يا جماعة انا شايف اعلانات على موقع كارمصر عن بيع سيارات موديل 2004 و 2005
عرض للطباعة
يا جماعة انا شايف اعلانات على موقع كارمصر عن بيع سيارات موديل 2004 و 2005
شوف يا اخى الاول عملو السيفيا 2000 مصرى لحاد 2002 و بعدها بدأو فى الاسبكترا مصرى برضه بجميع موديلاتها لكن انا شفت منها كتير كورى بس مش عارف تكون خليجى او حد استوردها بره التوكيل
ابسط حاجه فى انك تعرف التقفيل من الزجاج د.جريش و الفرش تاكى و تلاقيها مفككه شويه من جوه وهتلاقى الكاوتش نسر
الاسبكترا بتبدا من 2003 ولحد 2005 انا معايا عربية 2005
وعلى فكرة في منها اتوماتيك بس انا مجربتوش بس ما انصحكش تركب اتوماتيك في العربيات الكوري عامة لانه بيبقى مش قد كده
انا معايا مانيوال سحبها رائع اتوقع الاتوماتيك هيضيع التسارع والسحب بتاعها ده غير انه لو حصل فيه اي مشكلة هتبقى صيانته اغلى من المانيوالمعلش يا اخ هيما كنت عاوز اسال الشكان الكوري ده جبتوا منين واتكلف كام تقريبا ولو مصري سعره كام وهتفرق ايه لما نلغى علبة الكتلايزراقتباس:
مافيهاش مشاكل غير الشكمان لانه مصرى (ابو اليزيد) و غيرناه بواحد كورى وممكن يتغير ب شكمان مصرى بس هاتلغى علبه الكتلايزر
أخر موديل هو 2005 و فى نفس السنة نزلت السيراتو برضه 2005
momken ya basha as2lk 3n elsephia w a a5bar asthalk elbnzeen bta3ha w bt7tag ttsl7 kteer wla la2 w ya ret lw shayef feha ay 3yoooob ya ret t2ooly 3shan ana ma3rood 3lia wa7da mo. 2002. bs msh haro7 ashofha ala lma t2ooly ra2yek feha belkamel (hya f\o 1600cc) w alf shokr leek ya basha
السلام عليكم - انا بسمع ان السيفيا فيها مشكلة دائمة وهو تلف صندوق التروس بعد مدة هل الكلام ده حقيقي؟ وبعدين ليه السيفيا بتتباع على طول هي والبرايد؟؟
رجاء الرد للاهمية اخوكم / علي حسين وكل عام وحضراتكم بخير
ما هي افضل انواع الكيا في نظركم
؟؟
يا شبـــــــــاب أنــــــــــا عندى كيا سبكترا 2004 مصرى فول أوبشن أتوماتيك ، بالإضافة إلى ماسبق التنويه عنه و هو على فكرة مضبوط بالمللى:
هناك عيــــــــــب رهيب جدا جدا جدا و مالهوش حل للأسف الشديد و هو ظهور صوت طقطقة فى الصاج اللى تحت المقص فى أرضية السيارة و ده بيظهر فى المطبات الكتيرة ـ هو مفهوش خطر لكن مزعج جدا جدا و على فكرة كل مراكز الخدمة بتاعة كيا القديمة (وليد توفيق) أو الجديدة (EIT)نصير أجمعوا إن ده عيب تصنيع فى الكيا المصرى و مالهوش أى حلول عندهم و كان عندى أمل فى كيا كوريا إنهم يدلونى على كيفية حل هذه المشكلة و لكن لا حياة لمن تنادى.
العيب ده قابلته لحد دلوقتى فى 4 عربيات سبكترا و 1 سيراتو و 2 سيفيا
لو حد عنه أى أفكار ياريت يزودنى بها بس بلاش الحاجات البدائية و البديهية لأن بقى لى سنتين و أنا بأعانى خصوصا العربية عمرها ما عملت حوادث و دورت على كل الإحتمالات و السمكرية و العفشجية و الميكانيكية .
غير العيب ده العربية سوبر فى كل حاجة ماشاء الله متزنة و قوية و تجميعها سريع خصوصا لو ركبت بوجيهات Dinso 3 أو 4 شمعة و بنزين 92 و حيبان و إنت بتستعمل الـ off Drive فى المواقف الصعبة.
السلام عليكم ورحمة الله وبركاته
اولا انا موش عاوز حد يزعل من الراي الي هقوله لان ده عن تجربة لهذه السيارة لمده 3 سنين ونص
العربية كل الي اقدر اقوله عنها انها زبالة زبالة زبالة
و تقييمي ليها كالاتي
المميزات هي بصراحة ميزة واحدة بس وهي سحب العربية وهو فعلا جامد جدا انا بعدي من عربيات كتيير من نفس فئة الموتور موتورها ممتاز فعلا في الشد
العيوب :
1- التقفيل المصري الزبالة كل حاجة عندي بتعتمد على جودة التقفيل باظت ماكينة الزجاج الامامي يمين وشمال بطيئة جدا جدا و بيقف كتير في النص .. انا بضطر ارفع الزجاج بيدي لمساعدة الماكينة
2- الشكمان العجيب ( ديفل منو فيه ) غير علببتين فيه وبيبوظ ويرجع لنفس الصوت الغبي لوحده
3- الفتيس عندي (مانيوال)باظ بعد سنتين استعمال و فضلت الف على الفتيس ده جديد او مستعمل لمده شهر و اسبوع بدون حل رحت بورسعيد و لفيت على الحرفيين اكتر من 20 مرة بدون حل اضطريت اشتري فتيس سيفيا و اخذت القلب بتاعه على الحله بتاعت الفتيس بتاعي
4- الانذار باظ بسرعه جدا
5- العفشة بتحتاج تصليح علطول
قطع الغيار مش رخيصة ولا حاجة
6- لون سيارتي غير مكود على الكومبيوتر
7- عندي مشكلة في الموتور بدون حل حتى الان بعد محاولات اصلاح اكثر من شهرين
تقطيع غريب اثناء السحب
... اعتذر للاطالة و ارجو ان اصحاب هذه السيارة ميزعلوش انا قولت الكلام ده عن تجربة انا لسه عايشها حتى الان