عرض للطباعة
وانا بأبحث عن عيوب ومميزات اللانسر الخليجى لقيت واحد بيشتكى- على النت- ان مياه الامطار دخلت الى مدخل هواء سيارته ( لانسر 2007- خليجى) وبيقول انها عملتله مشكلة كبيرة فى الموتور وان سبب ده هو ان مدخل الهواء بيسمح بدخول مياه الامطار بسهولة ، طبعا انا مش عارف الكلام ده صح وللا كلام فارغ و انا يهمنى الموضوع ده لانى من اسكندرية و المطر كان كتير بيسبب لى مشاكل فى العربية ومش عايز المطر يعمللى مشكلة فى عربيتى الجاية -انشاء الله
افيدونا افادكم الله[/b]
دا فى منتدى الخليج للسيارات وانا قريت الرسالة دى...
طبعا كلام فشنك والطريقة الوحيدة لدخول ماء المطر للموتور أن تغرق السيارة فى الترعة أو فى الخليج الفارسى!!!
كيف تسير نقطة المطر من الأمام للخلف علشان تنشن على فتحة التهوية وهى نازلة أصلا من فوق لتحت؟؟ وكيف ستمر أصلا من الكبوت المغلق ؟؟؟
ثانيا كيف ستمشى مسافة حوالى 50 سم من فتحة التهوية وحتى الفلتر؟؟
ثالثا هتعدى فلتر الهوا إزاى وهو خمسين طبقة؟؟ وكام نقطة هتعدى علشان تبوظ الموتور؟؟؟
أحلام فى أحلام
هى أكيد عربيته غرقت فى الترعة بس نسى يقول!
استحاله طبعا الكلام دا يحصل و لو فرضنا ان الكلام دا اتقال علشان االخليج جو حر و الكل متخيل ان ما فيهوش مطر...
لاء الخهليج في مصر و كانت ايام بتقعد تشتي اسبوع.حتي لو مفيش مطر يعني هما هناك مش بيغسلو عربياتهم في المشحمه خالص و العربيه كلها بتتغرق؟؟؟
كلام فشنك و انا ما الدكتور احمد في تحليله
دا كلام ما بيحصلش فى لادا و لا 127 يبقى يحصل فى عربية لانسر
أى كلام طبعا
انا برضه قلت الكلام ده اى كلام فعلا وصعب جدا يكون صحيح لللانسر للخليجى او المصرى وخصوصا اصعب بالنسبة لعربية يابانى ومش اللى بالى بالك :wink:
وشكرا اللافادة
عندى مداخلة بخصوص ما قاله ا/ احمد
على فكرة يا استاذ احمد دا مش مستحيل ولا حاجة دا عادى جدا اقوللك ازاىاقتباس:
كيف تسير نقطة المطر من الأمام للخلف علشان تنشن على فتحة التهوية وهى نازلة أصلا من فوق لتحت؟؟ وكيف ستمر أصلا من الكبوت المغلق ؟؟؟
العربية لما بتكون ماشية بسرعة مثلا حتى لو فتحة التهوية عمودية على اتجاه الارض الا انه لازم تيجى فيها نقط المطر وخاصة لو كان غزير
مثال انت لو ماشى بالعربية فى المطر وحطيت كتاب مفتوح بحيث يكون الجزء الاول منه عمودى على اتجاه الارض والجزء التانى اللى من فوق موازى لاتجاه الارض
رغم ان الجز اللى من فوق المفروض انه مغطى الجزء اللى من تحت الا انه على سرعة العربية لازم الجزء اللى من تحت العمودى على اتجاه العربية حييجى على نقط المطر لان العربية بتتحرك
يعنى مش نقطة المطر هيا اللى بتمشى من الامام للخلف لا دا العربية هيا اللى بتمشى من الخلف للامام وتخبط فى النقطة
+
ممكن يكون المطر اتجاه سقوطه مايل طبعا مش لدرجة انه يمشى بالعرض لا انا قصدى يلخد زاوية
انا مش قصدى ان دا بيأثر على الموتور ولا حاجة بس قصدى ان دا بيحصل والكلام مش مستحيل بس انا اظن ان انت قصدك المستحيل هوا ان المطر دا ياثر على الموتور او يوصل لجوه اصلا
وشكرااااااااااا
المياه لاتؤثر إطلاقا علي الموتور إلا اذا وصلت الي الدسباراتير (موزع الكهرباء) غير كده لاتوجد مشكلة تذكرز
و لو دخلت فلتر الهوا