انا عاوز اعرف الدايو اسبيرو ليها قطع غيار ولا لا؟
عرض للطباعة
انا عاوز اعرف الدايو اسبيرو ليها قطع غيار ولا لا؟
نادرة شوية
واستنى يمكن حد من ملاكها يرد
في واحد في التوفيقية اسمه سرور اعتقد ان عنده قطع غيار سبيرو
انا عندي اسبيرو من اكتر من سنه
و انا هنا في اسكندريه لو حضرتك عايز اي حاجه انا في الخدمه
انا والله كنت ناوي اشتريها بس كل الناس مخوفاني منها انا من طنطا وفعلا مافيشي هنا قطع غيار ليها خالص ياريت تساعدني يا ايهاب باشا
بص يا اسلام الاسبيرو نوعين في السوق يا اما حالتها حلوه و متصانه يا اما تكون حالتها ضايعه و صاحبها مباهدلها لكن مافيش منها وسط
فأول حاجه انك تشتري عربيه حالتها كويسه علشان العربيه دي لما بتفتح بتفتح علي البحري...بالنسبه لقطع الغيار انا هنا في اسكندريه متوافره جدا و بأسعار حلوه. وعلي سبيل المثال انا لسا مغير مساعد امامي شمال كلفني 150 جنيه هوا هوا بتاع الانوس
بس لما تسوق العربيه دي بصراحه حتحس فعلا انك راكب عربيه Elegant
والله يا ايهاب كلامك مطمني بس هل كل حاجتها موجوده ولا فيه حاجات موجوده وحاجات موش موجوده؟ لان كل الناس بتقولي ابعد عنها وعن وش قطع الغيار بتاعتها وهل بيع شركة دايو هياثر كمان علي قطع غيارها؟
وقطع الغيار للماتور اخبارها ايه والكاشفات والفوانيس والاشارات هل هي موجوده ولا لا؟
برضة للاضافة ......موجود قطع غيار للدايو اسبيرو......فى بنك الاسكان ببور سعيد......بس فعلا كنت بلاحظ وأنا مقيم هناك من أربع سنوات ان العربية انتشارها مش كتير................
بالنسبه للموتور موجود و متوافر انا حصللي مشكله في الفتيس الاتوماتيك اننوا ساعات بيفوت علي الرابع فجبت واحد استعمال كامل ب 1200 جنيه بكل حساساته و الفوانيس في منها جديد و مستعمل و بالنسبه للكشافات الاماميه في منها كرستال بس دي موجوده في موديلات 96و97 اما موديل 94 بتنزل بفوانيس عاديه