عرض للطباعة
استفسار خطر علي بالي بما اني سواق جديد انا باعلي الغيار لما بييجي مؤشر الار بي ام عند الفين مع ان في ناس قالولي المفروض عند تلات الاف وناس تانية قالولي لا عند الفين وناس قالولي حسب الغيار مش كل الغيارات يعني وناس قالولي حسب لو مسافر مسافة طويلة او ماشي عادي في غير سفر وناس قالولي وناس قالولي وناس قالولي كل اللي بيعرف يقول قال الحمد لله وانا مش عارف اية الصح فياريت كلنا نقول بنعللي الغيار عند كام واية الصح
انا عن نفسي بنقل عند 3 او 3 ونص
والله اعلم
انا معنديش ار بى ام اصلا فى العربيه هههه
بس ادينا بننقل ياتيمو لما الودن تتطرب بصوت الموتور الحيانى (ده لو هتحرق )
و فى العادى بانقل بدرى بدرى عشان صوت الموتور ميعلاش بس برده مش اجى ع النقله بزياده و انا مش واخد سرعه ( الأعتدال مطلوب )
4-5
قبل كدا كان على 2ونص او 3
لكن خلاص..الايام دي خلصت وذهبت بلارجعة.
بس نصيحة : بعد ال3ونص متزودش...
لما المزاج يبقى رايق 4 و 5
اما فى الطبيعى 3 او 3.5
حسب العربية و الموتور
مش بالمزاج ....... بس أغلب العربيات ما بين 2500 إلى 3000
ههههههههههههه انا بردو مكنتش بحط الار بي ام د اوي فدماغي واهم حاجة صوت الموتور بس ناس بقي بيحبو يتفلسفو ويقولولي خلي عينك علي الار بي اماقتباس:
المشاركة الأصلية كتبت بواسطة m7nsh
طيب ياجماعة لو الواحد يعني بقي يعللي الغيار من عند الالفين هل دة يبقي مفيد اكتر للعربية ولا لا مع العلم اني مش من هوات السرعة خالص وبمشي هادي جدا
فعلا كلام توت هو ادق كلام
والنقل المريح للموتور ومعتدل فى استهلاك البنزين
بيكون عند ال2.5 او 3
لان بعد ال3 العربيه بتزود استهلاك البنزين وصوت الموتور بيكون على
فانا عن نفسى بنقل بين ال2.5 وال3 وطبعا فى اوقات بزود عن 3 بس ده لما ابقى بشد مع حد وانا كده ببقى بحرق على الغيار عشان اطلع اقصى طاقه للموتور وده بيخلى السحب اعلى واستهلاك البنزين اعلى برضه
(ده رأى الشخصى وخلاصه تجاربى الشخصيه)
بس في حاجة..
ممكن تكون و انت لتنقل علي 2000 لفة.. تخلي العربية تتخنق منك.. و تصفع كمان.. (تسقف) و ده اخطر حاجة علي الموتور اكتر من الحرق عليه..
