سير الكاتينة

**eldeplomasy** · 15-01-2009 12:45 AM

قدر الله وما شاء فعل بس ازاي اتقطع احكيلنا ملابسات القطع واديلك قد ايه مغيرتهوش؟؟؟ علشان نسفتيد بس من اخطاء الغير

وعموما فداك مال الدنيا كله

**mrghost** · 15-01-2009 05:20 AM

الحمد لله على كل شيئ اولا
والله انا كنت ماشى فى طريق الكليه الحربيه ومره واحده سمعت صوت تكتكه جامد كده ولمبه الدينامو نورت عرفت علطول ان ده سير الدينامو
وقفت ونزلت لقيت فعلا السير مقطوع هو وسير الكاتينه بس كنت مشيت بيهم حوالى 200 متر للاسف!!!
بس هى دى غلطتى لانى من ساعة ما اشتريت العربيه وانا مغيرتش السيور
وبصراحه لسه مش عارف حجم الخسائر لانى قطرت العربيه وسبتها فى نادى الشمس مؤقتا وان شاء الله هاروح اجيبها النهارده انا وزميلى بس مش هبدا اشتغل فيها قبل اسبوع علشان امتحاناتى وربنا يوفك باذن الله
نصيحه اى حد يجيب عربيه مهما كانت حالتها يغير السيور
(على فكرة ده حصل فى الريتمو وليس الشاهين والحمد لله )

**Ahmad Allawy** · 15-01-2009 09:38 AM

ربنا يستر ان شاء الله..
ممكن يكون اللي حصل ان الصبابات تكون اتكسرت..
بس مش عارف ايه تاني ممكن يكون اتأثر.. عشان كده انا كنت باسأل

**samirayad** · 15-01-2009 01:51 PM

المشاركة الأصلية كتبت بواسطة Ahmad Allawy

ربنا يستر ان شاء الله..
ممكن يكون اللي حصل ان الصبابات تكون اتكسرت..
بس مش عارف ايه تاني ممكن يكون اتأثر.. عشان كده انا كنت باسأل

هو اللى بيحصل ان صباب أو أكثر بينعوج....ولاتوجد خسائر غير ذلك....وعملية الاصلاح بعد كدة انة بيجيب طقم صباب كامل وبيعمل رودية للصبابات الجديدة على قواعدها...وبيغير جوان رأس السلندر وخلاص.وسيلات الصبابات...بس الموضوع لة جانب ايجابى على الرغم من عدم تمنيه لأى واحد....وهو أنة يمكنة نظافة مجارى التبريد بالبلوك وبالتالى رفع كفاءة التبريد.... بالاضافة الى رفع كفاءة الاحكام بالنسبة لخليط الحريق بعد عمل الرودية الازم للبلوف(الصبابات).....وكذلك يتم تغيير سيلات الصبابات وبالتالى تأمبن عملية تفويت زيت التزييت الى غرف الحريق....

**Ahmad Allawy** · 15-01-2009 03:58 PM

الف الف شكر يا باشا علي التوضيح..

**samirayad** · 15-01-2009 05:26 PM

المشاركة الأصلية كتبت بواسطة Ahmad Allawy

الف الف شكر يا باشا علي التوضيح..

يابية أى خدمة

**mrghost** · 15-01-2009 05:56 PM

الف الف شكر على الشرح الوافى

**samirayad** · 15-01-2009 06:01 PM

المشاركة الأصلية كتبت بواسطة mrghost

الف الف شكر على الشرح الوافى

يا أخى ربنا يكرمك....ويهون عليك موضوع قطع سير الكاتينة بتاع الريتمو.....عموما قدر الله وماشاء فعل

**wsamy** · 17-01-2009 08:14 PM

يا جماعة جزاكم الله كل خير على الردود الهايلة دي, انا سألت سؤالي و اختفيت اصلي كنت مشغول جدا و قلت ابقي احكيلكم عملت ايه. بصوا بقي... انا رحت مركز خدمة الكويت و البلاد العربية اللي في الدقي النهاردة الساعة 8 الصبح,, بصراحة هما معاملتهم كويسة جدا, بس انا طلبت اعمل سير الدينامو و الكاتينة و بلية الشداد والمفاجئة انهم قالولي 850 جنيه و لما قلتيلهم سير الكاتينة بس قالولي 750 يعني خصموا 100 جنيه, طبعا انا مكدبتش خبر و قلت يا فكيك,, طلعت بعد كدة اشتريت بنفسي الحاجات كالتالي:
سير كاتينة 60 جنية
بلي شداد ثابت و متحرك و سير دينامو و بوجيهات 210 جنيه
فلتر بنزين و فلتر هواء 55 جنيه
و الراجل دلني على مركز سيارات في فيصل بيشتغل في السيارات الحديثة و ركب لي كل دة و اخد مني 180 جنيه مصنعية.
المهم انا من كام يوم و انا حاسس ان صوت العربية عالي بس بعد ماركب الحاجات النهاردة حاسس ان صوته اعلى شوية, و الميكانيكي بيقولي ان الايدل عايز يتظبت, و كشف عليها بالكمبيوتر لقى كله تمام و اتفقت معاه ارحله تاني علشان الايدل ده.

**samirayad** · 17-01-2009 08:28 PM

المشاركة الأصلية كتبت بواسطة wsamy

يا جماعة جزاكم الله كل خير على الردود الهايلة دي, انا سألت سؤالي و اختفيت اصلي كنت مشغول جدا و قلت ابقي احكيلكم عملت ايه. بصوا بقي... انا رحت مركز خدمة الكويت و البلاد العربية اللي في الدقي النهاردة الساعة 8 الصبح,, بصراحة هما معاملتهم كويسة جدا, بس انا طلبت اعمل سير الدينامو و الكاتينة و بلية الشداد والمفاجئة انهم قالولي 850 جنيه و لما قلتيلهم سير الكاتينة بس قالولي 750 يعني خصموا 100 جنيه, طبعا انا مكدبتش خبر و قلت يا فكيك,, طلعت بعد كدة اشتريت بنفسي الحاجات كالتالي:
سير كاتينة 60 جنية
بلي شداد ثابت و متحرك و سير دينامو و بوجيهات 210 جنيه
فلتر بنزين و فلتر هواء 55 جنيه
و الراجل دلني على مركز سيارات في فيصل بيشتغل في السيارات الحديثة و ركب لي كل دة و اخد مني 180 جنيه مصنعية.
المهم انا من كام يوم و انا حاسس ان صوت العربية عالي بس بعد ماركب الحاجات النهاردة حاسس ان صوته اعلى شوية, و الميكانيكي بيقولي ان الايدل عايز يتظبت, و كشف عليها بالكمبيوتر لقى كله تمام و اتفقت معاه ارحله تاني علشان الايدل ده.

كويس انك قلت يافكيك......بس السير دة صناعتة اية....وأنا مبسوط بجد انك غيرتة......لأن زى ماأنت عارف ....دة أخطر حاجة فى المحرك والتشغيل كلة بيعتمد علية