رشيد : نفى انخفاض أسعار السيارات عالمياً

**A.Saad** · 13-01-2009 12:33 AM

القاهرة - محرر مصراوي - طالب المهندس رشيد محمد رشيد وزير التجارة والصناعة التجار بتخفيض الأرباح حتى لاتتعرض تجارتهم للانهيار، على حسب قول صحيفة الجمهورية.

ومن جهة أخرى، نفى انخفاض أسعار السيارات عالمياً مشيراً إلى أن الموزعين يقدمون عروضاً نتيجة لانخفاض المبيعات وعدم توفر السيولة.
كما أكد على أن الحكومة قادرة على حماية الصناعة الوطنية من أي ممارسات غير شريفة أو أي محاولات للإغراق مشيراً إلى أن الحكومة تتخذ إجراءات لمساندة الصناعة والتجارة في مواجهة الأزمة المالية العالمية.

وأوضح أن عام 2009 سيكون عام الانكماش في اقتصاديات العالم كله، وأنه يتوقع انخفاض معدل النمو في مصر إلى أقل من 5% ـ بشكل تقديري وليس مؤكد ـ على حسب قوله.

رشيد غير سياسته خلاص

لازم نعمل حملة ضغط قوية على موقع الوزارة
mti@mti.gov.eg

www.mti.gov.eg
ويا ريت اللى عنده مواقع وصور لاعلانات التخفيضات يبقى يبعتهاله

**l0new0lf** · 13-01-2009 12:40 PM

لأ الكلام مش مناقض ولا حاجه
سعر المصنع (خارج مصر مش الى داخل مصر و بتاخد اعفاءات جمركيه و خلافه) مرخصش و مش هيرخص عشان ده اخر تكلفه للتصنيع بل بالعكس ممكن يزيد لما سعر الخامات و التصنيع يزيد
لكن سعر المنتج بينزل لما التاجر يخفض هامش ربحه فى السلعه

**احمد عز** · 13-01-2009 01:23 PM

لو الكلام ده اتقال من واحد عادى كنت قلت عليه مش فاهم حاجه فى حاجه

**crazylambada** · 13-01-2009 01:31 PM

يا جماعة الركودبيقلل كل حاجة
لما سعر البترول يقلل للثلث
و الركود يخلي الخاماترخيصة
يبقىسعر العربية اللي خارج من المصنع حيق لان تكلفة التشغيل و المواد المستخدمة قلت جامد
البترول لوحده حوالي تلتين
يبقى العربية بتطلع من المصنع ارخص
و كمان حالة الركود في البيع تقلل نسبة الربح للمصنع و التجار معا
بس ده من الاخر و محدش يقدر يجائر في ده حتى لو الوزير بذات نفسه

**احمد عبدالله** · 13-01-2009 01:42 PM

خليها تصدي

**l0new0lf** · 13-01-2009 02:16 PM

انا مش عارف ليه الناس بتربط سعر اى حاجه باسعار البترول
سؤال بس ممكن ميكنش مرتبط بعنوان الموضوع
ممكن حد يشرحلى ليه سعر البترول نزل؟
و ازاى ان احنا بصدر الغاز الطبيعى لاسرائيل ارخص ما بندفع تمنه فى بيوتنا و فى نفس الوقت رايحين نشترى شحنة بوتجاز من السعوديه علشان عندنا ازمه فى الغاز؟
و البترول بيدخل بنسبة كام فى صناعة السيارات عشان لما سعره ينزل للثلث نعرف المفروض سعر السيارات ينزل بنسبة كام؟

**Terrible_DaRsH** · 13-01-2009 02:24 PM

كده كده العربيات هترخص فى 2090 فمحدش يقلق خالص ..

**crazylambada** · 13-01-2009 02:28 PM

انا بتكلم عن السعرول البترول العالمي
المصنع بيحتاج مشتقات بترول علشان تشغيل الياته
الخامات المستخدمة ان لم تكن مصنعة بواسطةمشتقات البترول
فوصولها للمصنع بيعتمد على مشتقات البترول
الصناعة بعتمد على البترول بصفة اساسية حتى لو صناعة غذائية
مش صناعات ثقيلة
تكاليف الشحن كل ده يقل مع انخفاض سعر البترول
هو ليه لما السولار بيزيد سعره فيمصركل حاجة بتغلى
لان النقل بيعتمد على السولار
النقل ده معناه جميع الخدمات و الصناعات المستخدمة لخدمة الشعب
زيادة غير مباشرة في السلع و الخدمات

**l0new0lf** · 13-01-2009 02:39 PM

سعر البترول حاجه و سعر مشتقات البترول حاجه تانيه خالص اللى سعرها بيتحكم فيه عوامل منها (ده غير عوامل سياسيه) طريقة الشحن و المواصلات و الجوده و تكنولوجيا التصنيع نفسه (و دى الحاجه الوحيده الى بتغلى مبترخصش لانها متجدده و اسرار صناعه)
بس برضه محدش قال ليه سعر البترول العالمى رخص؟