الموضوع: ألى المهتمين بكيا سبكترا

الاسبكترا بتبدا من 2003 ولحد 2005 انا معايا عربية 2005
وعلى فكرة في منها اتوماتيك بس انا مجربتوش بس ما انصحكش تركب اتوماتيك في العربيات الكوري عامة لانه بيبقى مش قد كده
انا معايا مانيوال سحبها رائع اتوقع الاتوماتيك هيضيع التسارع والسحب بتاعها ده غير انه لو حصل فيه اي مشكلة هتبقى صيانته اغلى من المانيوال

مافيهاش مشاكل غير الشكمان لانه مصرى (ابو اليزيد) و غيرناه بواحد كورى وممكن يتغير ب شكمان مصرى بس هاتلغى علبه الكتلايزر

معلش يا اخ هيما كنت عاوز اسال الشكان الكوري ده جبتوا منين واتكلف كام تقريبا ولو مصري سعره كام وهتفرق ايه لما نلغى علبة الكتلايزر

أخر موديل هو 2005 و فى نفس السنة نزلت السيراتو برضه 2005

المشاركة الأصلية كتبت بواسطة hema

انا معايا سيفيا و واحد صاحبى جدا معاه اسبكترا
صراحه العربيه ممتازه جدا و عامله معاه حوالى 50 الف و مافيهاش مشاكل غير الشكمان لانه مصرى (ابو اليزيد) و غيرناه بواحد كورى وممكن يتغير ب شكمان مصرى بس هاتلغى علبه الكتلايزر
سحبها ممتاز
ثابته
107 حصان 1600 cc
صالونها اضيق من السيفيا
كاوتشها نسر ولازم يتغير
استهلاك بنزين ممتاز الصفيحه 200 : كيلو 230
السوند سيستم سئ بس مش بطال
قطع غيارها اسعارها فى المعقول
فلتر زيت 18
فلتر هواء 40
فلتر بنزين 75
طقم سيور 320
تيل فرامل 50
و متوافره جدا فى شارع دمشق

momken ya basha as2lk 3n elsephia w a a5bar asthalk elbnzeen bta3ha w bt7tag ttsl7 kteer wla la2 w ya ret lw shayef feha ay 3yoooob ya ret t2ooly 3shan ana ma3rood 3lia wa7da mo. 2002. bs msh haro7 ashofha ala lma t2ooly ra2yek feha belkamel (hya f\o 1600cc) w alf shokr leek ya basha

السلام عليكم - انا بسمع ان السيفيا فيها مشكلة دائمة وهو تلف صندوق التروس بعد مدة هل الكلام ده حقيقي؟ وبعدين ليه السيفيا بتتباع على طول هي والبرايد؟؟
رجاء الرد للاهمية اخوكم / علي حسين وكل عام وحضراتكم بخير

ما هي افضل انواع الكيا في نظركم
؟؟

يا شبـــــــــاب أنــــــــــا عندى كيا سبكترا 2004 مصرى فول أوبشن أتوماتيك ، بالإضافة إلى ماسبق التنويه عنه و هو على فكرة مضبوط بالمللى:

هناك عيــــــــــب رهيب جدا جدا جدا و مالهوش حل للأسف الشديد و هو ظهور صوت طقطقة فى الصاج اللى تحت المقص فى أرضية السيارة و ده بيظهر فى المطبات الكتيرة ـ هو مفهوش خطر لكن مزعج جدا جدا و على فكرة كل مراكز الخدمة بتاعة كيا القديمة (وليد توفيق) أو الجديدة (EIT)نصير أجمعوا إن ده عيب تصنيع فى الكيا المصرى و مالهوش أى حلول عندهم و كان عندى أمل فى كيا كوريا إنهم يدلونى على كيفية حل هذه المشكلة و لكن لا حياة لمن تنادى.

العيب ده قابلته لحد دلوقتى فى 4 عربيات سبكترا و 1 سيراتو و 2 سيفيا

لو حد عنه أى أفكار ياريت يزودنى بها بس بلاش الحاجات البدائية و البديهية لأن بقى لى سنتين و أنا بأعانى خصوصا العربية عمرها ما عملت حوادث و دورت على كل الإحتمالات و السمكرية و العفشجية و الميكانيكية .

غير العيب ده العربية سوبر فى كل حاجة ماشاء الله متزنة و قوية و تجميعها سريع خصوصا لو ركبت بوجيهات Dinso 3 أو 4 شمعة و بنزين 92 و حيبان و إنت بتستعمل الـ off Drive فى المواقف الصعبة.