انا معايا اوكتافيا اوتوماتيك بحرق االغيار لما اكون رايق يعنى بعمل كيك داون وبحرق الغيار لحد 6 او 5.5 مثلا
بس د كدة مضر للموتور
مش دايما بيبقى مضر ساعات بيخلى الماتور يفوق بيفتح البكات
طيب امتي يكون مضر وامتي يكون مفيد
بين 2 و3
حسب مل العربية محتاجة
بلاش بعد 3 عشان تحافظ على المحرك
مضر لو انت بتعمل كدة فى سبيل انك تحرق وتجرى وكدة يعنى بيبقى غلط على الماتور دة طبعا بالنسبة للعربيات القديمةاقتباس:
المشاركة الأصلية كتبت بواسطة dr_timo
اما بالنسبة للعربيات الحديثة فمالوش تاثير بل بالعكس دة بيفتح البكات ويخلى العربية تفوق وتجرى
لا اكيد بردو مضر في العربيات الجديدة ومش معني انها جديدة اني احرق فيها جامد مهي كلها كام سنة وهتبقي قديمة
كلام مقنع وجميل العربيات الجدية مثلا الاوكتافيا بتاعتى اما تفضل ماشى على سرعة 120 كتير حواالى كام يوم مثلا تلاقى العربية اتخنقت ومش بتسحب حلو فتطر تعمل كيك داون وتفوق العربية بشوية جرى
ههههههه لا فعلا معزورة لازم تتخنق مية وعشرين بس دول يشلوها مش يخنقوها بس الله يكون في عونها
ههههههههههههاقتباس:
المشاركة الأصلية كتبت بواسطة dr_timo
اتريق اتريق ماهى بقت كوسة
3 جوا البلد و 5 على السريع
فعلا كوسة جدا بدليل اهوة مطلعتش رخصة وبتقولي العربية بتتخنق لما بتمشي بيها علي مية وعشرين وانا اللي مطلع رخصة ورايح جاي كل يوم لما بعدي المية شعر ايدي بيقفاقتباس:
المشاركة الأصلية كتبت بواسطة fadi2010
بالكتير من 3000 - 3500 لفه/ق بأقوم بالنقل على السرعه الأعلى على طول...... ونادر أوى لما أنقل فوق 3500 وبتكون بظروف تسارع مفاجىء أثناء التخطى
البيكات هى جزء من نظام الكاربراتير والذى لم يعد موجودا فى السيارات الحديثة بعد احلال نظام الحقن الإلكترونى مكانه، السيارات الحديثة ليس فيها بيكاتاقتباس:
المشاركة الأصلية كتبت بواسطة fadi2010
القاعدة فى الغيارات هى:
كلما زاد الحمل ، قم بتأخير النقلة
يعنى العادى انك لو ماشى هادى وبراحتك انقل على 2500
لكن لو بتشد جامد بالعربية او ماشى على مطلع او محمل العربية ناس واغراض، او بتجر بيها حاجة او اتنين او اكتر من دول مع بعض قم يتأخير النقلة، وكل ما هتأخر النقلة كل ما هتاخد عزم زيادة من المحرك، طبعا مش على الأطلاق لكن لحد نقطة اعلى قدرة حصانية للمحرك والتى تكون عادة بين 5500 و6000 لفة ، لكن طبعا كل ما تؤخر النقلة معناه استهلاك اكثر للبنزين واستهلاك كتر من عمر المحرك لان ال Rpm العالية معناها ان الشنابر بتطلع وتنزل على جسم المكبس مرات اكتر فيما معناه تآكل اسرع
لكن عموما لو عايز تعرف افضل نقطة تنقل عندها لو انت عايز افضل استهلاك للوقود فهى نقطة تختلف من محرك لآخر وتسمى نقطة اعلى كفائة، وتكون دائما فى مكان ما بين 2700 و 3500 آر بى ام ، هى دى النقطة اللى تنقل عندها والحصول عليها يتطلب ان يكون عندك خرائط اداء المحرك
اما افضل نقطة للنقل لو انت عايز افضل تسارع للسيارة فهى النقطة اللى تنزلك على سرعة اعلى عزم بعد النقلة، يعنى مثلا لو انت المحرك بتاعك بدى اعلى عزم عند 3700 لفة فى الدقيقة يبقى انت محتاج تغير مثلا من التالت للرابع لما تكون ساعه ما تشيل رجلك من على الدبرياج على الرابع عداد لفات المحرك يقرا 3700 ،يعنى مثلا ممكن تكون هتنقل على 5000 على التالت، مع التذكير ان القرص يستهلك الوقود والمحرك بصورة اكبر مهما قيل لك غير ذلك
