مناقشة بخصوص مشروع (احلال) او تجديد سيارات الأجرة

**Hossam_Hassan** · 13-01-2009 11:05 AM

امبارح كنت عند كهربائى فى ابو الريش و خلال ال 3 ساعات اللى قعدتهم هناك عرفت ان مشروع احلال سيارات الأجرة خلق سوق للعربيات القديمة اللى كانت شغالة تاكسى، اللى كنت فاهمه ان العربيات دى هيعدم اللى متهالك منها، بس الحقيقة انها بتتباع باسعار قليلة، يعنى الكهربائى اللى كنت عنده اشترى و باع قدامى عربية فيات 125 موديل 80 ب 7 الاف جنيه و باعها فى ساعتها لواحد بعد ساعة، و لما دردشت مع اللى اشترى، قالى انه عارف ان العربية مهلوكة، بس احسن من ركوبه هو و اولاده على الفسبا، هو عنده حق، بس تخيلوا معايا دلوقت لو على الأقل 50 الف عربية زى دى بقوا ملاكى و مشيوا فى الشوارع بحالتهم دى مع الأخذ فى الأعتبار ان اللى هيشترى بالتمن ده مش هيبقى قادر ماديا انه يصلح او يصون العربية كويس و هنقابل كتير منهم عطلانين فوق الكبارى و ماشيين من غير انوار بالليل على الدائرى و الخ الخ.

بصراحة شايف ان ده موضوع خطر جدا و هيبهدل الشوارع اكتر ما هى مبهدلة.

بعض اسعار عربيات الأحلال كانت كالأتى:

- فيات 125 : من 6 - 7 الاف
- فيات 131: 11 الف
- بيجو 504: 14 - 17 الف
- فيات 128: 5 - 8 الاف

**mo7a_mo7a** · 13-01-2009 11:43 AM

يا اخونا انا شايف الوضع بطريقة تانية خاااااااااااااااااااااالص
ال 50 الف عربية التاكسي التعبانة المتنيلة دي موجودة بالفعل في الشارع وبتمشي في شوارع مصر طوووووووووووول اليوم يعني اما تتحول لملاكي مش حيحصل جديد .. بالعكس
1-عدد الكيلو مترات اللي حتقطعها كل عربية منهم يوميا حيقل
2-معدل استهلاك كل سيارة للوقود وقطع الغيار وخلافه حيقل
3-معدل تلويث كل منها لجو حيقل
4-لو واحده منهم عملت حادثة جامدة واتشركت لا قدر الله وكان تصليحها يتكلف 3000 او 4000 صاحبها حيخرطها ويبعها خردة مش حيصلحها بعكس لما كانت تاكسي كان حيحاول بكل الطرق طبعا علشان نمر الاجرة مترحش عليه

علي الناحية التانية في 50 الف سيارة (جديدة) بشوكها وغاز حتخش الخدمة وترحمنا من الدخان والعادم المنيل بتاع التاكسي

والعربات دي حتبقي يا امي فيرنا او فيفا (علشان خاطر غبور) او افيو او لانوس (علشان عيون منصور) او شاهين (علشان خاطر الناس بتوع بروتون اللي حيشترو النصر عايزين المخازن فاضية)
وحتنزل العربيات دي مرشوشة ابيض واسود جاهزة ومتجهزة بغاز وعداد اجرة ديجيتال وكله تمام.

اتمني ان كلامي يكون مقنع ووجه نظري واضحة

**mo7a_mo7a** · 13-01-2009 07:34 PM

المشاركة الأصلية كتبت بواسطة blazer

بس اكيد مش كل العربيات هتتحول ملاكى
فى كتير اكيد هيتخرد علطول

اكيد
لان علشان تبقي ملاكي حتحتاج تتسمكر وتترش من جديد
وفي عربيات كتير متساويش المجهود والمصاريف
فتتباع قطع غيار احسن من بقها المفتوح وصعوبة بيعها وتراخيصها

**mo7a_mo7a** · 14-01-2009 01:14 AM

المشاركة الأصلية كتبت بواسطة blazer

دا غير ان سواقين التاكسى اللى هيغيروا عربياتهم بيبطلو يهتموا بيها خالص و يبطلوا يصلافوا عليها لانهم عارفين كدا كدا هتترمى ويجى غيرها

لا طبعا بالعكس لازم يهتم بيها لانه كده كده حيروح يفحص في المرور علشان يرخصها ملاكي وطبعا هو عارف انهم حيتلككوله
ومن ناحية تانية عايز يجب فيها سعر كويس

**Amr_Moh** · 14-01-2009 09:56 AM

المشاركة الأصلية كتبت بواسطة GoldenManEye

من خبرتى مع الحكومة بتاعتنا!

