الموضوع: الحمد لله ..أستلمت البيرسونا..و الإنطباعات الاولى تدوم ...

أولاً : في بداية القول لابد من حمد الله على عطاءه و فضله...( اللهم ما أصبح بى من نعمة أو بأحد من خلقك فمنك وحدك لا شرك لك فلك الحمد و لك الشكر )...

ثانيا : الحمد لله أستلمت البيرسونا 2009 أوتوماتيك فول ابشنز إمبارح .... و زى ما ذكرت في العنوان الانطباعات الأولى تدوم....

كنت متخوف جدا - مش عارف ليه - بس الشعور ده زال بعد الكشف على السيارة ....قصدى بعد تفصيص العربية ....

- أول بوادر الراحة بدأت من سماع صوت الماتور و كان مختلف تماما عما كنت أظنة من صوت عالى و دكتكة و كل هذه الأمور ....و البور كان جميل و ناعم عكس برضو ما كنت متخيل أنه هيبقى ناشف .... و الحمد لله ...

- و برضو موضوع الفعصة الى فى الكبوت الى كان عند بعض الناس الى استلموا قبل كده ده برضو كان شاغلنى...

- بعد كده حاولت اسيطر على الاعجاب العام بالعربية علشان يكون في موضوعية فى الفحص و عدم التغاضى عن أي مشاكل ....
دخلت جوه العربية ..و لعبت بزراير المرايات بلايستيشن ..( أذكر قائل هذه المقولة ...؟؟؟) و اتنططت على الكراسى و جربت الكلاكس - بس من غير ما أكون في فرح...هههه -( هل هو نفس القائل السابق ؟؟)

و كنت عامل معايا سى دى قرآن علشان أجرب السي دى ...

و حاجات كده كتير انا كنت محرج جدا من أنى كنت كل شوية أطلع البرشامة من جيبى و ابص فها ..... ههههه ...بس زي ما قال القائل ( محدش ليه عندك حاجة )

و دي صورة البرشامة ( باللغة إلى ممكن افهمها ) يعنى لو في مراقب في المعرض كان دبس الورقة في العربية ..و اتحرمت من سواقة العربية سنتين .....هههههههه :



- و العربية كانت عاملة 38 كليو و تقريبا دا حاجة كويسة ...

- في سؤال .... موضوع الورق بتاع العربية ده ممكن يخلص في مدة أد أيه ؟؟..أنا جايب العربية من معرض مش من عز...و قال لى في حدود اسبوع الى عشرة ايام ...الكلام ده منطقى ..؟؟؟

و طبعا لا يفوتنى شكر كل الأخوة في المنتدى ....

و انتظرونا في العدد القادم إن شاء الله بعنوان : ( صيانة ال 1000 بين صدق الصادقين و كذب المحتالين ) ....

و جزاكم الله خيرا ....أسف لللإطالة

مبروك يا باشا ربنا يحفظهالك
المعرض لو لسه ليه فلوس عندك هايجيبلك الورق بسرعه فخلال يومين عشان ياخد فلوسه
بس انت بقى اقعد زن عليه عشان ينجزك