نوكيا تقر بوجود خلل في بطاريات هواتفها

**جندى مجند** · 14-08-2007 11:32 PM

عرضت شركة نوكيا للهواتف النقالة استبدال 46 مليون بطارية لزبائنها بعدما تبين ان بعض البطاريات بها مشاكل تقنية.

واشتكى زبائن نوكيا من ان بطاريات BL-5C، وهي من صنع شركة ماتسوشيتا، ترتفع درجة حرارتها بشكل كبير عند شحنها.

ولم تظهر اية مشاكل في 250 مليون بطارية اخرى صنعتها شركات اخرى لحساب نوكيا.

يذكر ان البطارية التي صنعت بين ديسمبر 2005 ونوفمبر 2006 تستخدم في 50 نوعا مختلفا من الهواتف النقالة.

وقالت نوكيا في بيان انها "اكتشفت بعض الحالات النادرة التي ترتفع فيها حرارة البطارية عند الشحن بسبب تماس كهربائي بداخلها."

واكدت الشركة انه لم ترد اية تقارير بوقوع اصابات او خسائر مادية من جراء المشكل، داعية زبائنها لمراجعة موقعها على الانترنت لمعرفة ان كانت بطارية هاتفهم معنية بالمشكل.

كما نصحت نوكيا زبائنها الذين يستخدمون هذا النوع من البطاريات بمراقبة هواتفهم عند شحنها ان كانت تستخدم بطارية BL5C.

منقول من موقع BBC Arabic ... و دة موقع استبدال البطاريات: http://www.nokia.com/batteryreplacement/en/

**ابوحميد** · 15-08-2007 01:13 AM

هيا دى الشركات اللى بتحترم زباينها بصحيح
دا احنا الواحد يكون اشترى عربية دفع فيها دم قبله ويطلع فيها عيب صناعة يكتشفه بمجرد ما يستلم العربية يقولوله نقسم المحبة بالنص نص التصليح علينا ونص عليك(زى ما حصل مع صاحب الاسبيرانزا)دا كمان ان رضيوا اصلا انهم يشاركوا فى مصاريف الاصلاح يعنى ممكن يقولوا ان العيب ناتج عن سوء استعمالويكون الواحد مستلم العربية ملوش يوم ولا اتنين او حتى ربع ساعة
حاجة تحرق الدم

**PRO-DRIVE** · 15-08-2007 03:39 AM

ديل انا عندى فى الكمبيوتر السنه اللى فاتت كانوا عملوا استدعاء للبطاريات رحنا التوكيل و معانا البطاريه بتمضى على وصل و تاخذ البطاريه الجديده :mrgreen: فعلا شركات بتخاف على سمعتها

**Sharky** · 15-08-2007 10:07 AM

إزاى الواحد ممكن يستبدل البطاريات دى فى مصر ؟؟؟؟؟؟؟

**جندى مجند** · 15-08-2007 12:51 PM

المشاركة الأصلية كتبت بواسطة sharky

إزاى الواحد ممكن يستبدل البطاريات دى فى مصر ؟؟؟؟؟؟؟

غالباً حضرتك المفروض تروح للتوكيل اللى شارى التليفون بضمانه يعنى راية أو رينج أو iQ و على فكرة مش كل البطاريات فيها العيب دة ... فقط البطاريات اللى مكتوب عليها BL-5C كما بالصورة:

و حضرتك بتكتب الserial number اللى على البطارية فى الفورم اللى فى أسفل الصفحة دى:
http://www.nokia.com/batteryreplacement/en/

و دى حتوضح اذا كانت البطارية دى فيها مشكلة و يجب استبدالها أم لا.

**Sharky** · 15-08-2007 01:25 PM

انا عملت الكلام دا و كتبت السيريال و بعت السيريال بس معرفش حيردوا عليه إزاى ؟؟؟؟

**جندى مجند** · 15-08-2007 08:07 PM

اللى فهمته من الصفحة دى ان لما بيتم ادخال السيريال بيتكتب اذا كانت البطارية دى من ضمن البطاريات اللى المفروض استبدالها أم لا ... فاذا طلعت المفروض تسبدل يبقى حضرتك تروح للتوكيل اللى الضمان عليه ....

بس أنا لاحظت دلوقت ان البطارية اللى فى الصورة مكتوب عليها made in japan و بطاريات نوكيا اللى فى مصر بتكون مجرى أو فنلندى فغالباً كدة و الله أعلم الموضوع دة لا يخصنا

**sokasoon** · 18-08-2007 05:11 AM

انا فعلا بطارية موبايلى NOKIA N70 BL-5C

بس ما كونتش جايبو من مصر انا كنت جايبو من سنة ونص من السعودية

على العموم انا كتبت السيريال وبعتو

**Nader** · 18-08-2007 03:47 PM

انا كمان بطاريتي BL-5C

**Nader** · 18-08-2007 03:50 PM

ردو عليا وكتبوا:

Product Advisory: Nokia BL-5C battery

Your battery is not among those manufactured by Matsushita between December 2005 and November 2006 and your battery will not be replaced.

Thank you for checking your battery.

www.nokia.com

الحمد لله انا في السليم