اولا اشكر اخى اسلام جزيل الشكر
بس هو مصر فيها قوانين للمرور
بجد يا جماعة طمنونى اصل انا لما بامشى فى الشارع الاقى واحد ضرب فرامل مرة واحدة عشان زبون يركبة أو خد يمين او شمال عشان يبقى أمامى مباشرة و مش مهم اذا كان الواحد يروح فى ستين داهية ما هو السواق هيطلع منها زى الشعرة من العجينة و يمكن اسهل كمان دا انا عندى دكتور صديقى سيارتة وقعت من فوق المحور بسبب سواق ميكروباص مستعجل فعمل غرزة امام سيارة الدكتور فخبطة من بوز العربية راحت لفت كام لفة و سقطت من فوق المحور و لولا ستر ربنا كان المكان اللى سقطت منة فى اول المحور فوقعت حوالى مترين بس تقريبا طبعا السيارة اتدمرت و الراجل قعد يتعالج مدة طويلة لكن لو فى نص المحور كان الراجل بالسلامة المهم بعد حادثة الموت دى السواق خد 6 شهور حبس فقط لا غير مع إن الواحد لو سرق 100 جنية يمكن ياخد اكتر منهم يعنى الدكتور راحت عربيتة و اتعالج بفلوس اد كدة و فضل قعيد لفترة و ادى النهاية
ربنا يهدى سواقين مصر اللى قلوبهم تقريبا اصبح مكانها حجارة أو اشد قسوة و لا يوجد رادع لهم