خبر سىء : احتمال يمنعوا دخول العربيات الخليجى

**som3aa** · 10-01-2009 01:11 PM

على لسان الوزير رشيد محمد رشيد فى العالم اليوم :
"سيتم عقد اجتماع اخر خلال الاسبوع المقبل لاعادة النظر فى قرار السماح باستيراد السيارات من غير بلد المنشأ و أنه سيتم اتخاذ الاجراءات اللازمة فى هذا الشان و التى تحافظ على توازن المصالح بين المنتجين المحليين للسيارات و المستوردين و شركات التوزيع"

يعنى عايزين يرجعوا القرار بتاع منع الاستيراد من غير بلد المنشأ تانى
طبعا السبب واضح خسارة التاجر المصرى اللى بيبالغ فى ارباحه فبقت اسعار الخليجى ارخص منه.

**director** · 10-01-2009 01:30 PM

التجار الحرامية واصحاب الصالح وراء الضغط على الحكومة الغبية لكن اعتقد اصحاب المصالح ايضا من استيراد السيارات حيقفوا لهم وللقرار والحل الامتناع عن شراء السيارات باسعار مغالى فيها ولسة فية اتفاقية اغادير ياترى حيصل فيها اية لاتقلق ولا تستعجل

**mohamedbook** · 10-01-2009 01:35 PM

احتمال دة يحصل احتمال واذا حصل هيكون في صالح التاجر الجشع

**mk20022002** · 10-01-2009 01:46 PM

حتى لو طلع القرار مش هنشترى العربيات اللى متجمعة فى مصر الا لما تبقى اسعارها معقولة.....
حملة خليها تصدى على كل الزيرو سواء خليجى او تجميع محلى و احنا وراهم لازم يعرفوا ان احنا فؤناااااااااااااااااااااا ااا و مش هنتنازل عن حقنا تانىيعنى المفروض ان العربية اللى بتتجمع فى مصر تبقى ارخص من مثيلتها فى بلادها(بلد المنشا) و الا اية اللى يخلينا نجيب التجميع المصرى بالرغم من كل عيوبة... يعنى الهيونداى التجميع المصرى المفروض تبقى ارخص من الكورى مش العكس انما الاستهبال اللى احنا فية دة كفايا اوىىىىىىىىىىىىى. احنا ياما سكتنا
....خلوهااااااااااااااا تصدىىىىىىىىى يا تولعععععععععععععع....

**Mostafa Hessen** · 10-01-2009 01:58 PM

آخر حاجة يفكروا فيها المستهلك

**Mostafa Taher** · 10-01-2009 04:11 PM

هذا القرار مستحييييييييل لاسباب متعددة

و قرار وزير التجارة خرج فعلا انهاردة بدون منع الاستيراد

**mahmoud_nov1985** · 10-01-2009 04:19 PM

بلد فاسدة وحكومتها عايزة الحرق

**Samir Elshahawy** · 10-01-2009 04:19 PM

أرجو ان يتسع هدف حملة المقاطعة ليشمل أيضا عدم القبول بمواصفات السيارات الحالية ( السيارات المنزوعة من وسائل الامان ) بجانب خفض الاسعار

لماذا لاتكون السيارات في مصر كمثيلاتها في الخليج و اوروبا و العالم من حيث وجود وسائل الامان و مايعتبره الوكلاء هنا كماليات يتم نزعها لتخفيض التكلفة التي يستفيد بها الوكيل و ليس المشتري

كفاية بقي نصب و ضحك علينا

**Ahmed Samy** · 10-01-2009 04:23 PM

اساسا المواصفات المصرية (اللي بيقولو عليها مصرية) دي زبالة المواصفات

مفيش امان مافيش الوان مافيش رفاهية مافيش ضمان مافيش قطع غيار

بس ادفع وخلاص

الخليجي ارخص و احسن و كده كده مش هاتعرف تصلح في التوكيل

يبقى بفلوسي بقى وأصلح زي ما أنا عايز

و لو منعوا الاستيراد يبقى خليني بعربيتي شويتين تلاته

مش شاري من الحرامية دول