نصف مليار مخالفه فى سنه - من ملفات المرور

**human** · 11-01-2009 03:20 PM

الاهرام زفت لنا خبر ضل طريقه من باب صدق او لا تصدق او من باب ان فيه واحد ماعندوش اله حاسبه او اعلان مدفوع الاجر من المرور عشان يبين كيفيه قيامهم بواجبهم المقدس تجاه الجماهير و ظرفهم 500 مليون مخالفه فى سنه

اللى معاه اله حاسبه يطلعها ة يحسب معانا الرقم المعجزه الذى تفتق ذهن المرور و جهابزه الاهرام فى نشره

1- 500,000,000 / 365 = 1,369,863
مليون و ثلاثمائه و سبعون مخافه فى اليوم الواحد!!!!! ده كلام ناس عاقله؟!!!
اليوم فيه 24 ساعه
المرور قول بيبقى مصحصح فى 16 ساعه و ده طبعا كتير جدا بس نمشى وراهم

2- 1,369,863 / 16 = 85,616
خمسه و ثمانون الف مخالفه فى الساعه!!!!! ازاى؟؟
طاقه الداخليه فى الكتابه 85 الف مخالفه فى الساعه الناس ديه بتعمل شغل جامد اوى حوالى 24 مخالفه كل ثانيه!!!
يعنى لو قلنا ان فيه فى مصر فى الساعه الواحده كل يوم 500 دوريه مرور وده رقم مهول يبقى كل دوريه بتسجل 170 مخالفه فى الساعه على مدى 16 ساعه متصله كل ساعه 170 مخالفه!!
الناس ديق قدوه فى التفانى والاخلاص

3-شوف معايا
ساعات العمل اليوميه = 8 ساعات
هنقول ان الموظف اللى بيدخل الداتا على الكومبوطر بيدخل مخالفه كل 20 اتيه و لمده 8 ساعات متصله بدون اكل او شرب او سيجاره او تليفون او زنقه او كلل او ملل 20 ثانيه اصلا رقم قليل جدا بالنسبه انهم يفكوا الطلاسم بتاعه عسكرى المرور يبقى لازم نقول ان المرور فيه معجزه بتحصل

احسب معايا الله يخليك

نصف مليار مخالفه عشان تدخل عايزه مليار ثانيه =
10,000,000,000 / 60minutes * 60secoonds*8hours
= 347,222 يوم شغل

بما ان السنه 365 يوم يبقى عايزن 347,222 / 365 = 951 موظف داتا انترى سوبر بيشتغل بالطريقه اللى قلناها لمده سنه كل يوم 8 ساعات من غير اجازات او اى حاجه

انا مش عارف هما ازاى بيقدروا يكتبوا الكلام ده اكننا مارحناش مدارس او اكننا راكنين الفيل بره

اعتقد انهم بيشغلوا برنامج يعمل راندم و يديله ليميت لنص مليار و انت ونصيبك

**MoToRiZeR** · 11-01-2009 03:36 PM

هههههههههههههه انا لسة جي من المرور كنت بجدد .. و انا بطلع شهادة المخالفات كان فيه واحد بيلطم عليه مخالفتين عكس الإتجاه في يوم واحد بألفين جنيه .. واحدة في البحيرة و واحدة في قنا ... واضح إن مش الحكومة بس اللي سريعة .

**Casio2000** · 11-01-2009 03:42 PM

هل 500 مليون مخالفه ولا جنيه؟

**human** · 11-01-2009 03:52 PM

مخالفه يا عزيزى

**Terrible_DaRsH** · 11-01-2009 03:53 PM

يا رجالة متنسوش برده ان المخالفات جزء كبير منها على العربيات الكارووو .. والتوك والتوك والدراجات وكمان بعد التعديل للقانون المخالفات شملت الطائرات ...

