إتجاه لإقرار زيادات جديدة الركود يفشل في طرد شبح ارتفاع الاسعار - جريدة المال -

**احمد عبدالله** · 12-01-2009 04:36 PM

حسبنا الله ونعم الوكيل

**goofy_in_love** · 12-01-2009 04:58 PM

ياشباب بجد صدقوني الاختبار الحقيقي هيبقي خلال فتره معرض القاهره لازم المعرض دا يعدي و التجار و الموزعين يفهموا ان البلد بجد فيها رجاله و مش هيقبلوا " ياخدوا علي قفاهم تاني " " اسف علي التعبير بس دا اللي بيحصلنا " المعرض دا لو عدا زي مانا متخيله بجد هبقي ضربه قاضيه للموزعين و المستوردين فوق ما تتخيلوا و هيخلي الاسعار ترخص بطريقه غير متوقعه و المعرض دا هوا اللي مخلي التجار ماسكين نفسهم شويه علي امل انه يغير الاحوال بس لو بجد فضلت الاحوال زي ماهيا خلال و بعد المعرض و لو بفتره صغيره مرادنا هيتحقق و بدون ادني شك يارب نمسك نفسنا شويه

**A.Saad** · 12-01-2009 06:25 PM

هما ممكن يصمدوا شهر او اتنين
بس بعد كدة واحد فيهم لازم يضعف
هينزل السعر
الباقيين هيخافوا لياخد السوق
هما كمان هينزلوا
شوف بقى الانهيارات

**hazem1979** · 13-01-2009 12:09 PM

ياجماعة الموضوع معتمد على مين اللى نفسة اطول
التجار بيحاولو يأثرو على الناس بالاعلانات اللى بتقول ان هم لايمكن ينزلو السعر لان فى كميات فى المخازن بالسعر العالى( على الرغم ان لوحبيت تشترى عربية فى الغالب بتحجز وتستنى فترة لغاية مايجبوهالك) وان هم هيخسروا لوباعوها بسعر اقل(على الرغم من ان هم ياخدو مكاسب كبيرة ولوقارنت الاسعار بالعربات الخليجى يقولو اصل الضمان بيكلفهم ومراكز الخدمة صارفين عليها مبالغ كبيرة على الرغم ان هم بياخدو تمن دة فى الصيانة اللى اسعارها مبالغ فيها)
هم بيحاولوا يقاوموا بان هم يعملو عروض يكون فيها توفير على المشترى بدون بينزل السعر علشان الناس كل ماتسال هو السعر نزل يقولو لا فالناس تزهق وتحس ان مافيش فايدة وان الاسعار مش هاتنزل

**wael_soli** · 13-01-2009 02:09 PM

خلوها تصدىىىىىىىىىىىىىىىىىىىىىى ىىىى

**dr_abooody** · 13-01-2009 03:31 PM

ايه يا عم نظام البضة و الحجر دة

دة اية الجشع دة

اعد يقولك انهم هيزودوا الاسعار عشان المستهلك اللي فاكر ان الاسعار هتنزل لما يلاقيها طلعت يقوم يخاف انها تزيد كمان فيقوم يلحق يشتري قبل ماتغلى تاني

يبقى قابلوني او حد اشترى

و خـــــــــــــــــــلوهــ ــــــــا تــــــــــعــــــفــــــ ن مش تصدي

**Ghamrawy** · 13-01-2009 06:40 PM

المشاركة الأصلية كتبت بواسطة dr_abooody

ايه يا عم نظام البضة و الحجر دة

دة اية الجشع دة

اعد يقولك انهم هيزودوا الاسعار عشان المستهلك اللي فاكر ان الاسعار هتنزل لما يلاقيها طلعت يقوم يخاف انها تزيد كمان فيقوم يلحق يشتري قبل ماتغلى تاني

يبقى قابلوني او حد اشترى

و خـــــــــــــــــــلوهــ ــــــــا تــــــــــعــــــفــــــ ن مش تصدي

النهارده جالى 2 من معرض سيارات علشان موظفين الشركة بالتعاون مع بنك اجنبى و ابض فى قائمة الاسعار الاقى غبور زود 1500 فى كل عربياته ماعدا الالنترا و الالماتركس و ال i10&i30 و طبعا فيه موديلات 2008
المهم زهقتهم و روقتهم و مشيتهم يقمروا عيش

**sherif Anton** · 13-01-2009 07:08 PM

المشاركة الأصلية كتبت بواسطة gemino

الاقى غبور زود 1500 فى كل عربياته ماعدا الالنترا و الالماتركس و ال i10&i30 و طبعا فيه موديلات 2008

شوف ياسيدي التحليل اللي انا استنتجته من كلامك ده هو التالي :
- الانواع التى زادت سعرها هي انواع راكده بطبيعة الحال (سوقها قليل يعني) فا كده كده هو مش خسران حاجة لما يرفع سعرهم لان كده كده مفيش عليهم طلب ... لكن رفع سعر الانواع دي هيلعب على العامل النفسي للمشتري ويخليه يقول الحق اشتري سيارة من الانواع اللي لسه ماغليتش (واللي هي بطبيعة الحال الانواع التي عليها سحب ومطلوبه في السوق) واللي هو ما زودش سعرها علشان عارف انه لو زود سعر الانواع دي راح يخسر الكل ... شوف يا اخي بحولوا يلعبوا على النفسية ازاي ... بالزمه مش حرام

**som3aa** · 13-01-2009 11:03 PM

(على الرغم من ان هم ياخدو مكاسب كبيرة ولوقارنت الاسعار بالعربات الخليجى يقولو اصل الضمان بيكلفهم ومراكز الخدمة صارفين عليها مبالغ كبيرة على الرغم ان هم بياخدو تمن دة فى الصيانة اللى اسعارها مبالغ فيها)

الكلمة دى بتعصبنى جداااااا
يعنى فى الخليج و لا اوروبا و لا موزنبيق حتى مفيش مراكز خدمة محترمة عن اللى فى مصر مليون مرة ؟؟ و معندهمش ضمان؟؟ و مراكز خدمة صارفين عليها ملايين؟؟
توكيلات فعلا محتاجة الناس تبطل تشترى منها.