أسباب اختلال عجلة القيادة

**masrawy99** · 11-01-2009 12:34 AM

السلام عليكم
بقرا كثير فى الجرائد والعياذ بالله فى الحوادث هذه الجملة
" واختلت من قائد السيارة عجلة القيادة"
وياريت الشباب تقولنا اه هو مفهومها وأسباب خلل عجلة القيادة
الامر التانى ما هى اسباب ان فردة كاوتش تفرقع على الطريق ؟
هل سخونة الاطار نتجية السرعة العالية والسرعة العالية دى كام ؟
ولا فرق الضغط بين الأربع فرد ؟
باريت أهل الخبرة يقولوا لنا على الموضوع ده

**SeiffoZ** · 11-01-2009 01:01 AM

وانا كمان عايز أعرف جامد يعنى إيه ..؟؟؟
يا ريت حد من الخبراء يرد علينا

**Fadi Ezzat** · 11-01-2009 01:43 AM

اولا اول سؤال بصراحة انا ماعرفش لكن التانى الكاوتش بيفرقع نتيجة الحرارة العالية لما تكون انت ماشى بسرعة عالية اوى وتكون مخلى العجل منفوخ اوى على مثلا 32 فكل اما السخونية تزيد تلاقى الكاوتش يتمدد من الداخل بسبب الحرارة التى تجعل الهواء من الداخل يسخن فيزداد الضغط على الاطار فينفجر الكاوتش اما بالنسبة لنصيحتى املى الاطار بالنيتروجين الخالص علشان ماتقلقش من الموضوع دة وياريت كمان تكون الاطارت تيوبليس

**Ahmed Selim** · 11-01-2009 09:34 AM

أختلال عجلة القيادة ليه أسباب كتييييييير
1- السواق ينام وهو سايق مثلاً والعربية تحدف وبعدين يفوق يحاول يلم العربية والعربية تعوم
2- كاوتش يفرقع
3- زيت أو مياه على الأرض

دول اللى فاكرهم دلوقتى

وبالنسبة لسؤال الكاوتش......كل نوع كاوتش بيبقى مكتوب عليه حرف بيوضح هو يستحمل لحد سرعة كام....بعد السرعة دى ممكن الكاوتش ميستحملش ( H = 210 كم و V = 240 كم ) وفى حروف تانية أعلى أو أقل فى السرعة.
و ناخد بالنا من حالة الكاوتش.....يعنى ميكونش كاوتش يستحمل لحد سرهة 180 مثلاً ومتغيرش بقاله 80 ألف كم ونمشى بيه على 200 كم
وطبعاً ضغط الهوا أهم حاجة......و خصوصاً فى الصيف