نداء إلي الاستاذ سبعاوي ويا ريت حد يكون عنده رد علمي

**SHLD** · 12-01-2009 03:16 PM

يا ريت يا جماعة لو ينفع حد يرد عاي هل ينفع أغير كاربرتير الريجاتا بكاربرتير 128 لان فرق السعر كبير هل ينفع لان الكاربرتير عندي عايز يتغير

**مواطن مصرى** · 13-01-2009 04:58 PM

اعتقد و الله اعلم انه لا يصلح لعده اسباب اهمها ان قواعد التركيب فى جسم السياره و طريقة الاتصال بالموتور مختلفه تماما ناهيك عن حجم البيكات و قطرها و طريقه الاشعال

انا رديت على حضرتك فى موضوع سعر كاربيراتير الريجاتا و انصح حضرتك تشترى الكاربيراتير الاصلى الويبر حتى لو سعره غالى لانه هيفرق معاك كثير فى الكفاءه و استهلاك البنزين

يا راجل يا طيب انت لو عايز تحيى موتور 128 سعته 1100 سى سى بتكنولوجيا تعود لسنه 1970 بتركبله كاربيراتير جديد فما بالك بموتور ريجاتا 1500 سى سى بتكنولوجيا مختلفه و حديثه

**m000dy** · 14-01-2009 11:36 PM

عربية والدى ايام الموتور القديم ركبنالها كربراتير 1287 وهى عربيه يابانى اصلا
كل ماى الموضوع انك تروح لواحد يعدللك قاعدة الكربراتير وحسب علمى ان مفيش تكنولوجيا فى كربراتير غير التانيه
كاربراتير اتنين باب ولا واحد باب مادام شغال بأبلتين وكوندينسر يبقى ركب وعيش
بس خللى بالك اما بتزود فى السرعه بينعر

**SHLD** · 15-01-2009 10:41 AM

ألف شكر يا جماعة أنا روحت لواحد إمبارح بتاع كاربرتير هنا في السويس وبصراحة طلع دكتور وركب معاي العربية وخدنا لفة بالعربية وما فيش نص ساعة والحمد لله قفل لي العربية فبعد ما أقفل بسأله عن حالة الكاربرتير وقالي عشره علي عشرة وطلعت بيها بقت ميه مية ووفر علي بصراحة شراء كاربرتير نتيجة الجهل بتاع الصنايعية فنصيحة الكل يستفاد منها بالذات اللي معاهم عربيات مستعمله إدي العيش لخبازه ولو هياكل نصه مش أي من مسك مفك بقي ميكانيكي