الضبط الالكترونى للموتور للماتريكس

**AlaaOsman** · 13-01-2009 04:55 PM

رجاء الافادة من السادة الاعضاء وخصوصا مالكى الماتريكس ، ما هو الضبط الالكترونى للموتور و المفروض يتم عمله كل كام الف؟؟ ياريت الافادة ولكم جزيل الشكر- علاء عثمان

**AlaaOsman** · 14-01-2009 05:54 PM

يا ريت حد يرد عليا

**zarkoor** · 14-01-2009 06:01 PM

المشاركة الأصلية كتبت بواسطة AlaaOsman

يا ريت حد يرد عليا

باشا ... مافيش حاجه اسمها ضبط الكترونى ... ال ECU بتاعة العربيه متبرمجه و بتاخد الاشارات من حساسات ال mass flow و الاكسجين و الكامه و الكرنك و على اساهم بتظبط الرشاشات و توقيت الشراره ... الجهاز اللى بيوصلوه فى التوكيل OBD-II علشان يتاكدو ان الحساسات دى بتطلع قرايات مظبوطه واللا لا لل ECU ... اخرهم لو حساس بايظ بيتغير ... غير كده مافيش حاجه بتتظبط غيرش ال idle speed علشان السلانسيه

**sh23** · 14-01-2009 06:10 PM

المشاركة الأصلية كتبت بواسطة AlaaOsman

رجاء الافادة من السادة الاعضاء وخصوصا مالكى الماتريكس ، ما هو الضبط الالكترونى للموتور و المفروض يتم عمله كل كام الف؟؟ ياريت الافادة ولكم جزيل الشكر- علاء عثمان

*****
الرابط التالي فية كل الصيانات الدورية ومن ضمنها الضبط الإلكتروني للمحرك
http://www.nilemotors.net/Nile/showthread.php?t=42373

**thegreatnileman** · 14-01-2009 06:15 PM

مافيش حاجه اسمها ضبط الكترونى

غير كده مافيش حاجه بتتظبط غيرش ال idle speed علشان السلانسيه

برضه دى مش بتنظبط دى بيضبطها السينسور بتاع فتحة دخول الهواء وانا قريت فى كتاب workshop manual بتاعها انه لو حصل اى لخبطة فى السلانسيه مفيش حاجة بتنظبط فقط يتم البحث عن السينسور اللى بايظ ونغيره انما العربية بتظبط نفسها بنفسها عن طريق الاشارات المرسلة من الحساسات الى وحدة التحكم

**zarkoor** · 14-01-2009 06:17 PM

المشاركة الأصلية كتبت بواسطة sh23

*****
الرابط التالي فية كل الصيانات الدورية ومن ضمنها الضبط الإلكتروني للمحرك
http://www.nilemotors.net/Nile/showthread.php?t=42373

اللى يريحك ... المره الجايه لما تروح التوكيل ... خد مهندس الصيانه على جنب و اساله ... ايه يا باشا موضوع الظبط الالكترونى و ابقى قلنا يمكن نستفيد حاجه ما نعرفهاش

**zarkoor** · 14-01-2009 06:22 PM

المشاركة الأصلية كتبت بواسطة thegreatnileman

مافيش حاجه اسمها ضبط الكترونى

برضه دى مش بتنظبط دى بيضبطها السينسور بتاع فتحة دخول الهواء وانا قريت فى كتاب workshop manual بتاعها انه لو حصل اى لخبطة فى السلانسيه مفيش حاجة بتنظبط فقط يتم البحث عن السينسور اللى بايظ ونغيره انما العربية بتظبط نفسها بنفسها عن طريق الاشارات المرسلة من الحساسات الى وحدة التحكم

المفروض ان فيه مسمار ضبط لل bypass بتاع ال idle ... بس حضرتك ادرى ما دام ده فى ال workshop manual

**thegreatnileman** · 14-01-2009 06:46 PM

المفروض ان فيه مسمار ضبط لل bypass بتاع ال idle

كلامك صح 100% سعادة الباشا المسمار موجود وهما جايبين سيرته انه تم ضبطه فى المصنع على هذا الوضع وبيحزروا من تغيير هذه الظبطه وبياكدوا انه اى حاجه مش مضبوطه بتبقى اما من الحساسات أوطبعا وساخة بنزين ودى اول حاجة بيدوروا عليها خصوصا لما الكمبيوتر الهاى سكان مايكونش ارى حاجه من كمبيوتر العربيه

**sh23** · 14-01-2009 07:12 PM

المشاركة الأصلية كتبت بواسطة zarkoor

اللى يريحك ... المره الجايه لما تروح التوكيل ... خد مهندس الصيانه على جنب و اساله ... ايه يا باشا موضوع الظبط الالكترونى و ابقى قلنا يمكن نستفيد حاجه ما نعرفهاش

***
* بصراحة مش فاهم المقصود بكلمة (( اللي يريحك ))
* أن شاء الله هبقي أسأل وأقولك بس أنا لسة قدامي حوالي 3500 كيلو علي صيانة ال 25 ألف يعني حوالي شهرين
* صاحب المداخلة الأصلية سأل ((( ، ما هو الضبط الالكترونى للموتور))) وما حبتش أفتي في اللي معرفوش &وكمان سأل((( و المفروض يتم عمله كل كام الف؟؟ )) علشان كدة أنا حطيت رابط جدول الصيانة وأسعارها واللي من ضمنها بنود صيانة المحرك بالتفصيل وآخر بند فيها هو فحص المحرك إلكترونياً ودة بيتم كل 20 ألف ومضاعفاتها طبقاً للجدول

**zarkoor** · 14-01-2009 08:38 PM

المشاركة الأصلية كتبت بواسطة sh23

***
* بصراحة مش فاهم المقصود بكلمة (( اللي يريحك ))
* أن شاء الله هبقي أسأل وأقولك بس أنا لسة قدامي حوالي 3500 كيلو علي صيانة ال 25 ألف يعني حوالي شهرين
* صاحب المداخلة الأصلية سأل ((( ، ما هو الضبط الالكترونى للموتور))) وما حبتش أفتي في اللي معرفوش &وكمان سأل((( و المفروض يتم عمله كل كام الف؟؟ )) علشان كدة أنا حطيت رابط جدول الصيانة وأسعارها واللي من ضمنها بنود صيانة المحرك بالتفصيل وآخر بند فيها هو فحص المحرك إلكترونياً ودة بيتم كل 20 ألف ومضاعفاتها طبقاً للجدول

قصدت اللى يريحك انك تصدق كلامى او تصدق اللى مكتوب فى جدول الصيانه ... فحص المحرك الكترونيا تفرق عن ضبط المحرك ... فحص المحرك ده التعبير المظبوط ... بيدخلو بالاسكانار يتاكدو ان الحساسات بتقرا صح و ان ال ECU مش مسجله اى اخطاء و لو لقو حاجه غلط بيغيرو الحساس و بعدين يعملو (reset) ,,,