-
نقل ملكيه
مىساء الخير على أحلى وأجدع منتدى فى مصر.
بإختصار يا جماعه أنا إشتريت عربيه مرور الوايلى.
ولكنى مقيم إقامه شبه كامله فى شرم الشيخ وبقية إقامتى فى المحله(يعنى كده كده سفر)
دلوقتى أنا عايز الاجازه اللى جايه أعمل 3 حاجات
1-شهادة مخالفات.
2-شهادة إنتاج محلى(لانوس 2006).
3-عقد بيع مسجل(لإنى كنت شاريها بتوكيل).
تنصحونى أبدأ بإيه الأول؟؟؟ و يا ترى ده كله ممكن يتعمل فى يوم واحد؟؟و يا ريت لو جد يفدنى الحوار ده كله هيتكلف أد إيه؟
-
ازيك يا عم بلال
فينك يا عم - نسيتني قوام كده
ماشي يا سيدي - معلش الدنيا تلاهي
بص يا سيدي
مرور الوايلي كويس جدا وتقدر تنجز فيه مصلحتك على طول ان شاء الله
انت تطلع الاول على الشهر العقاري وتسجل العربية بإسمك (بس خد بالك ان الرخصة لازم تكون سارية ما انتهتش)
لو الرخصة انتهت يبقى تطلع على المرور الاول وتجيب شهادة البيانات والمخالفات وبعدين تطلع على الشهر العقاري
قيمة العقد المسجل في الشهر العقاري = 1200 جنيه (خد معاك 100 زيادة)
قيمة شهادة البيانات (ضريبة العربية) = 230 جنيه (تقريبا)
على فكرة شهادة البيانات ديه بيتكتب فيها ان العربية محلي او مستوردة
وربنا يعينك وتخلص في يوم واحد
وابقى طمني يا باشا
-
رامى باشا ما أقدرش أنساك ,الناس الحلوه ما تتنسيش أبدا.
على فكره الرخصه لسه ساريه ,بس أنا كنت سمعت إن شهادة الإنتاج المحلى بتخفض من قيمة الرسوم فى التسجيل,هل ده صحيح ولا لأ؟
-
باشا
تقريبا بتنزل حوالي 200 جنيه (والله اعلم) - وكل سنة بتعدي الرسوم بتقل حوالي 5%
اصل انا سمعت المبلغ ده بس في عربية فيرنا 2006 و 1500 سي سي برضه - فعشان كده بقولك اعمل حسابك
وربنا معاك يا باشا
-
مشكور يا باشا وكده يبقى أنا المفروض أعمل شهادة الإنتاج تامحلى الاول
-
طيب حد يعرف مصاريف الضريبه والتأمين ل3 سنوات رخصه.
-
انا هقولك على التفاصيل
الاول تروح تجيب شهاده بيانات من مرور المحله موجهه للشهر العقارى
هيكون مكتوب فيها انتاج محلى
تجيب شهاده مخالفات من نيابه المرور
وانت راجع شرم تعدى على محكمه الطور وتعمل لنفسك عقد مسجل(على فكره فاضى ورايق)
تطلع على مرور الطور وتفحص العربيه وتنقل الملكيه
الرسوم
216 ضريبه عن كل سنه
75 تأمين اجبارى لكل سنه
واعمل حسابك فى زياده شويه يعنى 30 جنيه تأمين لوحات والذى منه
بس لازم بطاقتك يكون مكتوب فيها جنوب سيناء
على فكره انا اشتريت عربيه نوبيرا من اجنبى فى شرم
وكانت مرور المحله الكبرى ورحت الشهر العقارى فى الطور
شغال حتى يوم الجمعه
-
سورى يا موبيتك باشا حضرتك فهمتنى غلط انا مقيم على طول فى شرم اه بس ورقى كله المحله(ما انا مسيرى فى يوم هارجعلها تانى).
عموما الف شكر على معلوماتك ودقة أرقامك.
Content Relevant URLs by
vBSEO 3.6.0 PL2