الموضوع: اللانوس هي الاقل استهلاكا للبنزين على الطرق السريعه فقط

دى حقيقة فى ناس رجلها تقيلة جدا على بدال البنزين وتلاقى صوت الموتور يعلى منهم ولا فى الدماغ مش مدركين ان ضغطة بدال البنزين ليها تاثير كبير على كمية الاستهلاك

المشاركة الأصلية كتبت بواسطة Sherif Khalifa

و انا فى الانوس المؤشر فى الوضع العامودى بيكون على ال 100 و فى النوبيرا الوضع العمودى على 120

في اللانوس على 110

بس خلاص الاستاذ ممدوح قال ده هجس

المشاركة الأصلية كتبت بواسطة shanodaa

قائد السياره هو المتحكم في كميه البنزين
في ناس بتحرق في الغيار وفي ناس بتجيب 100 كيلو علي 2.8 rbm
وفي ناس 4 rbm

طبعا القصد تجيب 110 على الخامس يعني اعتقد مش حيكون فى حرق جامد

المشاركة الأصلية كتبت بواسطة Sherif Khalifa

معلش مش فاهم ردك ؟!!!!!

انا قصدي ان110 هي السرعه العموديه على العداد في اللانوس

بس الاستاذ محمد ممدوح قال ان الكلم بتاع اقل استهلاك للبنزين ده مش صحيح

كنت أقتنى لانوس 2008 بدون كماليات وقمت بشرائها فى شهر مايو 2008 وكرهت نفسى واللانوس بسبب البنزين حيث تستهلك بنزين مثل كل فئات فئة ال 1600 سى سى مش أقل أو إقتصادية مثلما كان الحديث عنها قبل أن أشتريها وحتى فى السفر وجدتها غير موفرة بدرجة كبيرة حيث كنت اسافر للسويس بشكل اسبوعى من المعادى حتى استاد السويس الجديد بمسافة تقدر بنحو 150 كيلو باستهلاك 12 لتر بالتمام والكمال أى أن صفيحة البنزين 20 لتر تكفى أقل من 300 كيلو فى حال الطرق السريعة علما بأن السرعة لا تزيد عن 100 كيلو وهى مثالية جدا حسب ما ذكر بموقع دايو الكورى وبحسب ما يتردد بالتوكيل أما عن الطرق الداخلية ووسط العاصمة فكنت أفضل ركوب المترو عن ركوب السيارة اللهم ان كانت هناك ضرورة والحمد لله قمت ببيعها الشهر الماضى ولم أخسر سوى 8 الاف جنية فقط وربنا كرمنى بسيارة اخرى والحمد لله ولا داعى لذكرها حتى لا يتهمنى البعض بالتشنيع وتردديد الاشاعات ويكفى اننى مشيت بها 30 ألف كيلو قبل بيعها ولى من الخبرة ما يكفى للحكم على السيارات

300 كيلو على السريع وزعلان منها طيب ممكن تقولنا العربية الى حضرتك جبتها كام سيسي وبتعمل كام في الصفيحة في نفس المشوار:b4_048:

شريف بك السيارة التى قمت بشرائها هى هيونداى فيرنا فيفا 1500 سى سى بمبلغ 67 ألف جنية كاملة مانيوال تقفيل هندى وبتعمل نفس المشوار بحوالى 8 لتر دون تشغيل التكييف ( علشان أنا جبتها من شهرين بس يعنى بعد موجة الحر بكتير ) والحمد لله الصفيحة بتعمل ما يقرب من 375 كيلو على الطرق السريعة أما الطرق الداخلية فلم أحسبها حتى الان حيث اننى أركب مترو الانفاق حاليا ومنذ شهر نوفمبر الماضى أما بمحافظة السويس حيث كثافة السيارات أقل بالشوارع عنها بالقاهرة فعملت معايا ذهاب للسويس 150 كيلو والمكوث هناك 3 أيام والمشى بها داخليا بمعدل 30 كيلو يوميا والعودة لنفس محطة البنزين ( وطنية بالمعادى على الاتوستراد ) ما بين 22 الى 23 لتر