الموضوع: حكم جمهور العلماء في التامين على السيارة ونوعه

المشاركة الأصلية كتبت بواسطة Ahmed Samy

هاكمل وجهة نظري في التأمين ....

نيجي لنقطة ان التأمين التكافلي حلال و التأمين التجاري حرام ...
الحقيقة بعد الكثير من المناقشات و البحث خرجت بالأتي
أن العلماء الأفاضل جزاهم الله خيرا الذين يجللون التأمين التكافلي يعتمدون في فتواهم على "نية" التكافل بين المسلمين و غيرهم ممن تعاقدوا في الشركة .
و أشاروا لفرق "اعتبروه" جوهريا و هو ان أموالك ترد لك كأسهم في الشركة عند انسحابك ...
ولكن نأتي للحقيقة ...
اليس التأمين التكافلي هو أيضا عرضة لأخذ زيادة مما ساهمت به اذا تعرضت لحادث.... لماذا لا يكون هذا "ضررا" على المساهمين في الشركة الذين يخسرون مالهم لتصليح سيارتك !!!!

و ان انتقصت الشركة من مالك الذي دفعته للتصليح لغيرك ..... ألم تخسر أنت مالا أيضا
حتى و ان ردوا عليك جزءا مما دفعته ...فالشركة تنتقص من المال و هذا يضعنا في نفس الخانة مع التأمين التجاري

اذا ...الفارق الذي ترتكز عليه الفتوى هو نية المؤمن ....فإن أنا أمنت على سيارتي صافي النفس ناويا المشاركة في مشروع يساعدني و غيري في الشدائد ...راضيا بما تكسبه الشركة منى ان لم أتعرض لأذى

الا يكون هذا حلالا ؟؟؟؟!!!!!!
ولا هو علشان اسمه اسلامي ...يبقى زي بنك مصر فرع النعاملات الاسلامية اللي فلوسه سايحة مع فلوس البنك ةفي كل حاجة بس الناس مابتاخدش بالها من اللي يضحك عليها و أعذرونى (يلبسها العمة) باسم الدين مستغلا حرص الناس على طاعة ربهم و ابتغاء الخير .
و الله رحيم بالعباد

مع احترامي الكامل لرآي حضرتك بس الوضع مختلف عن الصورة دي

التآمين التكافلي آو آي نظام تكافلي مثل صندوق الزمالة في الشغل او في النقابة عبارة عن
ان مجموعة من الناس تتجمع وتصنع صندوق يتبرع كل واحد فيه بمبلغ يوضع في هـذا الصندوق بغرض اذا ما اصاب احدنا مكروه يتم فك بهذا المبلغ كربة المصاب او المصابين

تاني

انا وانت كل واحد فينا حيحط في ايد ادارة المنتدى الف جنيه علشان لو حد فينا مرض لا قدر الله ادارة المنتدى تصرف من الالفين جنيه دول في علاج المصاب ، ولو محدش فينا اتصاب فلوسنا ترجعلنا تاني مع خصم جزء من المبلغ كآجرة عن مجهودها في ادارة العملية ويا سلام لو استثمرت الادارة المبلغ استثمار حلال وخلت الالفين يبقوا ثلاثة

فين الخسارة هنا ؟؟ لا اموال الزكاة ولا الصدقة ولا التكافل خروجها يسمى خسارة ، آنا مطلعهم علشان انا وغيري نستفيد لو احتجنالها !

ده بالظبط التآمين التكافلي

لو تلاحظ هنا حاجة مهمة

ان الشركة مش فارقة معاها تعمل حادثة والا لا ، ولا الفلوس تخلص ولا تزيد لانها كده كده ليها مبلغ اجر ثابت

اما في التامين التجاري فالشركة منى عينها انك متعملش حوادث لان ده بيقلل من مكسبها

لو عملت حادثة انت كسبان و الشركة خسرانة
لو ماعملتش حادثة انت خسران و الشركة كسبانة

واي علاقة مبنية على ان مكسب طرف مشروط بخسارة الطرف التاني تبقى حرام زيها زي البوكر والبلاك جاك علشان انا اكسب لازم انت تخسر

ارجو ان تكون فكرة التكافل في الاسلام واضحة ومن نجمعش بين الشركات التكافلية و الشركات التجارية في كفة واحدة ونسميهم شركات تآمين لان الفرق رهيب

يا جماعة صلوا علي النبي كده واهدوا
احنا بنتناقش في ايه ؟؟؟؟؟؟!!!! ولا انا ولا انتم مع احترامي ليكم جميعا أهل للفتوي وفتح النقاش في مسائل دينية واحد يقول حرام وواحد يقول حلال " الحلال بين والحرام بين وبينهم امور متشابهات "
ورد علي الكلام بتاع التامين سواء العادي او التكافلي من كبار علماء الفتوي الشيخين ابن عثيمين رحمه الله وصالح الفوزان حفظه الله وقالو حرام يبقي احنا هنقول لا حلال يا ريت نكون كل واحد في مجاله ونترك الفتوي لاهل الفتوي... يعني لو انت مهندس معماري ينفع اجيب شيخ بن العثيمين رحمة الله واسالوا في عمود الخرسانة واسالوا ينفع مش عارف يكون ايه؟؟؟؟؟ واقولك انوا هيفدني برضوا واسيب رايك انت لا طبعا وانت المهندس
من ترك شيئا لله أبدله الله شيئا خيرا مما ترك