محتار اختار مين فيهم هما الاتنين عاجبنى

ادامى اتنين وهما عند شخص واحد
فاير بليد400 مكنة سودة وحلوة بس مليانة عيوب
اولا الوش بتاعها مش الاصلى يعنى مش وش الفاير هو الى مركوب متهيالى وش ياماها ثانيا المارش مش شغال بتدور بسلكتين العدادات مش شغالة قفل الشنطة والتانك مش شغالين يعنى بيفتحوا من غير مفاتيح بس غير كده الماكنة قيمة ودايرة وبتجرى وصوتها جامد وماشية 53.000 كيلو ب 15.000
الماكنة التانية سى بى ار 400 عادى موديل
مفهوش عيب نهائى غير الفبرة الى ادام او الازازة الى ادام نسيت اسمها مكسورة وعداد السرعة عطلان غير كده الماكنة كل حاجة بتاعتها الاصلية حتى الكرسى مدموغ عليه سى بى ار ومتهيالى وشها وش فاير 400 وماشية 30.000 وخدت بيها لفة الماكنة حلوة ب 15.000
اخد انهى ياولاد الحلال دلونى:120146b

خد السي بي ار 400 بس خودها ب 14 لان هيبقي كويس اوى عليها 14

والريس الفاير لو هتاخدو ب 14 برضو كويس وتظبطلو انتة الكلام ده كلو والاحسن ب 13 تاخدو

دي نصيحتى يابوب وبالتوفيق

طب لو خت الفاير هعرف اجيبله وشه الاصلى وارجعه كانه جديد؟
والتكلفة هتبقى كام؟:11:

ايه ياشباب فين الردود:120146b

اهلا بيك في قسم الدراجات الناريه

بالنسبه للفاير ده عباره عن مشروع

نقول انت اخدته ب 14 الف وبالحاله ديه لازم يتباع كده

مارش حتصلحه ب 250 سوء حيغير (موبينة والشاربون) او البرميل

حيتكلف كله 250 جنيه الكوالين كلها على بعض ب 150 استيراد

او من مكن دبح بالنسبه للوش مش مهم ممكن اخلي واحد يظبطهولك على الاخر ويعمله كت زي ال cbr ويغيرلك لونه كمان لو عايز

تخشلها في 500 جنيه كل ده لعب عيال

قدام كهربة الموتوسيكل والماتور نفسه لو سلليم تستاهل 15

حترش عليها 1000 جنيه مع تغير الزيت والحجات الي فوق وبوجيهات

خلصت بقى معاك فاير ب 16000 وقت ما تعوز تبعها حتجبلك

نفس السعر ويمكن زياده شويه خصوصا في الصيف تجبلك
بالنسبه للعاده مكنه غبيه وبتسخن وفيها عيوب كتيره

وممكن تلاقي الكاربيراتير بايظ وحتغيره ومتورها ضعيف جدا والسستم

بتعها مش حلو خليك في الفاير اشد وحاول تخلصها على 13.5 او 14

سلام

والله باشا CBR انت افادتنى افادة جامدة شكر خاص ليك:satelite:

العفـــــــــــــــــــــ ـو

ال400 فير اتباع بس لو عايزة انا اقدر اجبهولك من اللي اشتراة بس المكنة حلة ماتور ياباشا و هو عمل اللي فيها دة يعني هتاخدها تركبها

طب انت عرفت منين انى قصدى على المكنة الى انت تقصدها
لو فعلا هى نفس الماكنة قولى موديل كام وصاحبها القديم اسمه ايه
وساكن فين

ديابلو بص كلام سي بي ار فيه الافادة سورى عالتأخير ف الرد

باشا انا اسف اني كانت عايز اساعدك و مش هقولك منين بس هقولك ان المكنتان بتوع اخين تؤم و حكاية عرفة منين من الحاجات اللي انت قولة عليها علي العموم ياعم اعتبرني بالف واسف جدا اني فكرة اني اساعدك سلام

يا اخ زيدى والله مش قصدى انى اقلل من شانك ولا حاجة وكلامك ساعدنى وعلى راسى من فوق انا كان قصدى اتاكد انها نفس المكنة الى انت بتتكلم عليها لانى انا مبفهمش فى المكن خالص

