الى أهل المنصورة--أحسن مكان أغسل فيه العربيه فين؟؟؟ تقييم للأماكن

**hano_elmorsy** · 13-01-2009 12:16 AM

مساء الفل
فى الأول احترت احط الموضوع فين واخترت قسم الكماليات لأن نظافة العربيه أهم كماليه فى العربيه عشان لما بتبقى العربيه نظيفه بحس نفس الإحساس لما يبقى الواحد لسه واخد دش ومنتعش
ماطولش عليكم
ياريت كل واحد يخش يقول بيغسل فين والأسعار والنظام ووجهة نظره
وانا هبدأ
المكان : محطة الجمل - ميت حدر - خلف عمر افندى
السعر : 15 ج عالأرض أو 20ج لو اترفعت
نظام الغسيل : هواء +مكنسه للصالون - غسيل فجاوى - غسيل فرشه مرة بالفوم ومره شطف - تنشيف وتتطويق للسياره وغسيل فرش الأبواب بالصابون وتتطويق الصالون من جوه - احيانا بيحط فوم عالكاوتش بعد مايخلص عشان يسوده
الوقت : من 30 : 90 دقيقه حسب الزحمه
المزايا : مش لازم تقف جنبها سيبها وهايتعمل فيها نفس النظام - فيه مكان فى الماركت تقدر تقعد فيه - جنب السكه الجديده يعنى ممكن تستغل الوقت وتروح تتسوق أو تاكل من عند بهجت وسمير - عمر العربيه ماتسرق منها حاجه - بتبقى فاتحه لوقت متأخر نسبيا
العيوب : العمال بيتلمو عليك عايزين دخان كل واحد لوحده فبيسببولك احراج

ياريت كل واحد يخش ويحكى نظام غسيل عربيته عشان نعرف احسن مكان فى المنصورة ونفيد بعض

ل

**cyber007** · 13-01-2009 12:40 AM

محطة وطنيه اللى فى اول طريق سندوب

ميزتها : بتفتح متاخر

غير كده كله عيوب وافضل عيب فيها ان وقت الغسيل من ساعتين الى ما شاء الله او ممكن لما تزهق وتمشى ( حتى لو قدامك عربيه واحده )

اظن اللى اسمه فرفشه فى ش سعد الشربينى دا بتاع غسيل بس شكله كده كويس

**shock** · 13-01-2009 01:02 AM

انا جربت غسيل الوطنية ارضي مش رفع
هو من بره معقول بس من جوه ولا ليهم فيها من اساسه
والله انا مرة كنت في ميت غمر عند واحد صحبي هناك
كنت معدي عليه عشان جااي معايا القاهرة غسلتها هناك
ب 3 جنيه والله انظف من الوطنية بره وجوه
عموما انا برتاح لغسيل شيل في الرفع خش في اول واحد
وضبط الواد اللي بيغسل ها تشوف الفرق

**magyver** · 13-01-2009 01:14 AM

المشاركة الأصلية كتبت بواسطة shock

انا جربت غسيل الوطنية ارضي مش رفع
هو من بره معقول بس من جوه ولا ليهم فيها من اساسه
والله انا مرة كنت في ميت غمر عند واحد صحبي هناك
كنت معدي عليه عشان جااي معايا القاهرة غسلتها هناك
ب 3 جنيه والله انظف من الوطنية بره وجوه
عموما انا برتاح لغسيل شيل في الرفع خش في اول واحد
وضبط الواد اللي بيغسل ها تشوف الفرق

انت تعرف ناس من ميت غمر اصل انا ليا قرايب هناك وكنت هناك الهاردة وياتري غسلتها فين في ميت غمر

**shock** · 13-01-2009 01:22 AM

اغسلها عند النادي
الشباب اللي بيغسلوا العربية مش فاكر
اسم الواد اللي غسلي لان هوا اللي بيغسل
لصاحبي عربيتهم بيروحلو كل يوم يغسلوا عربيته
تحت البيت ب 25 في الشهر يا بلاش
ليا اصحاب كتير هناك

**Abdo_Eldesokey** · 13-01-2009 09:06 AM

أوحش حاجة في موضوع غسيل العربيات ده الدخان .... ممكن تدفع قد تمن الغسلة دخان

أنا مجربتش غير Esso الي في طلخا

المكان : طلخا

السعر : 10 جنيه على الأرض ، 16 لو رفعت

نظام الغسيل : أول حاجة بينضفلك هوا جوا العربية والكبوت ، بعدين غسيل الكارتيرات الي فوق الكاوتش والأعتاب ، وبعدين رش العربية كلها بالمية ، بعدين يرش على العربية كلها حاجة شبه الفوم بس هيا صابون تقريبا ً ، وواحد يقعد يمسح في العربية بفوطة عشان لو فيه وساخة لازقة أو كده ، وبعدين تتشطف كلها بالمية ، ثم تنتقل إلى مخرج البنزينة عند راجل عجوز كده يشنفلك العربية وينضف الصالون بفوطة مش أكتر

الوقت : 30 - 60 دقيقة

المزايا : إنها قريبة من البيت

العيوب : لازم تبقى واقف جنب العربية وهيا بتتغسل وتظبط العمال عشان يدوك الشغل الصح

**mada121977** · 13-01-2009 01:16 PM

المشاركة الأصلية كتبت بواسطة magyver

انت تعرف ناس من ميت غمر اصل انا ليا قرايب هناك وكنت هناك الهاردة وياتري غسلتها فين في ميت غمر

بصفتى من ميت غمر

افضل مكان هو بنزينه كالتكس على الطريق السريع قبل مزلقان القطار على طول
الغسيل من بره وجوه ومع رفع العربيه كمان علشان الغسيل من تحت كل ده ب 10 جنيه .. والعمال اللى هناك محترمين جداا وعندهم امانه ومفيش حد بيطلب دخان .. اللى بتديهولهم مابيتكلموش معاك فيه

**M.Osman** · 13-01-2009 06:20 PM

وطنية احسن واحدة فى رأيي ... غالبا بروح لما يكون فى ماتش مهم عشان اروح الاقيهم مستنيين عربيتى ....هههههه

:)

**elmashboh** · 13-01-2009 10:04 PM

تحت البيت وجردل وظبط العمليه هههههههههه

**mimo9800** · 14-01-2009 12:03 AM

انا برده جربت محطة الجمل مرة واحدة كان يوم وقفة عيد الاضحي , بس بجد شغلهم نضيف و العربية طلعت من عندهم كانها زيرو

بس انا سمعت ان البنزينة اللي عند المحافظة كويسة كمان

الموضوع: الى أهل المنصورة--أحسن مكان أغسل فيه العربيه فين؟؟؟ تقييم للأماكن

LinkBack

أدوات الموضوع

عرض

-

-

-

-

-

المواضيع المتشابهه

أحسن مكان تركن فيه عربيتك

أيه أحسن مكان للفطار فى رمضان..

عايز مكان أغسل فيه العربية فى اسكندرية

أحسن أماكن أو مكان أظبط فيه العربيه سوزوكى ماروتى او التو

مين أحسن واحد بتاع شكمانات في المنصورة ؟

الكلمات الدلالية لهذا الموضوع

المفضلات

المفضلات

ضوابط المشاركة