يا جماعة خلينا نكون إيجابيين و نروح معرض فورميولا الأهرام شايلين بوستر مكتوب عليه "خلوها تصدي" كده الرسالة توصل مباشرة لكافة وكلاء ومصنعي السيارات في مصر بدل ما نقاطع المعرض أو نروح نتفرج ونمشي
يا جماعة خلينا نكون إيجابيين و نروح معرض فورميولا الأهرام شايلين بوستر مكتوب عليه "خلوها تصدي" كده الرسالة توصل مباشرة لكافة وكلاء ومصنعي السيارات في مصر بدل ما نقاطع المعرض أو نروح نتفرج ونمشي
فكره حلوه
ياريت تنفذ
لا طبعا مينفعش الاسلوب ده ...
لو طلبوا لك البوليس هيبقى عندهم حق ..
انت كده هتعمل مشكلة وهتثير الشغب ...
شوف وسيلة تانية تكون احسن ومفيهاش مشاكل ..
مظبوط... لو رحنا شايلين يفط هتبقا شكلها مظاهرة...
فيه طريقة شيك أوي ممكن تتعمل....
نطبع تيشيرتات عليها من قدام "خليها تصدي" و من ورا "و موديلها يعدي"
و نروح نتفرج زي أي زوار عادي... و محدش يقدر يتهمنا بحاجة مكتوبة على تيشيرت...
و أول ماتيجي عربية الأمن المركزي :khd: ... كله يقلع و يجري...
طالما بننادي بالمقاطعة يبقي مقاطعة و مانروحش و نروج للحملة بتاعتنا في وسائل الاعلام زي ماهما بيعملوا و الناس هي اللي تحكم تقف مع مين و تقاطع مين
فكرة التي شيرت ظريفة جدا وأفضل من حكاية البوستر فعلا
اللي أرخص من التي شيرت و أمان أكتر من المظاهرة بتاعة البوستر إن كل واحد يعمل لنفسه name tag يعلقه في القميص بس بدل ما يكتب إسمه يكتب خلوها تصدي .
و كل واحد لوحده و خلي العارضين يتروقوا .
هوا قانونا ً متهيألي مفهاش حاجة ... لكن عندنا مفيش قانونا ً
الشرطة في خدمة الأهرام
بس انا رايح مش عشان العربيات الجديدة بس انا كان عجبني بتاع السنة اللي فاتت كان فيه جناح عربيات قديمة حلو أوي و كمان يمكن ألاقي كماليات رخيصة، انا ركبت إنذار للكليو في المعرض اللي فات .. كمان بحب أقعد أتكلم مع الأسويين اللي بيعرضوا منتجات هناك هههه .
حلوه قوي فكره التي شيرت و النيم تاج و ان كنت بفضل التيشيرت علشان كل الناس تشوفه كدا و خليها تصدي و موديلها يعدي :Oc_sun1[1]:
ارحمونا بقي تعبنا من الجشع و الطمعععععععععع
الافضل نروح
ونحرق دم التجار
ونناقش ان اسعارهم غالية والدنيا برة ارخص
وان فيه شركات سياحة هتسفر الناس الخليج ( عدا السعودية ) يشتروا عربيات ويرجعوا ( محدش يصدق )
يعنى
نعمل بلبلة
هو بما اننا في الشتا... فمعتقدش هينفع نلبس تيشيرت... و لو حد لبسه أكيد هيلبس فوقه جاكيت أو بلوفر... فهيبقا متغطي....
فيه حل أسهل من كدا بكتير... و أرخص كمان...
ممكن كل واحد يطبع ورقة حجم نصف ورقة A4 مكتوب عليها بالعرض "خليها تصدي" و نتفق على حجم واحد و Font واحد ...
و تتحط في الغلاف الشفاف اللي بيتباع في المكتبات ده... و تتعلق في hanger زي اللي بنعلق فيها الموبايل...
و بكدا لا تكلفة ولا ضرر... (لحسن بتوع التيشيرتات يستغلونا و يغلوا علينا... و نضطر نعمل حملة "خلي العتة تاكلها")
هو المعرض هيبقى يوم كام ؟
اوعي حد يسمع كلام مينا
احسن تلاقو عمال المعرض واللي شغالين في التوكيلات اتلمو عليكم وربطوكم ورموكم جوة العربيات لغاية مايبانلكم صاحب
:dzey::dzey::dzey:
ده انتم بتاذوهم في اكل عيشهم مباشرة
انا شايف ان النيم تاج احسن واشيك
بس نفسي كل اللي يروح المعرض يكون لابسه
اهو على الأقل نتعرف على بعض بما اننا كلنا مشاركين في الحملة
برضه أنا لسه عند رأي أن لو ماروحناش و ماحدش راح خالص هايكون أوقع و أشيك و أريح لنا من المشورة و البهدلة و خلونا قاعدين في البيت أحسن نتفرج علي العربيات في النت
انت صح يامان
يا جماعه عاوزين نحاول الوصول لوسائل الاعلام
والله ديه هاتكون الضربه القاضيه
بس نحاول نبعت شويه رسائل فى وقت واحد الى
برنامج مثل الطبعه الاولى و مذيع البرنامج احمد المسلمنى ممتاز وجدع ممكن يساعدنا نفسى الناس
كلها توفق ونحد يوم معين ومعاد معين ونعمل موضوع الرسائل ده وقت واحد
اخيرا
كون ايجابى وعبر عن نفسك كون ايجابى وحاول تخد
حقك
فكرة ال name tag رائعة وسهلة التنفيذ.
ممكن نصمم ال tag وكل واحد يطبعه.
والبلاستيكه اللي بيتحط فيها الورقة أكيد رخيصة ومتوفره. االسؤال هي بتتباع فين.
وده تصميم بسيط مقترح. التصميم في رأيي لازم يكون بسيط ومفهوش ألوان عشان يكون سهل الطباعة وواضح.
http://www.postimage.org/aV2ziSY9.jpg
هو المعرض امتى ؟
اللينك ده فيه الاميلات اللي ممكن نبعت عليهااقتباس:
بس نحاول نبعت شويه رسائل فى وقت واحد الى
برنامج مثل الطبعه الاولى و مذيع البرنامج احمد المسلمنى ممتاز وجدع ممكن يساعدنا نفسى الناس
كلها توفق ونحد يوم معين ومعاد معين ونعمل موضوع الرسائل ده وقت واحد
اخيرا
http://nilemotors.net/Nile/showthread.php?t=54495
و ده رابط يحتوي علي الرسالة اللي ممكن نبعتها
http://nilemotors.net/Nile/showthread.php?t=54534
اعتقد الفكره وصلت لكل الوكلاء بتوع السيارات
هوا صحيح يوم 21 يناير؟؟؟؟؟؟؟؟؟؟؟ و ردوا قبل ميعدى معاد المعرض
اكرر تانى
المعرض امتتتتتتتتتتتتى؟
وفين ؟
المعرض من يوم 21-25 يناير فى ارض المعارض بمدينه نصر
اللى بيتعمل فيها معرض الكتاب برده :)
بصراحه انا هاروح المعرض علشان البسكوتات الاسيويين الموجودات هناك ؟؟؟؟؟؟؟؟؟؟؟؟
معرض تافه اصلا...