من علي الموقع بتاع بريدجستون.. اللي بعته اخ فاضل لينا هنا من شوية في مشاركة.. مكتوب انه يتحمل تمشي عليه مسافة 80 كم مش 300.. و علي سرعه اقصاها 80 كم/ساعة..
هو في شوية مواصفات كده منها اللي انت قولت عليها و في كمان انها فيها من جوة زي اطار معدني.. عشان تتحمل وزن العربية مع الجوانب اللي من الكاوتش المقوي.. و حواف سمكها اكبر شوية.. عشان الكاوتش ميتفكش من الجنط نتيجة الضغط و الوزن..
و بالنسبة لنه بينزل ف ايه..
هو فعلا بينزل هنا في مصر مع البي ام.ز و عشان كده مفيش فيها استبن اصلا.. :M_yes[1]:
و من اول ال116 لحد ال530 و X6 كمان..
تقريبا كل الموديلات..
بس هو سعره غالي شويتين.. يعني ممكن يدخل في ضعف الكاوتش العادي نفس المقاس..
بس خلي بالك انه لو سمك الكاوتش قليل.. هيبقي برضه عرضه انه يبوظ نتيجة شوارع المحروسة الجميلة..
كوكتيل من عوامل اتلاف الكاوتش من عين قط و بلاعات و حفر و مطبات.. و احجار و رصيف..
و ربنا يخلي شركة الغاز طبعا برضه.. (اهداء خاص لا يمكن اننا ننساه)
حاول تخليك بقي في ال16 عشان يبقي سمك الكاوتش معقول.. ولو عاي تجيبه run-flat شغال.. يتحمل معاك شوية عن ال17 اللي هيكون سمكه قليل قوي..