سيارتى لانوس2 موديل 2000 كامله الزجاج الكهربائى الخلفى تقل خالص خالص وقرب يوصل لدرجة التوقف التام جربت كل الاشياء اللى الناس قالت عليها زى بودرة التلك وملمع التابلوه وال wd ومع ذلك لم يتحسن الزجاج
يا ترى محدش وصل لحل جذرى للمشكله دى برجاء الاهتمام لانى حاسس ان لو فتحت الزجاج ممكن ميطلعش تانى لانه تقيل جدا جدا وبيقف ويعلق اثناء الطلوع
ولو فى كهربائى او بتاع زجاج او اى صنايعى متخصص فى حل هذه المشكله قولولى
ولا اروح التوكيل ؟
هي كده في حاجة من 2..
يا اما المجراة بتاعت الزجاج مش مظبوطة فيها وساخة مصلا.. او اتعوجت.. _(شاسيه الزجاج زي ما بيسموه) يا اما مكن الزجاج تعب و محتاج يتغير..
شكرا للرد وفى الحالتين مين المتخصص المسئول عن حل المشكله دى
شكرا
كلام حضرتك مظبوطاقتباس:
المشاركة الأصلية كتبت بواسطة Ahmad Allawy
هذا فى الغالب موتور الزجاج محتاج تغير ....
حضرتك ساكن فين وممكن اوصفلك حد كويس تروحله
لو قريب من مدينة نصر او الحي السادس انا اعرف هناك
واحد شاطر جدا ومش غالي خالص
من هو...وهل ممكن يشوف ماكينة نوبيرا...ارجو افادتى بالاسم والمكان والتلفون لو ممكناقتباس:
المشاركة الأصلية كتبت بواسطة abdelaziz-waleed
هو اللي شغال ف الحاجات دي.. ممكن يفهم في اي حاجة..
عشان لو مخه نضيف.. و صنايعي شاطر.. هيعرف يشتغل في اي حاجة من غير ما يبوظ حاجة..
انا ساكن خلف حديقة بدر اخر شارع جسر السويس
وشكرا على الاهتمام
وياريت عفشجى يفهم فى دايو يكون كويس
في ناسي كويسه جدا بتاع زجاج وعفشجيه بس في فيصل يعنى جيزة لو عايز او حابب تيجي هنا انا تحت امرك ممكن اوصفهولك وهو ميتهوش ابدا
ياريت توصفهملى انا ساكن فى فيصل ويبقى كتر خير لو اديتنى التيلفون
شكرا على اهتمامك
انا لقيت واحد قريب منى هجربه واقولك الاخبار
وشكرا مره اخرى وربنا يجازيك خير
في المطبعة بين فيصل والهرم واسمه اشرف فاهم هتلاقيه على الشمال وانت داخل من فيصل في نص الشارع تقريبا والعفشجي في الطوابق في الطابق الاول بس ده لازم اجيبلك رقمه لان مكانه صعب ولازم تروحله بدري علشان بيبقى عنده زحمه
ولو حابب تاخد رقمي وتكلمني اقابلك ونروح للعفشجي اوكي لاني عايز اروحله يضبطلي الزوايا بس انا مكسل
متشكرين على الرد السريع بس اللى فى المطبعة ده عفشجى والا بتاع زجاج
خلاص يا جماعة المشكله اتحلت
الراجل فك الموتور والماكينه بتاعة الزجاج ونضف الموتور وسنفر جلب الموتور والملف الداخلى وغسل المجارى وزيتها
واصبح الزجاج نزول وصعود زى الفل
شكرا لمشاركتكم
اللى في المطبعة ده بتاع الزجاج