انا اختي عقبال عندكم هتتجوز في حلوان وانا لحد دلوقتي معرفش اروح ازاي بالعربية انا ديما كت بروح بالمترو فياريت اللي يعرف اسهل طريق للزهاب والاياب مع العلم اني من سكان شبرا فياريت طريق للزهاب والاياب وياريت من عالكورنيش
عرض للطباعة
انا اختي عقبال عندكم هتتجوز في حلوان وانا لحد دلوقتي معرفش اروح ازاي بالعربية انا ديما كت بروح بالمترو فياريت اللي يعرف اسهل طريق للزهاب والاياب مع العلم اني من سكان شبرا فياريت طريق للزهاب والاياب وياريت من عالكورنيش
حلوان ليها طريقين الاتوستراد والكورنيش
الاتوستراد لية طريقين من شبرا انا معرفهمش بالظبط بس واحد منهم بتطلع كوبرى اكتوبر وتنزل ناحية مدينة نصر وبعدين تطلع على حلوان (طريق طويل ) والتانى بتمشى فى حتة كلها مدافن كدة وبعدين بتطلع على الاتوستراد فى حتة قريبة من الدويقة
نيجى بقى الى انا اعرفة تطلع على الكورنيش من شبرا
تفضل ماشى على طول على طول هيقبلك مدخل المعادى الاول والتانى (بيبقوا زحمة جدا )
وبعدين تفضل ماشى بردة على طول شوية حلوين كدة لحد بتقابل نادى دار المهندسين على يمينك هتلاقى عندى دخلة شمال تدخلها وتفضل ماشى فيها على طول بردة وهتلاقى على اليمين مزلقانين بتوع قطار الجيش الاول دى طريق الجامعة والتانى دة طريق المصانع حسب بقى انتا عايز تروح فين فى حلوان عشان تختار الطريق الاقرب منهم طريق الجامعة دة الى بيمشى فية المكروباصات و دة نهايتة محطة مترو حلوان بس كدة هتدخل فى زحمة المحطة وطريق المصانع دة فاضى نسبيا وبينزلك فى شرق حلوان وبردة مش بعيد عن المحطة (دة كلة يعتمد انتا عايز تروح فين فى حلوان ) وممكن وانتا على الكورنيش بدل متدخل من عند دار المهندسين تكمل على طول وتدخل من عند ركن فاروق شمال بردة ودة هيبقى اقرب للشارع الغربي وشارع رايل يارب اكون افادتك بحاجة اى استفسار انا تحت امرك
شكرا ياميرو عالوصف الجميل دة هروح عن طريق الكورنيش دة وربنا يسهل وما توهش ويارب تكون في لوح ارشادية كتير عشان مقعدش اقف في نص الطريق واسئل
العفو على اية بس انا معتقدش ان فى لوح ارشادية فى الطريق وربنا يسهل ومتوهش
في طريق اسهل انك تطلع الدائري من شبرا وتفضلعليه لغاية ما تلاقي كارفور على شمالك بعديها بشوية هتلاقي مخرج يخرجك على الاوتوستراد خليك لغاية ماتلاقي يافطة حي حلوان على ايدك اليمين
بس قوللي انت عاوز تروح فين في حلوان