خطيير : إلقاء قنبلة نووية على غزة وتدميره بالكامل كما فعلت امريكا مع اليابان

عرض للطباعة

13-01-2009, 05:08 PM
Ramy_Ali

خطيير : إلقاء قنبلة نووية على غزة وتدميره بالكامل كما فعلت امريكا مع اليابان

ليبرمان: يدعو إلى إلقاء قنبلة نووية على القطاع وتدميره بالكامل
13/01/2009 - 7:43:36

أعطى رئيس حزب اسرائيل بيتنا المتطرف افيغدور ليبرمان "حلاً" للحرب على قطاع غزة اليوم الثلاثاء امام طلاب بار ايلان، قائلا: "إن شعب الكيان يكون في أمان ما دامت المقاومة في قطاع غزة وعلينا الاستمرار في الحرب حتى إنهاء والقضاء على المقاومة.حسب زعمه

واضاف "أن الحل موجود، حيث يجب العمل بالضبط كما فعلت الولايات الأمريكية المتحدة مع اليابان في الحرب العالمية الثانية وبالتالي لاداعي لاحتلال غزة".

وبحسب ما ورد على صحيفة "معاريف" فإن ليبرمان يدعو الى القاء قنبلة نووية على قطاع غزة وتدميرها بالكامل والانتهاء من هذة المشكلة نهائياً والتخلص من وصف العالم للكيان أنها دولة احتلال.
13-01-2009, 07:10 PM
TICOXX

فكرة جامدة جدا جدا
بس تهيألي انها صعبة التنفيذ علشان غزة جوة اسرائيل و طبعا هتبقى مشكلة الغبار الذري و بالتالي ده ممكن يكون مشكلة اكبر من وجود الفلسطينين نفسهم:k48:

عموما فكرة الابادة الجماعية مرة واحدة اسهل و اوفر بكتير من قطع النفس و وجع القلب زي ما عملوا و ضربوا "Racoon City" في اخر لعبة "Resident Evil 3" :k48:

و يرحمونا بقى من غزة و تعاطفك لوحده مش كفاية و افتحوا المعبر و اقفلوا الكبوت و مصر لازم تحارب وووووووووووو

انا بصراحة لو مكانهم هشتغل بالنبالم و تهيألي ده كبيره سحابة سودة كام يوم و بعد كده قشطة مفيش مشاكل و ساعتها ادخل على نضافة ولا جثث ولا غيره شوية فحم و خلاص
13-01-2009, 07:22 PM
ahmed ismail

ماتت قلوب الناس ماتت فيها النخوة
13-01-2009, 07:22 PM
tutankhamoun

اقتباس:

المشاركة الأصلية كتبت بواسطة TICOXX

فكرة جامدة جدا جدا
بس تهيألي انها صعبة التنفيذ علشان غزة جوة اسرائيل و طبعا هتبقى مشكلة الغبار الذري و بالتالي ده ممكن يكون مشكلة اكبر من وجود الفلسطينين نفسهم:k48:

عموما فكرة الابادة الجماعية مرة واحدة اسهل و اوفر بكتير من قطع النفس و وجع القلب زي ما عملوا و ضربوا "Racoon City" في اخر لعبة "Resident Evil 3" :k48:

و يرحمونا بقى من غزة و تعاطفك لوحده مش كفاية و افتحوا المعبر و اقفلوا الكبوت و مصر لازم تحارب وووووووووووو

انا بصراحة لو مكانهم هشتغل بالنبالم و تهيألي ده كبيره سحابة سودة كام يوم و بعد كده قشطة مفيش مشاكل و ساعتها ادخل على نضافة ولا جثث ولا غيره شوية فحم و خلاص

مش مصدق أن اللي الكلام اللي قرأته ده تم كتابته باللغة العربية
يعني مكتوب بالعربي ... = مواطن مصري أو عربي مش فارقة كتير في نظرهم !!!!
بس للدرجة دي بتكره أهل غزة ........ و مستحمل اليهود !!!!!
عايز اليهود يبيدوا العرب = السكان الأصليين لفلسطين و أصحابها الأصليين
و عايز المحتل .... اللي هو عينه على بيتك و على بلدك يبيدهم ؟؟!!
أرجوا أن يكون حضرتك بتهزر ...... و لو أن الهزار في حاجة زي كدا بيبقى شكله مش هزار خالص

لنا الله عز و جل ......... اللهم أهدنا و أنصر اهل فلسطين يارب العالمين
أنظر إلى تلك الصور و قول رأيك ماذا لو كنت مكانهم ؟؟؟

http://i43.tinypic.com/sfxxcl.jpg

http://i40.tinypic.com/fjf5p1.jpg

http://www.monde-magouilles.com/photos_guerre/gaza3.jpg

http://www.redress.btinternet.co.uk/saad_gaza_06010.jpg

أرجوا أن كل واحد يضع نفسه أو أحد أهله في موقف هؤلاء الناس

أنظر إليها من الناحية الإنسانية .........

