برجاء مساعده فى التكيف والمياه

**jojowork1** · 13-01-2009 12:39 PM

انا اشتريت عربيه لانوس 2000 من حوالى 10 ايام وانا بظبطها اكتشفت مياه فى الموكيت تحت الدواسه بس واضح انه كان قبل ما اشتريها وبعدين شوفت فى المنتدى الموضوع ده عرفت انه من التكيف وعلاجه انك بتفصل التكيف السخن وفعلا بجرب التكيف السخن لاقيته بيجيب هوا عادى انا عاوز ارجع التكيف السخن واحل المشكله برجاء المساعده ازاى ارجع التكيف السخن
شكرا ليكم

**jojowork1** · 13-01-2009 12:56 PM

انا اسف يا جماعه الموضوع اللى قرائته كان بيقول مياه بجوار كرسى السائق لاكن انا المياه عندى تحت دواسه كرسى السائق عشان تكون المشكله واضحه
شكرا

**ehab_mansour** · 13-01-2009 01:19 PM

السلام عليكم
شوف يا اخي الفاضل انا كان عندي نفس المشكلة ومش هتفرق كرسي السائق او اللي جنبه المشكلة ان سربنتينة التكييف السخن دي متوصلة بدائرة تبريد محرك السيارة واي تسريب في المياة منها بيؤدي الي نقص مستوي مياة التبريد عشان كده بتفصل السربنتينة عن دائرة تبريد المحرك عشان ما تأثرش علي كفاءة التبريد للمحرك وبالتالي مشاكل كبيرة تانية زي جوان وش سلندر وحاجات كتير تانية .
وبعد كده تحاول تروح لحد متخصص يصلحلك سربنتينة التكييف السخن دي ويرجعلك الدائرة كما كانت .
يارب اكون أفدتك

**jojowork1** · 14-01-2009 01:04 AM

شكرا بس يايت حد يحاول يحدد مكان سربنتينه السخن عشان انا ليا واحد صحبي بتاع تكيف بس هو ملوش في العربيات قالي لو ورتهاني ممكن اعملها فا ياريت حد يساعدني

**ahm3d ham>ed** · 14-01-2009 04:52 PM

بتبقلى فى ظهر التبلوة وعشان تفكها وتركبها تانى صح لازم تفك التبلوة وشغلانة سودة

**Sherif Khalifa** · 14-01-2009 06:15 PM

علشان ترجع السخن لازم ترجع دورة التبريد تانى للوضع الاصلى
هتفك التابلو هتلاقيها خلفة
فى حالة كهربائى الموضوع مكلف بس معرفش كام بظبت
فى حالة صحبك التكليف بسيطة بس هتروح لميكانيكى علشان يرجعلك دورة المياة تانى
فا لو مش فارق معاك اوى ماتتعبش نفسك

**jojowork1** · 16-01-2009 01:55 AM

انا فعلا فكيت التبلوه وجبت السربنتينه استيراد بص بصراح محدش يفكر يعمل كده عشان انا عيني طلعت عشان افك وكمان الكل اجمع علي انها شويه وهتتخرم تاني شكرا

**ahmedezzat78** · 16-01-2009 04:03 AM

مبروك على التصليح

بس يا ريت تقولنا كام معلومه كده على الماشى:
كنت بتحط ميه حنفيه و اللا ميه خضراء او حمراء؟
خامه السربنتينه ايه؟ حديد ام نحاس؟ و لو ممكن صوره للقديمه المخرومه
جبت السربتينه الاستيراد بكام؟

و اسف للاطاله

**jojowork1** · 20-01-2009 09:40 AM

الله يبارك فيك انا كنت محططش ميه خالص من ساعة ما اخدت العربيه لانها كانت مليانه بس ميه عاديه للاسف السربنتينه حاليا مش معايه بس انا هحاول اصورهالك هي في الغالب المونيا بس مش موتئكد لو عاوز تعرف خامتها بظبط بص علي المواسير اللي جمب العربيه اليمين اللي خاصه بتكيف البارد تقريبا زيها بظبط جبتها 150 جنيه