انا شفت على النت حساس ركن بيركب بدون حفر في الاكصدام...حد شافه ده في مصر أو حتى متوقع يكون عند مين؟؟؟؟؟؟
وشكرا
عرض للطباعة
انا شفت على النت حساس ركن بيركب بدون حفر في الاكصدام...حد شافه ده في مصر أو حتى متوقع يكون عند مين؟؟؟؟؟؟
وشكرا
Send us the site
موجود ياباشا وانا مركبة فى عربيتى موجود منة نوعان :
1- صوت فقط
2- بالشاشة
المتوفر حاليا بالشاشة عند حمادة غزى بدون اى تخريم فى الاكصدام
انا فعلا كنت شفت النوع ده على النت من فترة برده ودورت عليه فى دمشق والتوفيقيه بس ملقتش حد عارفه خاالص
هو السنسور بتاعه عبارة عن استيكر بيتلزق من جوة الاكصدام
The Electromagnetic Parking Sensor EPS ®
http://www.parkingsensor.it/index.htm
http://img352.imageshack.us/img352/7543/clip22hh9.jpg
http://img352.imageshack.us/img352/c...jpg/1/w746.png
دى مقارنة بينه وبين النوع الالترا سونيك العادى
http://img147.imageshack.us/img147/1035/clip24qu6.jpg
http://img147.imageshack.us/img147/c...jpg/1/w749.png
http://img147.imageshack.us/img147/6743/clip23cq9.jpg
http://img147.imageshack.us/img147/c...jpg/1/w746.png
ب 400 جنية عند غزي في بورسعيد...
شكرا لكل الردود..انا لقيت الحساس ده عند السجان في مصر الجديدة. والحقيقة لم يعجبني بشكل عملي وتلك ملاحظاتي:
- فك الأكصدام الخلفي وإعادة تركيبه صح محتاج سمكري مُلم بخطوات الفك والتركيب وفقا لنوع العربية. علشان كده بيقولوا هناك في السجان إنه بيركب من خارج الأكصدام (وبكده يبقى ها يخرموه برضه)
- الحساس لا يفرق بين الشمال واليمين في التنبيه
- لا أعرف مدى دقة اللاصق في الأجواء المصرية (يمكن يفك بعدين!!!)
للأسف في اصبحت أكثر اقتناعا بالأنواع الأخرى إللي بيتخرم لها في الأكصدام.
على فكره موضوع تخريم الإكصدام ماعدش بيعيب العربيه
الناس اصبحت فاهمه كتير عن الأول
انا مركب الحساس اللي بيتخرمله في الاكصدام وكنت قلقان جدا من موضوع التخريم دا بس والواد بيعملوا ادامي ملقيتش فيه اي مشاكل واصلا بيبقي مع السنسور بونتة للشنيور علي اد الخرم اللي محتاجه بالظبط يعني مفيش منها اي قلق من ناحية التخريم دا بس لو عربيتك في الضمان ولا حاجة اتاكد الاول عشان سمعت انهم ممكن يتلككوا علي حاجة زي كدا وضفيرة الكهربا او حاجة زي كدا بتخرج من الضمان وربنا يوفقك
فكره شديده يارب يكون سهل ان الواحد يلاقيه فى مصر
انا مركب السينسور اللي بيتخرمله في الاكصدام الخلي وهو ماركة نضيفة جدا وفعلا بعتمد عليه جدا في الركنه بالذات عشان البدي كيت اللي متركب في العربية بيتجرحش او يتخبط وانا بركن وركبته في احمد سعيد الجهاز ب 175 جنية والتركيب 40 جنية يعني 210 بالتركيب وهو بيدي صوت واشارات ضوئية
ونصيحه اخوية بلاش بتاع المرايا عشان بيعلق ومش كويس ناس كتير اشتكت منه ومش بيدي قرأت صح ديما
فعلا السينور مهم وفي كمان من خلال الشاشه وهو معم لان جميع الشوارع بمصر صعبة جدا
بس موضوع ان الوكيل يلغي الضمانه ده فعلا لان التوكيل لا يسمح بان يركب الا من خلاله وشراء منه الجهاز...
بس يكون سعره غالي شويفه ...
هاني باشا انا اشتريته ب160 جنيه (الراجل كان عايز 175)وهو صيني لان اغلب او كل اللي في السوق صيني تقريبا ولحد دلوقتي شغال كويس (متركب بقاله حوالي 3شهور)ودا اللي بيبقي معاه شاشة يتكتب فيها المسافة اللي باقية علي العائق اللي وراك بالاضافة لصفارة تبدأ متقطعة وتزيد بالتدريج كل ما المسافة تقرب
بالنسبة للتركيب اي كهربائي عنده مجرد فكرة عن ان في حاجة اسمها باركينج سنسور هيركبهولك زي القرد (التركيب خد مني 40 جنيه والوصنايعي اديتله 10 جنيه)
في نوع سيمفوني بضمان سنة والحساسات (الزراير) متوافرة بألوان متعددة ثمنة بالتركيب 250 جنيه
يا جماعة احنا بنتكلم على الحساسات الى من غير تخريم
بس اوضح معلومة ان الزراير الى هيا الحساسات عمرها الافتراضى لايزيد عن 8 شهور وبعدها يبداء حساس حساس يفصل ودا من مهندس كهرباء فى توكيل سيارات مشهور جدا
كلامى خاص بالحساسات الى بيتخرملها فى الاكصدام
اما الى بدون تخريم فهو ممتاز
كلامك صح ياباشا من سنتين كان الى بينزل كورى او تايوانى و انجليزىوهما الاثنين افضل باـــ100 مرة من الصينى الى موجود فى السوق حاليا كل الى موجود ضرب
طيب اللى بدون تخريم ده عمل ولا لا ؟ لانى عاوز اشتريه وهوبشاشه ولا بصوت متقطع بس ؟؟؟ وهل يباع فى القاهرة ؟؟ وسعرة كام ؟؟
عملى ياباشا وبيتباع فى بورسعيد وممكن momo10000 يجبهولك
شكرا يا HamadaMOMO على الاهتمام والرد السريع ,, هو صينى ولا ايه ؟؟
طب يا جماعة أخبار الكاميرا اللى بتركب فى الإكصدام اللى ورا إيه و شاشتها بتركب فين فى التابلوه وبتتباع فين و بكام لو سمحتوا.
شكرا جزيلا
ايوة صينى ياباشا بس صينى نظيف علشان لسة متنشرش فى الصين شركات محدودة الى بتنفذة
اى حد يركب باركنج سينسور يشيل اى ستيكر موجود عالشاشه عشان لما الشمس بتضربه بيسيح ويبوظ الشاشه ودا حصل معايا
حد يعرف مكان يركب الحساس بسعر بالكثير 250 جنية بالضمان؟ وفى نفس الوقت صناعيي شاطر. وفى منطقه احمد سعيد؟
وهل كده لو انا محتاج ما اخرمش في الاكصدام اروح على الجهاز التانى اللى هيفك فيه الاكصدام. وهل فيه أنواع وايرليسس. وهى فعليا شغالة وايرلس ازاى؟