هل أنت مع حملة "خلوها تصدي و موديلها يعدي" ؟؟

**yramadan** · 25-01-2009 11:02 AM

أعلنت شركة "كرايسلر" عملاق صناعة السيارات الأمريكية الفارهة، عن خطة لزيادة مبيعاتها خلال العام 2009 الجاري، بعد الضربة التي تلقتها العام الماضي نتيجة تراجع المبيعات بنحو 30 في المائة، بسبب الأزمة المالية العالمية.

ومن المقرر أن تطلق الشركة الأمريكية خطتها الجديدة الاثنين المقبل، من خلال حملة دعائية تحت شعار "أسعار الموظفين وأكثر"، حيث سيحصل العملاء، بموجب هذه الخطة، على سيارات "كرايسلر" و"دودج" و"جيب"، بنفس الأسعار التي يدفعها موظفو الشركة.
كما تتضمن خطة التخفيضات "الخيالية"، خصماً إضافياً بقيمة 3500 دولار لجميع الطرازات التي يتم إنتاجها في العام 2009، فيما تصل قيمة الخصم على موديلات 2008، إلى ستة آلاف دولار.
http://arabic.cnn.com/2009/business/...uts/index.html

**abdelmessih67** · 25-01-2009 11:13 AM

أنا مع الحملة و رغم أني بعت عزيزة ب 12 الف جنيه لكن مش هأشتري لا جديد و لا مستعمل حتى تنخفض الاسعار

**hesham_shousha** · 25-01-2009 07:44 PM

أنا عن نفسى ضد العربيات الجديده تماما وتكاليفها الغاليه وصعوبه صيانتها بالاضافه الى ضعف صاجها و إكصدامها الفبر بالزات

**mostapha** · 25-01-2009 09:16 PM

I am with this campaign. What I do is I try to advise friends and relatives who want to buy a car NOT to buy now, and wait for at least 6 months

**karimone** · 25-01-2009 10:53 PM

المشاركة الأصلية كتبت بواسطة hesham_shousha

أنا عن نفسى ضد العربيات الجديده تماما وتكاليفها الغاليه وصعوبه صيانتها بالاضافه الى ضعف صاجها و إكصدامها الفبر بالزات

انا برده كنت مقتنع بنفس الفكره ديه خصوصاً ان والدي كان عنده بيجو 504 فلما تيجي تقارن الصاج و المتانه بتعتها بالعربيات الجديده مش هاتلاقي وجه للمقارنه بس المشكله ان العربيات ديه تعبت قوي... يعني خلاص كفايه عليها اكتر من 33 سنه شغل و رغم كده كان قطع غيرها مش رخيصه برده و كانت 2000cc فاستهلاك بنزين عالي برده

لو انت عايز عربيه صاجها متين زي العربيات القديمه عليك و علي الالماني

**karimone** · 25-01-2009 10:55 PM

و خالي بالك انها كربراتير فطبعـاً مش زي ال 2000cc الجديد اللي هو استهلاك بنزينه اقل بكتير...

**abdelmessih67** · 28-01-2009 11:14 AM

المشاركة الأصلية كتبت بواسطة hesham_shousha

أنا عن نفسى ضد العربيات الجديده تماما وتكاليفها الغاليه وصعوبه صيانتها بالاضافه الى ضعف صاجها و إكصدامها الفبر بالزات

و أضف على هذا انها كبالن , على فكرة انا كنت الى وقت قريب من رأيك لكن ما الحل ؟؟؟؟؟؟؟؟؟؟؟؟؟

الاكصدام الفبر و الصاج الخفيف و الجر الامامي شر لا بد منه أو بمعنى آخر تطور لا بد منه .

الصاج الخفيف بيوفر في وزن العربية و كذا الاكصدام و كل هذا بيوفر في البنزين لان الموتور بيدفع أحمال أقل .

نفس الشئ النجكشن أوفر في البنزين من الكاربيراتير و العالم كله يتجه لتوفير مصادر الطاقة لهذا فالحل هو فعلا في الجديد أما ان تتجه للألماني و لكن قطع غياره غالية أو ببساطة تكون حريص جدا في القيادة و تسير بهدوء

**ezz2006** · 28-01-2009 04:06 PM

طبعا مع الحملة

**Anxs111** · 28-01-2009 04:48 PM

سوبارو 2009 تمنها هنا نزل ما يعادل 5000 جنيه . m ع العلم إن الدولار الكندي في الشهرين إلي فاتو فقد ٢٥٪ من قمته . أنا بتكلم على السعر المعلن في الجرنال لكن أكيد لو تدفع كاش تاخد تخفيض أكتر كتير .

خلوها تصدي و موديلها يعدي

**abdelmessih67** · 29-01-2009 01:07 PM

سؤال الى كافة الاخوة

في رأيكم الى متى ستستمر الحملة ؟؟؟؟؟؟؟؟؟ هل حتى يتم تخفيض بنسبة معينة 15 % أم 20 % أم اكثر ؟؟؟؟؟؟؟؟؟؟

يعني هل هنقول لبعض في النت أو على الجروب خلاص كفاية لحد هنا الحملة حققت أهدافها هيا فلنذهب و نشتري ؟؟؟؟؟؟

أم سننتظر حتى وقت معين time limit مثلا شهر خمسة او ستة و لو الاسعار ما نزلتش بعدها نرفع الراية البيضاء و نعلن فشل الحملة ؟؟؟؟؟؟؟؟؟؟؟؟؟

ما رأيكم ؟؟؟؟؟؟؟؟؟؟؟؟؟؟؟؟