هتستنى لما الناس تلبس العربيات الأجرة القديمة "علشان التكسجيه الغلابه!"....وهوب قانون لتكهين السيارات الملاكى القديمة!

Golden eye !!
you shoud be the Red eye :k48:

أنا معاك فالرأي دة مفيش حاجة مضمونة

**eg_falcon** · 14-01-2009 01:17 PM

المشاركة الأصلية كتبت بواسطة GoldenManEye

من خبرتى مع الحكومة بتاعتنا!

هتستنى لما الناس تلبس العربيات الأجرة القديمة "علشان التكسجيه الغلابه!"....وهوب قانون لتكهين السيارات الملاكى القديمة!

و الله هو دا اللي الواحد خايف منه و للاسف اللي عايز يشتري و اقع بين مطرقة القوانين العشوائية لحكومتنا الرشيدة و سندان الاسعار المولعة للزيرو و اللي مش عايزة ترخص

**eg_falcon** · 14-01-2009 01:50 PM

المشاركة الأصلية كتبت بواسطة Hossam_Hassan

امبارح كنت عند كهربائى فى ابو الريش و خلال ال 3 ساعات اللى قعدتهم هناك عرفت ان مشروع احلال سيارات الأجرة خلق سوق للعربيات القديمة اللى كانت شغالة تاكسى، اللى كنت فاهمه ان العربيات دى هيعدم اللى متهالك منها، بس الحقيقة انها بتتباع باسعار قليلة، يعنى الكهربائى اللى كنت عنده اشترى و باع قدامى عربية فيات 125 موديل 80 ب 7 الاف جنيه و باعها فى ساعتها لواحد بعد ساعة، و لما دردشت مع اللى اشترى، قالى انه عارف ان العربية مهلوكة، بس احسن من ركوبه هو و اولاده على الفسبا، هو عنده حق، بس تخيلوا معايا دلوقت لو على الأقل 50 الف عربية زى دى بقوا ملاكى و مشيوا فى الشوارع بحالتهم دى مع الأخذ فى الأعتبار ان اللى هيشترى بالتمن ده مش هيبقى قادر ماديا انه يصلح او يصون العربية كويس و هنقابل كتير منهم عطلانين فوق الكبارى و ماشيين من غير انوار بالليل على الدائرى و الخ الخ.

بصراحة شايف ان ده موضوع خطر جدا و هيبهدل الشوارع اكتر ما هى مبهدلة.

بعض اسعار عربيات الأحلال كانت كالأتى:

- فيات 125 : من 6 - 7 الاف
- فيات 131: 11 الف
- بيجو 504: 14 - 17 الف
- فيات 128: 5 - 8 الاف

بس على فكرة الموضوع لو بالشكل دا الواحد باعتباره لسه يدوب بيتعلم السواقة جديد ممكن يجيب حاجة من اللي ب 6-7 اهو يتعلم فيها سواقة و ميكانيكا

او يجيبلو حتة 504 على 15000 اه حمالة اسية بردو و بعدين بعد كده يباه يولع فيها بجاز

بدل ما يديها للحكومة عشان تديها لعز يعمل منها حديد

-

-

-

الموضوع: مناقشة بخصوص مشروع (احلال) او تجديد سيارات الأجرة

LinkBack

أدوات الموضوع

عرض

مناقشة بخصوص مشروع (احلال) او تجديد سيارات الأجرة - انشر الموضوع فى :

-

-

-

-

المواضيع المتشابهه

بخصوص مشروع مغسلة سيارات

تهرب شركات الدعاية من سداد حصتها فى مشروع احلال التاكسى

بخصوص مشروع احلال العربيات القديمه فى مصر

مشروع احلال سيارات الملاكي القديمه

مشروع احلال الملاكى ... يعنى ايه

الكلمات الدلالية لهذا الموضوع

المفضلات

المفضلات

ضوابط المشاركة