كنت فى مديرية الصحة النهاردة وعرفت ان الحكومة خفضت حوافز الاطباء بنسبة 100% :satelite:
كدة فيه حملة تانية حتحصل ""خلوها تخرب"
شوية كدة ومفيش رواتب "هو احنا اغنى من امريكا":36_7_4[1]:
كنت فى مديرية الصحة النهاردة وعرفت ان الحكومة خفضت حوافز الاطباء بنسبة 100% :satelite:
كدة فيه حملة تانية حتحصل ""خلوها تخرب"
شوية كدة ومفيش رواتب "هو احنا اغنى من امريكا":36_7_4[1]:
خلوا الدكاترة يكافحوا شوية بقي...
الحكومة بتوصل المواطن لاقصى درجات التحمل وده شيء كويس ..
المواطن المصرى يفوت فى الحديد ميهموش ياكل الظلط وميشبعش يشرب سم هارى ويقول كمــــــــــــــــــان ...
انا بدورى بشكر الحكومة على ما وصلتنا اليه ... بقينا اقوى شعب فى العالم ونقدر نعيش فى اى ظروف مناخية فى الدنيا ..
بعد كده السياح هييجوا يتفرجوا على المواطنين مش الاثار ...
اى دولة محترمة فى العالم (غيرنا طبعا) اول اهتمام ليها هو المواطن (اللى احنا مش منهم)ودة بتقديم احسن رعاية صحية له ولاسرته عشان المواطن هو اساس الدولة فى كل شىء ولو المواطن دة صحته كويسة حيدى اقصى ماعنده فى كل المجالات :ma(36):
فى مصر بقى اخر حاجة الحكومة تفكر فيها المواطن :36_1_2[1]:لارعاية صحية ولا غيره هما حيعملوا بيها ايه عشان كدة الحكومة الرشيدة قالت نوفر فى الفلوس بتاعت الناس(الاطباء) اللى بيوفروا الرعاية الصحية للشعب اللى مش بيمرض ولا بيتعب ابدا:B4_237:
طبعا قرار حكيم من حكومة حكيمة "
طيب الاطباء بقى يعملوا ايه؟ ايه؟
يفتحوا عيادات خاصة ويفتروا عالناس قرار حكيم من اطباء حكماء :satelite:
ومين السبب فى دة كله؟ القرار الحكيم من """""":B4_237:
وهو اصلا الأطباء بيقبضوا كام من الحكومه
ده لولا المستشفيات الخاصه والعيادات كان زمانهم شحتوا
ازاى تخفيض الحوافز 100%؟؟؟؟؟؟؟؟؟
ممكن توضيح
انا اعرف اطباء كتير الحوافز 50%من الرتب يبقى ازاى تخفيضها ل100%
ربنا يستر على البلد دى الأيام اللى جايه محدش يعلم بيها الا ربنا
الله اعلم الدور جاى على مين؟
ربنا يستر""
هل الخبر مؤكد.........؟
هوه الامتياز بيقبض كام ؟
230 جندي فقطاقتباس:
هوه الامتياز بيقبض كام ؟
شباب
وزاره صحه ايه اللي هنتكلم عنها
انا طبيب اسنان مكلف و مرتبي 262 جنيه
و بالحوافز المفروض يوصل حوالي 400 جنيه
و الحوافز و الزيادات اللي بيطلعو علينا بيها في الجرايد دي مفرقعات اعلاميه لانها تحسب من المرتب الاساسي اللي تقريبا 120 جنيه علي ما اعتقد
انا منقطع عن العمل من فتره و حاليا بحضر ماجستير و هقدم اجازه سنه بدون مرتب و لو الحال فضل كده يبقي هوفر علي الدوله مرتبي و اقدم استقالتي و تتحرق الوزاره باللي فيها ملهومش عندي لازمه
انا من بعد ما صرفت الوف هاخد مرتب اظن زبالين الشوارع بياخدو اكتر منه؟
و احب اوضح حاجه لاخواني في الوزاره
لو جه تفتيش و قالولك في الشغل البس البالطو علشان التفتيش متلبسوش و لو لابسه اقلعه و لما البيه المفتش يزعقلك و يسئلك علي البالطو قولو متزعقش انا و انت موظفين في الحكومه و ملكش انك تزعقلي و اخرج برا عيادتي فورا بدل ما اتهمك بالتعدي علي موظف في اثناء تأديه عمله و البالطو اللي بتفتش عليه محدش سلمهولي من الوزاره علشان تيجي تفتش عليه ( و كذلك البادج )
