جبت الموبايل الصينى ونفضت لكلام الناس

**pro_samir** · 12-04-2009 09:02 PM

المشكلة انة زى البطيخة .. زى أى حاجة صينى انت وحظك

انا معايا Anycool D58 ولولا انى لاقيتة بضمان عمرى ما كنت هفكر اشترية ، هوا كان عامل 620 جنية من شهرين تقريبا

وحصل مشكلة فى المايلك ودخلتة ضمان مرتين لحد ما اتظبط وشغال زى الفل الحمد لله .. هوا من اقل الأجهزة كمواصفات لكن حجمة تحفة وشكلة شيك جدا وشاشة تاتش + الأرقام العادية وفية كل حاجة بحتاجها ومبحتاجهاش لدرجة انى بفكر اركن الأى ميت اخلية للرقم البرايفت واشيل خطين الشغل فى الصينى دة وخلاص

يعنى انا بعد ما جبتة كنت ابتديت اتقرف منة بسبب مشكلة المايك لكن بعد فترة لما اتظبطت جالى عروض كويسة انى ابدلة بتليفونات تانية معروفة لكن خط واحد مرضيتش

لكن المشكلة المقلقة موضوع الأشعاع دة فعلا مش عارف اتأكد منة ازاى !!!

**ahmad--ezzat** · 13-04-2009 01:03 AM

المشاركة الأصلية كتبت بواسطة abdalla45

كل حاجه ليها مميزات وعيوب
مميزاته شريحتين
صوت عالى
راديو وتلفزيون
عيوبه استهلاك شحن سريع بعد فتره
حجمه كبير
مبيستحملش اى بهدله
صيانة ممله جدا وكمان فى حاجات فيه لما تبوظ خلاص بالسلامه زى البلوتوث كان معايا مكملش سنه وباظ وهرب شحن وبعته بخساره دا بعد محاولت اصلحه ناس قالتلى سوفت نزلت سوفت ومفيش فايده واحد بتاع صيانه قالى ملهوش حل مبيتصلحش فبعته بخساره

لالالالالا كلو الا موضوع الشحن دة
بسم الله ما شاء الله دة بيقعد معايا 5 ايام واستهلاكى طبيعى
هو السوفت وير بتاعو صعب شوية وكمان الموبيل بطىء جدا
دى عيوبة

**abdalla45** · 13-04-2009 11:06 PM

المشاركة الأصلية كتبت بواسطة Ahmed20_08nubira

لالالالالا كلو الا موضوع الشحن دة
بسم الله ما شاء الله دة بيقعد معايا 5 ايام واستهلاكى طبيعى
هو السوفت وير بتاعو صعب شوية وكمان الموبيل بطىء جدا
دى عيوبة

دا الى حصل معايا