**human** · 11-01-2009 03:55 PM

نص الخبر

نصف مليار مخالفة مرورية خلال العام الماضي
القاهرة ـ سهام عبدالعال‏:‏
أكثر من نصف مليار مخالفة مرورية تم تحريرها خلال العام الماضي‏,‏ لتحقيق الانضباط المروري بالمحاور والميادين المهمة علي مستوي الجمهورية‏.‏ وقد تم التصالح الفوري مع المخالفين من قائدي السيارات في مليونين و‏399‏ مخالفة

منذ بداية تطبيق قانون المرور الجديد في أول أغسطس الماضي‏,‏ منها‏180‏ ألفا تم التصالح فيها بالقاهرة بسداد‏11‏ مليون جنيه‏,‏ بينما وصلت قيمة المبالغ المالية عن المخالفات المرورية بمحافظة الجيزة إلي‏57‏ مليونا خلال العام الماضي‏.‏

http://www.ahram.org.eg/archive/Inde...1.htm&DID=9823

**MoToRiZeR** · 11-01-2009 03:57 PM

طب مدام لعبت معاهم كدة بقي يصلحولنا الطرق شوية لحسن العربية إشتكت .

**human** · 11-01-2009 04:08 PM

المشاركة الأصلية كتبت بواسطة MoToRiZeR

طب مدام لعبت معاهم كدة بقي يصلحولنا الطرق شوية لحسن العربية إشتكت .

لو افترضنا ان المفروض ياخدوا 50 جنيه على كل مخالفه يبقى المفروض يلموا 25 مليار جنيه نصيب المواطن المصرى : 312 جنيه مصرى لكل مصرى

يا موتوريزر دول ممكن يعملولك طريق مخصوص

كل مواطن بقى و اسهاماته فى المخالفات

انا بتادى ان المرور ينزل البورصه و يخصخصوه عشان اخد فيه اسهم
ده مصدر ربح كبير انا مش عارف ليه الحاجات ديه مش بتنزل البورصه - واخدين كل حاجه لنفسهم بس

**NaderNabil** · 11-01-2009 07:02 PM

أول ما قريت الخبر ده قعدت أضحك:)

مستحييييل يا جماعة نص مليار.....إزاي يعني

مصر كلها مافهاش 20 مليون مركبة علي بعض....يبقي إزاي مخالفاتهم تبقي بالحجم ده؟؟؟؟؟

إديني عقلك يعني!!!

**abo_hosni** · 11-01-2009 07:15 PM

هو سكان مصر كام أساساً :) تحليل جميل

لاحظت و أنا بادفع مخالفات السنة اللي فاتت (المخالفات اللي ماعلمتهاش و لازم تدفع)
لاحظت أن كل الملاكي اللي معايا في الكشف عليهم 150 جنيه و ماعرفتش أشوف مخالفات إيه اللي عليا دول بصراحة زي ما يكون بركتهم هتقل لو عرفت دول مخالفات إيه. هما 3 ورقات في ظرف أبيض عليه نمرة عربيتي و بس كده

و الأجرة حوالي 2500 لكل عربية كده يعني بدون تفكير تلاقي لكل عربية أجرة ظرف أبيض جميل بداخله 25 ورقة من فئة 50 جنيه المخالفة

يعني أعتقد أن تقدير المخالفات حسب النية. هتروح تدفع تلاقي مخالفات انت عملتها و متوقع تلاقيها عندهم---->تلاقيها اختفت
و مخالفات تلاقيها متسجلة عليك و انت ما عملتهاش. عادي

مسرحية شاهد ما شافش حاجة: (تدفع 10 جنيه غرامة، يا إما يشيلوا العدة. مع العلم أنه ماعنديش تليفون)
هو ده الوضع بالضبط

الموضوع: نصف مليار مخالفه فى سنه - من ملفات المرور

LinkBack

أدوات الموضوع

عرض

نصف مليار مخالفه فى سنه - من ملفات المرور - انشر الموضوع فى :

-

-

-

-

-

-

-

المواضيع المتشابهه

مخالفه عكس أتجاه

ملفات العربيه وحشه

مساعدة فى ملفات Pdf?????????

مش عارف ارفع ملفات

الكلمات الدلالية لهذا الموضوع

المفضلات

المفضلات

ضوابط المشاركة