توقيت النقلات للفتيس

**MMamdouh** · 27-08-2007 10:27 AM

بص من الاخر انت مينفعش تحرق زيادة عن اللزوم لان الموتور حيفصل قبل ما يخش على المنطقة الحمراء فى الRPM

لو بصيت فى كتالوج العربية حتلاقى العزم الاقصى بيطلع على 3400 RPM تقريبا فالنقل على 3000 عمرة ما بيوصل الموتور لعزمة الاقصى و دايما حتحس ان العربية كلبة و مبتسحبش.. انا دايما بنقل على 4000 RPM

MMamdouh

**MMamdouh** · 27-08-2007 11:27 AM

مش عيب ولا حاجة... دى طبيعة اى عربية

مينفعش تحصل على الاداء القوى و التوفير فى الوقود مع بعض... يا دة يا دة

لو عايز اداء يبقى لازم تحرق على النقلات و حتحس بقوة و سحب الموتور فى الحالة دى بس انسى موضوع الاقتصاد فى الاستهلاك و الكلام دة لان استهلاك البنزين حيروح فى داهية... و على فكرة دة مش بيبوظ الموتور... هو بس حيستهلك فى فترة اقل من موتور مبيتقرصش علية لان ببساطة المواتير اللى بتفوت بدرى بتبقى ناتج عن سوء صيانة او سوء استخدام

لو عايز توفر بنزين يبقى خلليك بين 2000 و 3000 RPM و متفكرس تشد مع فزبا لان اى كبس معناة زيادة استهلاك بنزين... و طبعا لانك مبتستهلكش بنزين بالسواقة دى يبقى انت مبتحصلش على اى قدرة حصانية من الموتور... يادوبك اللى يمشيك و بس

دا مش عيب فى العربية او فى اى عربية... دى طبيعة العربيات كلها

MMamdouh

**tarekaf78** · 28-10-2009 12:56 PM

يا جماعه احنا ممكن نمسك العصايه من النص ننقل علي 3500 rbm يبقي العربيه هتسحب معانا و في نفس الوقت وفرنا في البنزين علي قد ما قدرنا

**playeeer_fishooo** · 28-10-2009 01:42 PM

المشاركة الأصلية كتبت بواسطة tarekaf78

يا جماعه احنا ممكن نمسك العصايه من النص ننقل علي 3500 rbm يبقي العربيه هتسحب معانا و في نفس الوقت وفرنا في البنزين علي قد ما قدرنا

كلام مظبوط 100% انا بعمل كده عطول من ساعه ما جت العربية و كانت عاملة 300 كم و الحمد لله تمام

**playeeer_fishooo** · 28-10-2009 02:01 PM

لا توثر الزياده ف النقلات ع المتور لانك مش بتوصل للعلامة الحمرا يعني 3.5 كويس جدا هيوفر ف البنزين و هيديك عزم و لو مشغل التكيف يبقى 4 لان اللانوس 85 حصان و التكيف بياخد حوالي 9 حصان يعني لو ف طلعة كوبري و لا حاجة ال 85 حصان هتبقى 85 حمار

**kareembelal** · 29-10-2009 01:23 AM

المشاركة الأصلية كتبت بواسطة playeeer_fishooo

اللانوس 85 حصان و التكيف بياخد حوالي 9 حصان يعني لو ف طلعة كوبري و لا حاجة ال 85 حصان هتبقى 85 حمار

ههههههههههه فعلا كلامك صحيح وده العيب الوحيد اللي مدايقني في اللانوس لما التكييف يشتغل بيعمل ازمة في عزم الموتور وساعات باضطر اقفل التكييف وانا بعدي عربيه قدامي
ولو رجعت للوراء قبل اللانوس مش هاشتري اي عربيه موتور 1500 ابدااااااااااااا

**MMamdouh** · 29-10-2009 02:55 AM

لما تبقى مشغل التكييف و عايز تعدى حد او طالع كوبرى و محتاج كامل عزم الموتور دوس الدواسة للارض

ساعتها الكونترول حيعرف انك عايز اقصى عزم من المكنة و حيفصل كومبريسور التكييف من نفسة لحد ما تخف رجلع عن الدواسة تانى

MMamdouh