الموضوع: مناقشة بخصوص مشروع (احلال) او تجديد سيارات الأجرة

المشاركة الأصلية كتبت بواسطة Hossam_Hassan

امبارح كنت عند كهربائى فى ابو الريش و خلال ال 3 ساعات اللى قعدتهم هناك عرفت ان مشروع احلال سيارات الأجرة خلق سوق للعربيات القديمة اللى كانت شغالة تاكسى، اللى كنت فاهمه ان العربيات دى هيعدم اللى متهالك منها، بس الحقيقة انها بتتباع باسعار قليلة، يعنى الكهربائى اللى كنت عنده اشترى و باع قدامى عربية فيات 125 موديل 80 ب 7 الاف جنيه و باعها فى ساعتها لواحد بعد ساعة، و لما دردشت مع اللى اشترى، قالى انه عارف ان العربية مهلوكة، بس احسن من ركوبه هو و اولاده على الفسبا، هو عنده حق، بس تخيلوا معايا دلوقت لو على الأقل 50 الف عربية زى دى بقوا ملاكى و مشيوا فى الشوارع بحالتهم دى مع الأخذ فى الأعتبار ان اللى هيشترى بالتمن ده مش هيبقى قادر ماديا انه يصلح او يصون العربية كويس و هنقابل كتير منهم عطلانين فوق الكبارى و ماشيين من غير انوار بالليل على الدائرى و الخ الخ.

بصراحة شايف ان ده موضوع خطر جدا و هيبهدل الشوارع اكتر ما هى مبهدلة.

بعض اسعار عربيات الأحلال كانت كالأتى:

- فيات 125 : من 6 - 7 الاف
- فيات 131: 11 الف
- بيجو 504: 14 - 17 الف
- فيات 128: 5 - 8 الاف

و العالم الكهربائية دول اراضيهم فين يا ريس و لو فيه حد مضمون ممكن نمرته