بجد هتلاقي الوضع اختلف و هتلاقيه زي اللي في رجله
بجد عالم معندهاش لا ضمير ولا احساس
بيفتشو علي البلاطي و بادجات التعريف و سايبين الدنيا تخرب من انعدام خامات و ادوات و اجهزه و يحسسوك انهم اشتروك من سوق العبيد
طيب و مصلحه المرضي و العنايه بيهم هوفرها ازاي و انا كل حاجه تقريبا مش موجوده؟؟؟؟؟؟؟؟
علي فكره اساسا الوزاره دي تجيب تخلف لأي دكتور يشتغل فيها (انا بتكلم عن اطباء الاسنان معرفش بالظبط اخبار البشري ايه) و متنفعش راجل بيبدء حياته دي اخرها للدكاتره الستات ينزلو يقضو فتره فيها الصبح بدل قعده البيت و خلاص دون انتظار عائد مادي منها
و ياريت النقاش يستمر لأني علي اخري خلاص من دي وزاره
(نصيحه علي مسؤليتي محدش يعتب اي عياده اسنان تتبع وزاره الصحه نهائيا و ده بعد ما شفت اساليب التعامل مع الادوات و اخطار الاصابه بالامراض اللي بيتعرضلها المرضي هناك اللهم الا فئه قليله من الدكاتره بتراعي ضميرها و بتوفر للمرضي الحمايه اللازمه من حسابهم الشخصي)
لنا الله
نفسي تشوفوا منظر أبويا و أخواتي (الأصغر مني اللي شغاليين في وظايف مختلفة) و همه بيقلولي مبروك أنك خلصت خلاص و بقيت دكتور رسمي , ها هتقبض كام بقى يا سيدي أكيد بيظبطوكم , طبعا أنا و وشي في الأرض 245 جنيه, لحظة سكون و بعدين كل اللي قاعدين فتحوا في الضحك و أنا الدم طلع في نافوخي و اتمنيت ان الأرض تتشق و تبلعني ساعتها و قمت قلتلهم بعد اذنكم و نزلت أشوف صحابي (اللي هما زمايلي في الكلية) و اهو نواسي بعض.
لما تجوز كدة انشالله بعد عمر طويل حتاخد 2 جنيه عن كل طفل و2جنيه علاوة جواز ابسط ياعم"
لا تلاقي واحد من السادة المسمومين مزنوق في قرشين فايجيبوا عليها وطيها وان شاء الله ما حد حوش
أغلب الأطباء طفشانة برة مصر للعمل بس النصيحة انك تظفش بعد شهادة التخصص وعلى رأى المثل ( كل أكل البخيل وتف فى وشه )
يا اخوانا انتوا بتتكلموا في ايه بس ؟الحكومة هتدي لمين ولا مين ما كفاية بيدوا للقضاء وللنيابة و للشرطة و لكل من هب و دب حقوقهم و زيادة؟ انتوا بتفكروا في ايه يا دكاترة<على فكرة انا دكتور> حد قالوكوا تشتغلوا دكاترة كنتوا اشتغلوا حرامية ما هو ده اللي ماشي في بلدنا
لا لا لا يا راجل ، انت ليه بتقفلها فى وشه:Ob_mak1[1]:
علاوة الجواز 2 جنيه لكن علاوة الأطفال 4 جنيه للطفل ، و لكن .. احم... بحد اقصى 6 جنيه:C_laugh[1]:
يا ناس ده انا بقالى 15 سنة و دخلت ال 16 و فى الجامعة (المفروض اعلى من وزارة الصحة) و الأساسى بتاعى 380 جنيه و المرتب بكل التحابيش مش محصل 1000 جنيه:k30:
يعنى الأمتياز و التكليف يعتبروا فى نعمة مقارنة باللى باخده :ma:(واحد ربع مرتبى و التانى تقريبا نصه ، بسم الله ما شاء الله الله اكبر ، و ماعداش عليهم كل الوقت ده ولا رسايل او ابحاث و لا فيه عيال فى مدارس :B4_556:الخ الخ الخ)
اللهم لا حسد ، ما كلنا فى نفس الطريق
ربنا معاكم يا اولاد و معانا جميعا