الموضوع: حامل لواء التصدي لحملة خلوها تصدي

الناس كفت ووفت وده رأيك و حضرتك حر فيه زي ما هو رأينا وموقفنا وأحنا حرين فيه ومحدش طلب أن السيارات تنزل 40 و50 % من ثمنها ولا حتى 30% أحنا عايزين حقنا .. الناس دي سرقتنا ومصت دمنا كتير معلش بقى يجربوا جزاء عملهم مش الجزاء بردوا لازم يكون من جنس العمل .. أخي الفاضل أحنا نطالب فقط بالمساواة والعدل ليه الناس دي لما الأسعار بتغلى جنيه برة في نفس اليوم تغلى عندنا ولما ترخص يقولك مينفعش ترخص عشان دة مخزون أشتريناه بالغالى وهنبيعه بالغالي طيب والمخزون اللي أشتروه بالرخيص بيبعوه بالغالي ليه وفي شرع مين .

أخي الفاضل أذا كان أختيارك هو الأنحياز لصفوف هؤلاء الجشعين مصاصي الدماء من التجار والوكلاء فهو شأنك ولكن أنت بهذا ترفع لواء الجشع والطمع أنت بذلك ترفع لواء التصدي للشرفاء من أبناء هذا الشعب .

أخي الفاضل تذكر أننا جميعاً محاسبون على أقوالنا وأفعالنا يوم الحشر فتذكر يوم تنفع الذكرى .

المشاركة الأصلية كتبت بواسطة dr_abooody

لازم تجار العربيات يعملوا حاجة عشان الجمارك تنزل

احنا نضغط عليهم اننا ما نشتريش عربيات و هم يضغطوا على الحكومة عشان تخفيض الجمارك و لما الجمارك تنزل الاسعار هتريح جامد

بعد كدا نبقى نشتري

رأيك سليم يا دكتور و الكلام ده انا قلته قبل كده و فعلا البلد دلوقتى بقت ماشية مع اللى معاه الفلوس يعنى ممكن تبيع المواطنيين و الاهرامات و برج الجزيرة و سيناء و طابا و كل حاجة ممكن تجيب دولارات او ريالات أو أو أو أو ................. و يمكن الموضوع ده يجيب نتيجة
ثانيا احنا بقالنا كام سنة مخروب بيتنا و بنشترى بالغالى و ساكتين ؟؟؟؟ مش حاقول ان احنا مش غلطانين لا احنا الغلط راكبنا من فوقنا لتحتنا ان احنا رضينا نشترى و نجرى نحجز و ندفع اكتر من 5000 ملطوش علشان نستلم العربية فورى،انما دلوقتى الحمد لله و بفضله ابتدينا نفوق و نصحى و نعرف الدنيا ماشية ازاى و كفاية ان دول الفوائض المقدرة بمليارات الدولارات (السعودية) معمول فيها حملة علشان تجار العربيات الحرامية و الاسم ان هناك ماعندهمش جمارك تقريبا (5% او 15% باين ؟ مش فاكر) يعنى هى جت عليهم واحنا لا ؟؟ ده احنا هنا فى اخر سنتين طلع **** بسبب الغلاء الغير مبرر يعنى لما لتر لبن المراعى السعودى يبقى ب 6.85 فى كارفور و لبنيتا المصرى ب 7.15 طب ليه ؟؟؟؟؟؟ اه الفرق 30 قرش بس برضه ليه ؟؟ هو الاولانى ده مش مدفوع عليه ضرايب و شحن و رشاوى و فساد و لجان صحة و مستهلك و الخ الخ من العك و الفساد المصرى اياه !!!!!!
بصراحة بقى كفاية نوم فى العسل احنا اكتفينا من القرف اللى بيحصل ده و مش خليها تصدى لللللللللللا خليها تخرب و تولع يمكن تنضف .
اسف على خروجى شوية بره موضوع السيارات

عزيزي مصراوي جدا ... اعرف جيدا ان السبب من وراء طرحك للموضوع بهذا الشكل المخالف لكل قواعد المنطق في هذه الفترة هو بحكم وظيفتك التي تعمل بها.

ولكن احب ان انبه حضرتك ان الناس فاقت من النوم والكل يعلم جيدا ان العالم يتعرض كله لأزمة اقتصادية وركوود عام في حين ان السادة التجارالجشعين يهددون برفع الاسعار مما يحمل معه الكثير من السخرية لعقلية المواطن والمشتري المصري ...

علشان كده لو عايز تغير العنوان من خليها تصدي الي خليها تخرب... يبقى خليها تخرب على كل تاجر جشع لغاية لما يصحى من جشعه ويكسب بما يرضي الله ... او يصحى على اسمه مكتوب في صفحة تفاليس ...