازة فى سمعتها بين اللى اشتروها وياريت لو زى ما استوردوها ينشروا قطع غيارها واكسسواراتها . وربنا يوفقك لأختيار المناسب وألأفضل وياريت تقولنا عملت اية .
10-01-2009, 02:42 PM
semsem2803

انا مش من النوع الى بيغير العربية كل كام سنة انا عايز اجيب عربية و تقعد معايا عشان انا من الناس الى بتتعلق بحاجتها.بلنسبة لقطع الغيار الراجل فى التوكيل قالى انها موجودة فى التوكيل و لو عايز ممكن اشترى من برة قطع غيار ميتسوبيشى و تويوتا
10-01-2009, 04:20 PM
m_marmoush

اقتباس:

المشاركة الأصلية كتبت بواسطة tutankhamoun

شوف ... الموضوع محير
علشان أنا سمعت ناس كتير شكرت في العربية F3

بس الموضوع مش موضوع عفشة كورلا و موتور ميتسوبيشي بس

لو أنت ناوي تخلي العربية معاك مدة طويلة و مش ناوي تبيع قريب
و متأكد أن كل قطع الغيار موجودة للعربية دي ... هاتها ...

بس أنت معجب بالجين 2 ... و العربية عملت اسم و مبيعات عالية في السوق .
و أعتقد أن ببيعها هايكون أسهل من العربية الصيني لو فكرت تبيع بعدين
شوف ........ وازن الموضوع مع أمكانياتك و مع ميزانيتك
لو 16 ألف فارقين معاك ........ هات الصيني
لو مش فارقين ...... هات الجين2

+1111111111
زى ما توت قال بالظبط (عين العقل) وأنا لو مكانك مش حشترى عربيه أجرب حلوه ولا وحشه و لو طلعت وحشه يبقى شربتها
خليك فى المضمون و هات الجين تو
10-01-2009, 04:46 PM
muhmado_furp

اقتباس:

المشاركة الأصلية كتبت بواسطة semsem2803

انا مش من النوع الى بيغير العربية كل كام سنة انا عايز اجيب عربية و تقعد معايا عشان انا من الناس الى بتتعلق بحاجتها.بلنسبة لقطع الغيار الراجل فى التوكيل قالى انها موجودة فى التوكيل و لو عايز ممكن اشترى من برة قطع غيار ميتسوبيشى و تويوتا

ادخل ياباشا منتدي السيارات الصيني الاخري في النتدي هنا
هتلاقي ناس بتغير قطع غيار زي طقم الدبرياج وديسك واسطوانه علي 10 الف كيلو
وللاسف التوكيل قالوا دول بره الضمان وقالوا انهم برقم مبالغ فيه
وواحد تاني بيولف للعربيه قطع غيار عربيات تانيه وده معناه ان مش كل قطع غيار الكورولا والميستوبيشي ركبت عنده وبدأ يشوف ماركات اخري

ادخل هتلاقي الموضوع بالتفصيل
وبعدين قرر
10-01-2009, 06:20 PM
ringoo84

بص هي العربيات انت ونصيبك ممكن تجيب مرسيدس وتبهدلك وممكن 128 موديل 90 ونكون معاك زي الفل فانت صلي الاستخاره والي انت ترتحلها توكل على الله وجبها وربنا يعملك الي فيه الخير لان الf3 جميله والجين 2 اجمل ...................
11-01-2009, 09:40 AM
ahmedsiyam

العربيات دى نصيب

بس انا موش هادفع جنيه فى عربية صينى

وبرضه الصناعة الماليزى موش الوهم و انت بختك فعلا ممكن تجيب عربية تبقى زيى الفل و ممكن تجيبها كوم زبالة و لا تنفع معاك

استخير ربنا و ان شاء الله يقدملك اللى فيه الخير
11-01-2009, 09:51 AM
amrrashed

بص ياباشا انت عجباك الجين تو وهتموت عليها فمتجبش عربية انت مش عايزها لانك هتفضل على طول تفكر وتقول ياه ياريتنى كنت اشتريت الجين تو ....... الراحة والمتعة ليها تمنها

توكل على الله وهات الجين تو
11-01-2009, 02:38 PM
aapaap855

اقتباس:

المشاركة الأصلية كتبت بواسطة ringoo84

بص هي العربيات انت ونصيبك ممكن تجيب مرسيدس وتبهدلك وممكن 128 موديل 90 ونكون معاك زي الفل فانت صلي الاستخاره والي انت ترتحلها توكل على الله وجبها وربنا يعملك الي فيه الخير لان الf3 جميله والجين 2 اجمل ...................

