الضبط الالكترونى للموتور للماتريكس

**zarkoor** · 14-01-2009 08:45 PM

المشاركة الأصلية كتبت بواسطة thegreatnileman

كلامك صح 100% سعادة الباشا المسمار موجود وهما جايبين سيرته انه تم ضبطه فى المصنع على هذا الوضع وبيحزروا من تغيير هذه الظبطه وبياكدوا انه اى حاجه مش مضبوطه بتبقى اما من الحساسات أوطبعا وساخة بنزين ودى اول حاجة بيدوروا عليها خصوصا لما الكمبيوتر الهاى سكان مايكونش ارى حاجه من كمبيوتر العربيه

تمام يا باشا ... المسمار ده ماهو الا بنز بيدخل فى فتحة ال bypass اللى على بوابة ال throttle و فتحه بيزود بس الهوا فى السلانسيه لو rpm السلانسيه واطى ...

**sh23** · 15-01-2009 12:48 PM

المشاركة الأصلية كتبت بواسطة zarkoor

قصدت اللى يريحك انك تصدق كلامى او تصدق اللى مكتوب فى جدول الصيانه ... فحص المحرك الكترونيا تفرق عن ضبط المحرك ... فحص المحرك ده التعبير المظبوط ... بيدخلو بالاسكانار يتاكدو ان الحساسات بتقرا صح و ان ال ECU مش مسجله اى اخطاء و لو لقو حاجه غلط بيغيرو الحساس و بعدين يعملو (reset) ,,,

*****
يعني ما أختلافناش وطبقاً لكلامك الفحص يتبعة إجراء ما يبقي هو دة الضبط الإلكتروني

**sameh.acc** · 17-01-2009 01:30 AM

بص ياباشا هقولك تعريف الظبط الالكترونى ببساطة جدا من منطق توكيل غبور ومن واقع تجربة معاهم فى صيانة ال 10.000 كم انا سألت الراجل قالى لو قولتلك انا اللى بظبط العربية الكترونيا او بتدخل فى الظبط ابقى بكدب عليك وورانى الجهاز قالى انا مجرد بختار نوع العربية وسنة الصنع وبعمل ريسيت للكنترول يونيت وبدخل على ال Troubleshooting وبشوف الرسايل من الحساسات لو قالى no errors يبقى كدا تمام مفيش مشكلة ولو قالى فية ايرور بشوف رقم الحساس وعن طريقة بعرف مكان المشكلة وبصلحها غير كدا مابعملش حاجةةة وغالبا لو فية مشكلة فى اغلب الاحيان بيبقى من السنسور نفسة اتهز من مكانة او باظ بيبدلوه ويشوفوا فية رسايل ولا لسه

**sameh.acc** · 17-01-2009 01:43 AM

وانتظروا باذن الله موضوعى عن قريب لكيفية ظبط العربية الكترونيا وتصنيع دايرة تسمى بال interface تستخدم كوسيط بين الابتوب وبين مخرج ال diagnose باستخدام برامج تعمل كبديل عن هذا الجهاز وعن طريقهم اى حد هيقدر يكشف على عربيته ويشوف المشاكل ويعمل هوا الريسيت للكنترول يونيت ويشوف قراءات الحساسات ,,,

**thegreatnileman** · 17-01-2009 09:03 AM

وانتظروا باذن الله موضوعى عن قريب لكيفية ظبط العربية الكترونيا

منتظرين ربنا يوفقك بس مش عاوزين فى الاخر نضطر نفرمت العربية وننزل ويندوز من تانى

بهزر

بهزر

بس ربنا يوفقك ونستفيد كلنا بس ابقى اعمل موضوع بالصور لما تخلص