التأمين في الجمعية

**yshawky** · 13-01-2009 01:52 AM

انا حصلي حادثة خفيفة و انا عامل تأمين في الجمعية. بس سمعت ان عندهم مشاكل اليومين دول و مش بيدفعوا فا يا تري حد اتعامل معاهم اليومين دول ؟ لو كده يا ريت حد يقولي ابه الاجراءات. انا محتاج اغير الزجاج الامامي و في كام نقرة في الكبوت ( وقع علي فرع شجرة وانا ماشي في المريوطية بسبب بلدوزر خاص بالمقاولين العرب) الله ينتقم منهم بسبب اهمالهم واستهتارهم بارواح الناس.

**zizo44** · 13-01-2009 09:23 PM

الجمعيه دى ربنا يسامحهم
انا دايخ عندهم على 200ج

**zizo44** · 13-01-2009 09:27 PM

الجمعيه اللى فى العباسيه انا بتهيئلى انهم نصابين والله اعلم
لازم تروح لهم كذا مره ولازم تتخانق معاهم

**zizo44** · 13-01-2009 09:28 PM

ادعو لاخوانكم فى غزه

**zizo44** · 13-01-2009 09:36 PM

اتبرعوا لاخوانكم فى غزه بالمال او بالدم
ودى اقل اقل اقل حاجه نعملها للاسلام
اللى عايز يتبرع وميعرفش الاماكن
الاماكن كتيره على سبيل المثال نقابه الاطباء (دار الحكمه)ش القصر العينى ناحيه جاردن سيتى امام معهد التعاون وذلك للتبرع بالمال اما التبرع بالدم فى نقابه الصيادله هناك ايضا بس خلف نقابه الاطباء
اوعى تقول هو الجنيه بتاعى هيعمل ايه مالعرب بيبعتوا بالملايين (اعمل اللى عليك وخلص ضميرك امام ربنا)اللى عايز يبعتلى الان هنا على المنتدىانا ممكن اروح معاه

**chato_eg** · 13-01-2009 09:37 PM

بص يا أخ "YSHAWKY "......
أنا بقالى أكتر من شهرين مستنى الشيك بتاعى
شهرين انتظار من ساعة ما كل طلباتهم و إجراءاتهم خلصت
دلوقتى الكلام إن الشيك طلع لكن صدر قرار بوقف طبع الشيكات...
فحتى الانتهاء من طبع الشيك و الله أعلم إيه المفاجأة التالية يبقى الحال كما هو عليه...
أنا لا أعتقد إنهم حرامية أو نصابين بمعنى إن الفلوس مش هتضيع...لكن فى خصومات كبيرة على التعويض المطلوب غير مبررة..و كمان التأخير كبير أوى ...

ربنا يستر...أنا لى عندهم 12300 جنيه

**hima1975** · 19-01-2009 03:44 AM

مدام عامل تأمين عندهم مش فارقه ... انا ليه شيكين عندهم ب حوالى 14 الف جنيه من رمضان والعيد الكبير ولسه بيقولوا محتاج تروح كل شويه علشان تاخد الشيك .. انا راى مدام عامل التامين عندهم اعمل الاجراءات عاديه وبعد كده اجرى على الشيك زى حلاتى والاف الناس وعوضنا على الله .
ومش عارف الواحد المفروض يشتكى فين .

**walidmamdouh** · 02-02-2009 01:23 PM

بالنسبة لتقديم شكوي ضد اي شركة تامين روح علي هيئة الرقابة علي التامين ممكن تجيب التليفون من 140والعنوان واجمالا الجمعية بتتعامل مع ورش متعقد معاهم ودي بتكفيك شر الجري علي الشيك لانك بتستلم العربية وتمشي وهما بيكملو الاجرات مع الجمعية ومن ضمن الورش {التوفيق لاصلاح السيارات} الحرفين م/شريف ندا موبايل 0128280077 انا اتعملت معهم ناس محترمة

**yshawky** · 03-02-2009 04:47 PM

والله انا استعوضت ربنا في المبلغ اللي دفعته و مش هاجدد معاهم و خلاص . حد يعرف مين احسن شركة تأمين ويكونوا بيتعاملوا مباشرة مع التوكيل يعني ماجريش انا ورا الفلوس بعد ما ادفعها.