طول عمرك كبيراقتباس:
المشاركة الأصلية كتبت بواسطة sab3aawy
طيب إيه رأيك فى الى يقولك أنا بمشى العربية على 50 على الخامس دا صح ولا غلط ولا ظروفه إيه
على حد علمى ان ده اسواء للمحرك بكثير من انك تمشى على غيار قليل و على RPM عالىاقتباس:
المشاركة الأصلية كتبت بواسطة lancerevolution
ف العادي 3000 - 3500 قبل كدا العزم عموما بيكون قليل
لما اكون متضايق ""ودا كتير مش قليل وانا لله وانا اليه راجعون"" بيكون 6500 :I_angr1[1]:
من ٣٠٠٠ إلي ٣٥٠٠
والطبيعي علي الطرق السريعة ٣٥٠٠ تقريباً إلي ٤٠٠٠ علي الخامس
بتبقي السرعة من ١٠٠ إلي ١٢٠
* عاوز تمشي صح إسمع كلام توت
***اقتباس:
المشاركة الأصلية كتبت بواسطة tutankhamoun
* ودة كمان في حدود المعقول
*ولو عاوز شقاوة وحرق جرب طريقة r0xer قبل بتاعة زمان. بس ما تسألش عن البنزين بعد كدةاقتباس:
المشاركة الأصلية كتبت بواسطة ghalasa
ولو عاوز شرح وافي ... راجع مداخلات سبعاوياقتباس:
المشاركة الأصلية كتبت بواسطة r0xer
كلام سليم جدا، لا يستحب نهائيا السير على اقل من 1800 RPM لفترة طويلة لأن هذا يتيح لنوعين من انواع الضرر الحدوث، اولهما اتاحة الفرصة للتسقيف وده مضر جدا للمحرك، وثانيهما ان السير بسرعة بطيئة يعنى احتراق بارد وهو ما يسمح لأكاسيد المكونات الضارة للبترول بالذوبان فى بخار الماء المتكاثف فى نهاية دورة الاحتراق وتكون ابخرة احماض الكبريتيك والفوسوفريك التى تسرع بتآكل صبابات العادم ومنطقة العادم فى وش السلندر والفرن والشكماناقتباس:
المشاركة الأصلية كتبت بواسطة halloween
شكرا ليك على المعلومة معلش بقى هستريا منى:Copy of majd(4):اقتباس:
المشاركة الأصلية كتبت بواسطة sab3aawy
شكرا لجميع الردود
طيب ايهما افضل ابقي عالرابع والمؤشر يبقي علي الفين وخمسومية الي تلاتة ولا امشي عالخامس والار بي ام الفين انا بلاحظ ان صوت الماتور هادي في الحالة التانية فبعمل كدة ديما بس استاذ سبعاوي بيقول ان افضل استهلاك للبنزين واداء للمحرك وافضل له انه يكون مبي الفين وسبعومية وتلة الاف وخمسومية فهل اا بعمل صح ولا المفروض مقلقش اوي من صوت الماتور العالي بدل انا لسة ماعدتش التلت تلاف وخمسومية لفة
****اقتباس:
المشاركة الأصلية كتبت بواسطة dr_timo
*أعتقد أن 3500 حلو وصوت الموتور مبيبقاش عالي قوي
* لكن ممكن حالة العربية تفرق ... جديدة يبقي ما فيش مشكلة والصوت مش ها يعلي.... لو موديل قديم وماشية مسافة كبيرة ممكن الصوت يعلي
الموضوع مواصفات المحرك, أفضل نقطة تنقل عندها هى بعد أقصى عزم للمحرك, و دى النقطة اللى بينقل عندها الفتيس الأوتوماتيك.
ممكن طبعا تنقل قبلها بشوية, خاصة لو فى النقلات الاولى, و عموما الدليل بتاعك فى النهاية هو صوت المحرك, لا تخليه يسقف و لا تخليه يعلى, و دى بتيجى مع الوقت و تعودك على العربية.
و صعب انو عربية 1600 أو 1300 تنقل قبل 2000 ار بى ام, الكلام ده انا مشفتوش الا فى المرسيدس 3000 سى سى, دى نوعية المحركات الوحيدة اللى ممكن تمشى بيها على اقل من 2000 ار بى ام دون مشاكل.