بوص يا زيدي

ريح راسك وساعد لوجه الله

وانت قصدك حازم الي عنده الفاير الي في الهرم؟؟

لا اسمه احمد من مصر الجديدة

Diablo اخي اهلا بيك
انا معايا 2 واحده 600 rr3 cbrموديل 2004 ودي تقريبا متباعه بربط كلام والثانيه 400 فاير مودل 96 أخر الفايربليد بحاله الزيرو اللون اسود *رصاصي بشريط التنك التركواز بويه الشركه لايوجد خدوش او كسور بالفير 11 الف كيلو وارد الخارج منمرتش لسه افراج دي ممكن اديهالك لو جاد بالشراء اتابع معاك باقي التافصيل

ممكن تبعتلى رقم التليفون بتاعك على رسالة؟
واذا كان عندك صور للريس ممكن تعرضها؟

بعد عذاب وعناء
رحت بورسعيد امبارح وعرفتلكم الموضوع من اوله لاخره انا الاول روحت المخازن فى الاستثمار هناك ودخلت مخزن سفنكس موتو قابلت صاحبه اسمه حسام فوزىوطبعا ادانى اسعار غالية جدا بس المكن بتاعه حلو وروحت لجمعة الى جانبه نفس الكلام غالى مووووت
عن طريق الصدفة عرفت هما بيجيبوا المكن منين من واحد تاجر متخصص وطبعا اسعاره ارخص من اسعارهم ولما كلمته قالى كل الموجود عندى دلقوتى سى بى ار كلهم تسعميات قلتله طب فين الربعميات وال 250 قالى انه مش موجود عنده حاليا بس كمان اسبوع هتجيله شحنة جديدة وانا ان شاء الله هكلمه النهاردة واتفق معاه على 400 فاير عشان يحجزهولى وانا معايا رقم تليفونه للعايز واى خدمة ياشباب

فعلا كلامك صح كل الي هناك في بورسعيد اسعارهم قريبه من القاهره
ممكن تفرق 1000 بس المشكله انك لسى حتجيبه القاهره وتنقله
لازم تروح للتاجر الي بيوزع وانت عملت الصح
الصراحه احييك انت من النوع الي بيسعى مش الي عايز
الاسعار تيجي لغاية عنده ان شاء الله ربنا يوفقك في موتوسيكل كويس
بس لو حتشتري من التاجر هات معاك ميكانيكي احتياط بردوا
ودايما بيبقى في صبي عند التاجر ده ظبطه وهو يقولك بأمانه اي موتوسيكل الي كويس وده فيه كذا لانه بيبقى عارف كله بس
مبيقولش ببلاش

شكرا لكرم اخلاقك Cbr ويارب تفضل معانا فى المنتدى على طول

تستنى تنزل معايا السبت اللى جى اجيبلك حاجه حلوه واحد صحبى عندة وارد اليابان وايطاليا حاجات رائعة وواعدنى بخصم كبير ايه رايك

ننزل بورسعيد ولا قصدك ننزل فين؟

الريس وزنه 170 كيلو ده هيتساق ازاى ده؟
وياترى فى حد بيعلم سواقة الريس؟

ازيكم يا رجاله

التوفيق للجميع
وانا متابع التعليقات بتاعتكم

وان شاء الله يا ديابلو تجيب المكنه اللى انت عاوزها بالسعر المناسب ليك
وربنا يكرمك فيها

وانا بحاول اعرف اكتر عن الريس
من موضعاتكم

واتمنى يكون فى موضوع شرح مدعم بالصور

لانى ان شاء الله ناوى اجيب
واتمنى انى افهم الاول قبل ما اشترى

بسم الله الرحمن الرحيم

السلام عليكم و رحمة الله و بركاته

هاي يا جماعه

قشطة عليكم جميعا ً

أنا فرحان أني أشتركت في هذا المنتدى الجميل و الحمد لله أن في أعضاء مهتمين بالموتوسيكلات و الريس خاصة .

بصراحة أنا قاعد أقرا مواضيعكم و تعليقاتكم لعلي أتعلم شيئ ً منها .

لأني نفسي في موتوسيكل ريس بس لا أنا باعرف أسوق و لا أنا أعرف عن الموتوسيكلات حاجه , لذا فقد قررت أن أبدأ بمعرفة أي شيء عن الموتوسيكلات قبل ما أفكر أتعلم السواقة و بعد ما أعرف راسي من رجليا أشوف الدنيا فيها أيه و شكر خاص للأخ سي بي أر الي مظبط الأعضاء في المنتدى .
و السلام عليكم و رحمة الله و بركاته