انا معايا الهاى لين من غبور 2007 بامانة تحفة على الطرق جريت بيها لغاية 200كم -ساعة ثبات وعزل واستجابة فى الاداء بامانة سيارة تستحق الاحترام
عرض للطباعة
انا معايا الهاى لين من غبور 2007 بامانة تحفة على الطرق جريت بيها لغاية 200كم -ساعة ثبات وعزل واستجابة فى الاداء بامانة سيارة تستحق الاحترام
يا جماعة لو سمحت لو حد يقدر يفيدنى باى معلومات عن الالنترا 98 لانى بافكر جديه انى اشتريها
يا ريت حد يرد عليا
اولا احب اهنيكم علي الموضوع دة فعلا حلو جدا بس انا عاوز اسئل سؤال السرعات بتاااعت كل غيار في النترا 2008 مانيوال يعني الغيار التاني الحد الاقي لية كام والثالث والرابع والخامس
وياريت حد يؤلي انا لما بجيب التاني وماشي علي سرعة 40 الار بي ام يكون علي كام
انا بقى مش من احباب النترا و بس انا من عشاقها و مدمنيها لدرجة اني مش قادر اصبر خلاص لحد ما الاسعار تستقر عشان اشتريها
افهم من كده انى لو اشتريت الالنترا ال98 هاكون انا الوحيد اللى معاه الموديل ده و لا ايه !!!
الصراحة عايز اعرف ليه محدش عايز يجاوبنى !!!!
حضرتك ما تظلمش حد ممكن ما يكومش فيه كتير عارفين الموديل ده فميقدروش يفيدوك لانه موديل قديم شوية و من الصعب تلاقي الشباب هنا عارفينه , انا عن نفسي اول مرة اسمع عنه و كان نفسي افيدك
تأكد لو فيه حد يعرف معلومة واحدة عن الموديل ده هيفيدك بدون تردد
و الف مبروك مقدما
م/ ايهاب
ايهاب باشا ,شكرا على ردك
انا مش قصدى اظلم حد ,المشكلة انى مش عارف اخد قرار لانى مش قادر احصل على معلومة اكيده عن الموديل ده
العربية عاجبانى جدا بس خايف اعجابى بيها يخلينى ما اخدش بالى من حاجات اتفاجأ بيها بعد ما اكون اشتريتها
و اكرر شكرى على ردك و اهتمامك
لا شكر على واجب انت اخ عزيز ليا و كنت اتمنى افيدك و ان شاء الله تجمع معلومات عنها و يكون اختيار موفق بإذن الله
ياجماعه انا اشتريت النترا 2009 فضى خليجى من 4 شهور فى اول شهر 10 اللى فات انا اشتريتها فتحة سقف وجنوط ب 115500 من المنصوره
اهم مميزات العربيه : كاسيت سى دى مع وصلة usb
اضاءة الطابلوه رائعه من جوه وكمان الكراسى واسعه وخاصة للشباب اللى رجليهم طويله وبيحيبوا يرجعوا الكرسى للاخر
الثبات بتعاها كويس على الطريق لغاية 160 كم/ساعه بعد كده هتبتدى تحس ان العربيه بدأت تخف منك والشنطه بتاعتها واسعه جدااا وجاى معاها الاستبن جنط كمان
البدى بتعاها كويس انا اتخبط فى الاكصدام الخلفى 3 مرات قبل كده ومحصلهوش حاجه
والعفشه بتاعتها قويه جدا وصوت الموتور هادى جدا
انا شايف ان العربيه تصلح للعائلات اكثر من الشباب فلو كنت شاب انصحك ب i30
اهم عيوب العربيه :
البور كهرباء مبيفصلش بعد ال120 يعنى لو انت عنيك غفلت كده ثانيه الله اعلم ايه اللى ممكن يحصل
الفرامل بتاعتها مفهاش abs ولا ebd وكمان ضعيفه على السرعاته العاليه الفرامل مش هتوقف العربيه ولا هتهديها
طبعا الكلام ده مختلف تماما فى الالنترا اللى فيها abs و ebd
وعادة بتبقى مجهزه بتكييف تاتش مش بكره
طبعا الالنترا اللى مجهزه بتكييف تاتش وabsوebd سعرها بيبقى من 120 الى 125 الف جنيه مصرى وشكرا
الف مبروك بس كنت حابب اعلق على كلام حضرتك
كل الناس اللي معاهم النترا فى المنتدى بيقولوا ان الباور بيتقل مع السرعات العالية و ده بيخليك تتحكم في العربية
تاني حاجة الكل بيأكد قوة فرامل النترا حتى على السرعات العالية يمكن حضرتك ما جربتش الفرامل على السرعات العالية او سمعت المعلومة ديه خطأ
انا شايف اهم عيوبها بس ان الكماليات مش موجودة الا فى اعلى فئة منها نما الفئة اللي هشتريها ان شاء الله مانوال هتبقى من غير كماليات كتير
تاني حاجة كنت اتمنى تكون فيه فئة جميع الكماليات مانوال لأني مابحبش الاوتوماتيك
ثالثا صاجها ضعيف شوية و واطية شوية برضه بس كل ديه عيوب بسيطة يعني لا تقلل شيئ من قيمة العربية