لن أقول غير
حسبي الله و نعم الوكيل
13-01-2009, 07:36 PM
Dream286

لا اعتقد ان الأمر بهذه السهولة ابدا ليس طبعا لرقة قلوب اليهود او خوفهم من القرارات الدولية ولكن للـتأثير السلبي للقنبلة النووية على مدى واسع من انفجارها
وحسبي الله ونعم الوكيل
13-01-2009, 07:37 PM
TICOXX

اقتباس:

المشاركة الأصلية كتبت بواسطة tutankhamoun

مش مصدق أن اللي الكلام اللي قرأته ده تم كتابته باللغة العربية
يعني مكتوب بالعربي ... = مواطن مصري أو عربي مش فارقة كتير في نظرهم !!!!
بس للدرجة دي بتكره أهل غزة ........ و مستحمل اليهود !!!!!
عايز اليهود يبيدوا العرب = السكان الأصليين لفلسطين و أصحابها الأصليين
و عايز المحتل .... اللي هو عينه على بيتك و على بلدك يبيدهم ؟؟!!
أرجوا أن يكون حضرتك بتهزر ...... و لو أن الهزار في حاجة زي كدا بيبقى شكله مش هزار خالص

لنا الله عز و جل ......... اللهم أهدنا و أنصر اهل فلسطين يارب العالمين
أنظر إلى تلك الصور و قول رأيك ماذا لو كنت مكانهم ؟؟؟
[/COLOR]

انا مصري بس..لا عربي لا غيره
حدود بلدي معروفة و محفوظة و مليش وحدة مع اي نظام تاني و لا يجمعني بأي من الجيران اللي ممكن يكونوا بيتكلموا لغة مشابهة اي شيء آخر و ده موقفي و مش بفرضه على حد

و انا بقول رأيي بوجهة نظر حربيةاستراتيجية بحتة ولا يهمني اي من الطرفين اصلا و اي حرب في العالم لازم يكون فيه ضحايا من المدنيين امال يعني ايه حرب؟

انا ادافع عن بلدي مصر بس لو حد دخلها...و اكون اول واحد على الجبهة كمان لكن احرق دمي علشان دول ليه يعني؟

و اللي يعرف يحرر بلده يحررها
زي ما الجزائر دفعت تمن تريرها من ولادها مليون شهيد و المصريين عدى علينا كام محتل و كله انضرب بالجزم في الآخر و خلع و قالك حقي برقبتي
لكن شوية ناس مقضينها مباحثات سلام و احنا هناخد الحتة دي و انتوا تاخدوا الحتة دي و سيب و انا اسيب يبقى يستاهلوا اللي يجرالهم يا معللم

و لو راجعنا مشاكلنا مع اسرائيل من ساعة معاهدة السلام هنلاقي ان 99% بسبب الفلسطينين
و كان ممكن نعيش في سلام مع دولة اسرائيل لولاهم
و شكرا
13-01-2009, 07:38 PM
amr22_00

يا tutankhamoun اكيد مش زي ما انتا بتقول
اكيد الاخ TICOXX مش لاقي كلام يقوله
هيقول ايه يعني؟خلاص مش قادرين نتكلم تعبنا عاوزين نعمل حاجه مش نتكلم
13-01-2009, 07:40 PM
thegreatnileman

حسبنا الله ونعم الوكيل ربنا قادر عليهم
13-01-2009, 07:46 PM
ahmed ismail

ابن جديد من ابناء سايكس بيكو

ضاع فى هذا العالم و ضاعت هويته

ربنا يهديه
13-01-2009, 07:49 PM
ahmed ismail

الجديد فى الامر

كيف فقدنا انسانيتنا

كيف فقدنا ما يميزنا عن الحيوانات وهو الاحساس و الادمية

سبحان الله ربنا يشفى كل مريض مما هو فيه
13-01-2009, 07:51 PM
mohmd76

نعم الامر فى غاية السهولة لانه توجد قنابل فى حجم الحقيبه الدبلوماسية صغيرة وخفيفة ومناسبة للمدن الصغيرة كالقطاع تماما وهذا فعلا تحذير ويجب الاخذ بهذا الكلام على محمل الجد
13-01-2009, 07:52 PM
amr22_00

