شوف ياسيدي الفرق بين 90 و92 في الفلوس يخليك متفكرش في الـ 90 صح ولا أنا غلطان؟ مش برضو الفرق 10 قروش؟ 92 أنقى شوية وحيقللك تسأيف المحرك بس أداء مش حيفرق معاك
عرض للطباعة
طيب انا معايا شاهين 1600 موديل 2006 يعنى انجيكشن كامل بحطلها في غالب الوقت 90 وبحس ان الموتور بيبقى اهدى فيه لكن ال92 استهلاك اقل بس صوت الموتور بيقى عالي بشكل ملحوظ مع ملاحظة انها مش بتسقف في الحالتين استمر على اي نوع؟؟؟
ده اولا ثانيا لما بجري بالعربية لفترة على سرعة اعلى من 120 بعدها بسمع صوت ونة والعربية واقفه والار بي ام عند اقل من 1000 لفة ولما ادوس بنزين احيانا يزيد ويختفى واحيانا يختفى على طول ده يبقى ايه فين حين ان اداء العربية بيبقى تمام زي ما هو؟؟؟
ثالثا ايه افضل نوع ميه تبريد لموتور الشاهين واجيبه منين؟؟؟
والف شكر مقدما
هو الباش مهندس راح فين؟؟؟
شوف يافندم نوع البنزين ملوش علاقة بارتفاع صوت المحرك
بالنسبة ليا أنا زيت موبيل هو أسوء زيت شوفته في حياتي
سائل التبريد الأنسب يعتمد على مواصفات العربية بس لازم نتفق أن مية الحنفية متنفعش إطلاقاً بتعمل املاح + معدل انتقال حراري ضعيف وكمان الأملاح المترسبة بتخلي طرمبة المية تقفش وساعتها لن يجدي الندم
هي عربيتك كام كامة ومعدل الانضغاط كام؟
ما هو أفضل زيت تخليقى ؟؟؟
ولماذا ؟؟
الشاهين كامة وحده على ما اعتقد اما نسبة الانضغاط مش عارف بصراحه بس هي انجكشن كامل و1600 سي سي
طيب بالنسبة للصوت اللى بسمعه ده ايه؟؟؟
ثانيا انا سالت في التوكيل على زيت الفتيس والكورونة قالولي متحطش 90 حط 140 في حين انه في الكتالوج مكتوب 90 احط اي زيت؟؟؟
ثالثا بالنسبة للتبريد سمعت ان المواتير الزهر زي موتور الشاهين ليه ميه معينه والمواتير الالمنيوم ليه ميه تاني ايه نوع الميه بتاعة الشاهين؟؟؟
رابعا ايه الفرق بين الموتور الكامتين والموتور الكامة الواحده في الاداء والعمر الافتراضي ؟؟؟
خامسا ايه الفرق بين الموتور الالمنيوم والموتور الزهر ايضا في الاداء؟؟؟
وآسف على الاطالة وشكرا مقدما
شكرا يا باشمهندس على اهتمامكاقتباس:
الماتريكس أصلاً مش محتاجة 95 وحرام عليك تكلف نفسك فلوس على الفاضي
الشاهين كامة وحده على ما اعتقد اما نسبة الانضغاط مش عارف بصراحه بس هي انجكشن كامل و1600 سي سي
كامة واحدة = معدل انضغاط منخفض = لا توجد فائدة من بنزين 95
طيب بالنسبة للصوت اللى بسمعه ده ايه؟؟؟
ثانيا انا سالت في التوكيل على زيت الفتيس والكورونة قالولي متحطش 90 حط 140 في حين انه في الكتالوج مكتوب 90 احط اي زيت؟؟؟
لو بيقولك في التوكيل حط 140 يبقى حصل بوش في تروس الفتيس وهما عايزين يريحوا دماغهم علشان زيت 140 بيكتم صوت البوش لفترة لحد ما البوش يزيد يروحوا يقولوا الفتيس عايز طقم بلي. غير ان زيت 140 تقيل جدا على التروس ولازم تسخن العربية الصبح فترة طويلة مش أقل من 5 دقائق علشان ميعملش معاوقة جامدة مع التروس
ثالثا بالنسبة للتبريد سمعت ان المواتير الزهر زي موتور الشاهين ليه ميه معينه والمواتير الالمنيوم ليه ميه تاني ايه نوع الميه بتاعة الشاهين؟؟؟
نوع الميه أكيد في كاتالوج العربية، محدش حيفتيلك فيها، أهم حاجة تعرفها أن مية الحنفية لأ
رابعا ايه الفرق بين الموتور الكامتين والموتور الكامة الواحده في الاداء والعمر الافتراضي ؟؟؟
معدل الانضغاط والدفع والقدرة، من حيث العمر الافتراضي دا يرجع لمدى اهتمامك بالعربية ومواعيد صيانتها
خامسا ايه الفرق بين الموتور الالمنيوم والموتور الزهر ايضا في الاداء؟؟؟
طالما المحرك زهر، يبقى محرك صغير وضعيف ومش محتاج تبريد سريع، والعكس صحيح
وآسف على الاطالة وشكرا مقدما[/quote]