المشاركة الأصلية كتبت بواسطة l0new0lf
التوكيل الى معاك لا يثبت ملكيتك للعربيه
نوضح
التوكيل الى معاك يديك الحق فى انك تسوق العربيه و ترخصها و تمثل صاحبها (الاجنبى الى انت اشتريت منه) امام المرور و يديك الحق انك تبيعها لنفسك او لغيرك
توكيل = صاحب العربيه (الى العربيه متسجله باسمه) مديلك الحق فى انك تعمل كل ما هو منصوص عليه فى التوكيل
يعنى لو كان الراجل عامل توكيل لواحد تانى ممكن بكل بساطه انه يبيعها لنفسه او غيره و العربيه تتاخد منك
و لو لا قدر الله انك مت العربيه هترجع لصاحبها اللى اسمه مكتوب فى الرخص
هتقولى انك هتعمل توكيل لحد من عندك للتصرف فيها فى حالة ان حصلك حاجه ارد عليك و اقول لك ان اى توكيل يعتبر لاغى بموت احد طرفيه
لو هتبيع العربيه قريب خليها زى ما هيه
لو المده هطول او هتخليها ليك يبقى تنقلها فورا و تحافظ على حقك و حق اسرتك