السير عكس الاتجاه و الحضانة !!!!!!

**M.Osman** · 13-01-2009 06:06 PM

انا نفسي اللى بيمشى عكس الإتجاه يتعدم فى ميدان عام !

**magomago** · 13-01-2009 06:17 PM

المشاركة الأصلية كتبت بواسطة goodwave

السلام عليكم

يعني يا أستاذ اسلام .... واحد ماشي عكس الإتجاه وعاوز يتخذوا معاه الرأفة؟ خليك صح وانت تبعد عن المخالفات والحضانات.... كنت فكرك بتنتقد ظابط مرور بيحرر مخالفة على هواة ولا حاجة بس ده واحد مستهتر "ماشي عكس إتجاه" يبقى حلال فية 5000 جنية وسجن كمان!!! أمال إزاي حال البلد حيتصلح من غير عقوبة رادعة؟

كلام محترم جدا
أشكرك سيادتك علية

**Ghamrawy** · 13-01-2009 06:31 PM

المشاركة الأصلية كتبت بواسطة Islam_galal

استكمالا لحلقات المرور

يتم الآن في الاسكندرية تطبيق مخالفة عكس الاتجاه بحجز السائق في القسم و عرضه علي نيابة المرور و تأميم العربية إلي الحضانة و الغرامة ألف جنية و ألف حنيه للحضانة، يبقي الاجمالي 2000 جنيه غير البهدلة و احتمال ان العربية يتسرق منها حاجات

الكلام ده ساري للميكروباص و الأجرة و التوكتوك و الملاكي كمان

و لا يوجد تصالح فوري و علي المتضرر اللجوء لله ، عسي أن يرحمنا من هذا البلد السعيد

لو كان بايدى كنت خليت عقوبته الرجم و الضرب بالاحذية فى مكان عام حتى الموت او حبس السائق داخل سيارته و اشعال النار فى الاتنين.......و الكلام ده لو القانون و المعاملة على الكل يعنى على ابن اخت البيه و الباشا و اللواء و القاضى و المستشار و القوات المسلحة و الغير مسلحة
انما لو فيه لامؤاخذة صهينة و مجاملة (نفسى اكتب اللفظ التانى قليل الادب) يبقى انا اول واحد حايمشى عكسى(و لا عمرى حاعملها لو حتى حابات فى العربية)

**ahmedsrs** · 13-01-2009 06:36 PM

اكتر حاجة بتضايقنى المشى عكس الأتجاه وتلف انوار الأستوب بتاعةالعربية ياريت ياريت تبقى فى عقوبة رادعة بس تتطبق على الكل

**MoToRiZeR** · 13-01-2009 06:42 PM

انا مع عقوبة الإعدام بالكرسي الكهربائي للي بيمشوا عكس .

**amir** · 13-01-2009 07:21 PM

المشاركة الأصلية كتبت بواسطة nabaster

استاذ امير اسمها حضانه بتشدييييييد الضاد
وده المكان الي بتتجمع فيه العربيات الي مثلا راكنه غلط وشالها الونش بيسلمها هناك

انا شاكر ليك الايضاح
انا عارف انها حضانه بتشديد الضاد
بس فكر كده معايا
اللي راكن غلط صف تاني مثلا ممكن يكلبشو العربيه بتاعته و يتحرق بقي اللي راكن جنب الرصيف صح
في مخالفات اللي بتتلزق علي الزجاج
و اخر اختراعات العالم الظريفه دي الحضانه (تشديد الضاد) و اللي الونش هيتكفل تدمير العربيه تماما الي ان تصل اليها
بالذمه ده كلام في بلد شبه متحضر (من حيث اننا عندنا شوارع و مباني فقط مش زي دول افريقيا الفقيره جدا)
انا اللي مزعلني كثره صرف المال العام فيما لا يفيد بل يضر

فاكر سيادتك مثلا الرادار المسمي بالصديق اللي اشتروه من كام سنه علشان ينبه السائقين بتجاوزهم السرعات المقرره دون اخذ مخالفه؟ انا السنه اللي فاتت كنت ماشي علي طريق اسكندريه الصحراوي و شفت الشاشه دي و هي عامله زي شواهد القبور و مهمله و متهالكه
و غيره و غيره من اساليب صرف المال بغباء
تفتكر مثلا موضوع الكلبشات ده كويس ولا وحش؟
صرفو قلوس لشراءه قد كده و لما الناس بقي بتفكه و تاخده و تمشي ملقوش في جعبتهم غير انهم يجرمو فك الكلابش في القانون الجديد مع اغفال بند اهم زي العربيات اللي ماشيه تطلع هباب اسود او ابيض و تضر صحه الناس ولا العربيات اللي ماشيه من غير انوار او فوانيس اساسا و العربيات النقل اللي دايره علي حل شعرها شمال و يمين الطريق علي سرعات جنونيه
لو في هدف للاصلاح كانت الناس المسؤله فكرت الف الف مره و هي بتحط القوانين مش مجرد احط قانون اغلط بيه الناس و الم فلوس و خلاص ده غير ان في فئات معينه معروفه و معلومه للجميع لا يتم تطبيق قانون المرور عليها