تمااااااااااااااام كدة
11-01-2009, 05:25 PM
saidbakr

اقتباس:

المشاركة الأصلية كتبت بواسطة semsem2803

انا كنت محتار بين الجين 2 و البيرسونا لغايت لما قررت بيرسونا (full option manual) لغايت انهدة و انا ماشى فى شارع النزهة عند توكيل الامل قولت النزل اخود فكرة عن ال BYD F3 لاات فيها كل الكماليات الموجودة فى البيرسونا + موتور Mitsubishi و عفشةCorola و على النت لاايتها معدية من اختبرات السلامة الاوروبية......و ب70000 . يا جماعة انا محتار مع العلم انى مجنون Gen2 و Persona وكل صحابى فى الشغل مسمينى مجنون Gen2 و Persona .الفرق حوالى 16000 مبلغ مش قليل فى الظروف الى احنا فيها. ارجو الا فادة .:shyy::shyy:

سؤال بسيط، هل حضرتك متأكد إن فيها ABS و EBD و أكياس هوا؟!!!
12-01-2009, 02:11 PM
mazagnge

سا الخيررررررررر :hlopaet_prv:

عذراً يا عم سمسم ... النت و العيشة و اللى عيشينها و المجتمع و الناس و سنينهم ... فعذراً :dzey:

شوف بالنسبة للعربية BYD انا شايفها عربية جامدة قوية و فيها حاجات متميزة و الصالون بتاعها تحفة بنفس فخامة و إتساع التويوتا 2006 ، موتور Mitsubishi 4G18 + تكييف + باور + سنتر + زجاج كهرباء +مريات كهرباء +راديو /3 MP + جنوط 15 + تابلوة تويوتا + 2 ايرباج + فوج لايت + ABS & EBD + فتحة سقف + سينسور ركن خلفي + مقابض نيكل + مش متأكد ان كان الدركسيون فية مالتفنكشن ولا لأ........... لأخرة
---> الخلاصة انا مقتنع بالعربية بنسبة 85 % ، و الاهم سعرها التحفــة .

طيب اية عيوب العربية :

- تابعه لتوكيل الأمل " لادا " ، يعني حاذي جنب أخوك عز العرب و أقعد ... توكيل ضعيف الأداء ، و بيعملش لا دعاية و لا ترويج و لا عروض .

- العربية تحس أنها هاجين مقدمة و صالون و عفشة التويوتا ، و فوانيس و مؤخرة هوندا سيتى .

- نتيجة العيب السابق فشركة تويوتا أو هوندا مش فاكر بالظبط خدت حكم قضائي و لم ينفذ لاستئناف شركة BYD فية ، بعدم نزول العربية F3 سوق الاتحاد الأوربي او أمريكا و كندا .... لكن الموضوع في ساحة القضاء .

- قطع الغيار خارج التوكيل ضعيفة ... يبقى معاملتك و صيانتك مع التوكيل .

- انا اعتقد ان الموتور مصنوع تحت أشراف شركة ميتسوبيشي و ليس ياباني ، يعنى موتور صيني بتكنولوجيا و اشراف شركة ميتسوبيشى .

طيب الخــــلاصة : :Oc_sun1[1]:

- لو السعر ها يفرق معاك ، أشتري العربية فوراً لكن و انت حاطط في دماغك انك تبيعها خلال 4:5 سنوات يعني مش عربية العمر ، و دة للاتي :

* انا لي وجهه نظر ان شركة BYD هاتنزل موديلات جديدة عشان تهرب من قصة الحظر بتاع الاتحاد الاوربي و ما تخسرش سوق كبير زى دة ، و بالتالي أكثر من 5 سنين هيبقى قطع غيار عربيتك مش موجودة فى التوكيل و هتولف قطع غيار تويوتا و ميتسوبيشى ... فأنت تبيعها فى عزها و متخسرش كثير و ثانيا عربية بالكماليات دى و السعر دة سهل بيعها ، و تبقى دلعت نفسك بيها الفترة السابقة .

* رأي أنتظر أخر شهر مارس /3 لان أستحالة اسعار العربيات ما تنزلش .... الخليج ابتدي اسعاره تنزل ، و المعارض اللى بتجيب من الخليج ابتدت تجيب عربيات باسعار اقل ... فحاول التريث فقرار الشراء و تجميع اكبر قدر من المعلومات عن العربية اللى عايزة .... عشان دي فلوس كثير اللى بتتدفع .
13-01-2009, 03:02 PM
mohamedowais

انا بس ليا تعليق على ال f3
انا العربيات اللي بشوفها ماشيه في الشارع من الf3
باحس كانها عربيه بقالها 5 او 6 سنين مثلا
و هي كبيرها بتبقى ماشيه سنه
شكلها بيبقى مبهدل اوي