انت مسلم قبل ان تكون مصري يا اخي
13-01-2009, 07:57 PM
TICOXX

اقتباس:

المشاركة الأصلية كتبت بواسطة mohmd76

نعم الامر فى غاية السهولة لانه توجد قنابل فى حجم الحقيبه الدبلوماسية صغيرة وخفيفة ومناسبة للمدن الصغيرة كالقطاع تماما وهذا فعلا تحذير ويجب الاخذ بهذا الكلام على محمل الجد

ايه ده بجد؟ طب يبقى على البركة
امال مستنيين ايه بس؟ اكيد برضه همة عاملين حساب التلوث النووي و الا كانوا عملوا كده من زمان
13-01-2009, 08:08 PM
tutankhamoun

اقتباس:

المشاركة الأصلية كتبت بواسطة TICOXX

انا مصري بس..لا عربي لا غيره
حدود بلدي معروفة و محفوظة و مليش وحدة مع اي نظام تاني و لا يجمعني بأي من الجيران اللي ممكن يكونوا بيتكلموا لغة مشابهة اي شيء آخر و ده موقفي و مش بفرضه على حد

و انا بقول رأيي بوجهة نظر حربيةاستراتيجية بحتة ولا يهمني اي من الطرفين اصلا و اي حرب في العالم لازم يكون فيه ضحايا من المدنيين امال يعني ايه حرب؟

انا ادافع عن بلدي مصر بس لو حد دخلها...و اكون اول واحد على الجبهة كمان لكن احرق دمي علشان دول ليه يعني؟

و اللي يعرف يحرر بلده يحررها
زي ما الجزائر دفعت تمن تريرها من ولادها مليون شهيد و المصريين عدى علينا كام محتل و كله انضرب بالجزم في الآخر و خلع و قالك حقي برقبتي
لكن شوية ناس مقضينها مباحثات سلام و احنا هناخد الحتة دي و انتوا تاخدوا الحتة دي و سيب و انا اسيب يبقى يستاهلوا اللي يجرالهم يا معللم

و لو راجعنا مشاكلنا مع اسرائيل من ساعة معاهدة السلام هنلاقي ان 99% بسبب الفلسطينين
و كان ممكن نعيش في سلام مع دولة اسرائيل لولاهم
و شكرا

جميل أن حضرتك تقصد حدود بلدنا

طيب تعالى أولا نعرف من هي دولة إسرائيل اللي حضرتك مقتنع أننا ممكن نعيش معاهم في سلام ( لولا الفلسطيين )

دولة إسرائيل دي لم تكن موجودة في الوجود قبل عام 1948 بعد الميلاد

دولة إسرائيل تجمع فيها مواطنين يؤمنون إيمان شديد بأن دولتهم تلك يجب أن تمتد من النيل إلى الفرات ( يعني مصر في مخططهم )

دولة إسرائيل تلك تخالف كل المعاهدات و المواثيق الدولية و القوانين الدولية أيضا و ترفض التوقيع على اتفاقية منع الانتشار النووي و ترفض التوقيع على المحكمة الدولية

دولة إسرائيل تقوم بصناعة أسلحة وتستورد أسلحة و تأخذ أسلحة مجانية من الصهاينة الأمريكان لتكون أقوى قوة في الوطن العربي

دولة إسرائيل دي اللي جنودها أسروا الجنود المصريين في 1967 و داسوا عليهم بالدبابات مخالفين القوانين الإنسانية و القوانين الدولية !!

دولة إسرائيل تلك قامت أساسا بالإرهاب لأهل فلسطين و قتلهم

دولة إسرائيل تعلنها صراحة و علانية ... أن العرب جميعا هم ألد أعدائها ( من منظورهم ... مصر جزء من العرب )

دولة إسرائيل أحتلت مصر مرتين و قتلت ألاف المصريين ( 1956 1967 )

دولة إسرائيل تصدر إلينا الدعارة و الأفلام الاباحية لفساد أخلاق الشباب

دولة أسرائيل تصدر إلينا المأكولات الفاسدة و المحاصيل الفاسدة لتقضي علينا

-----------
بالمناسبة أنا لا أعترف بحاجة أسمها إسرائيل
كل اللي أعترف به
أن هناك أحتلال صهيويني متطرف إرهابي قاتل لأرض فلسطين ... أرض أخويا و أبن عمي .....
أحتلال يتحين الفرص للقفز علينا ( في مصر ) و أحتلال أرضنا ليتم لهم المراد و تكون دولتهم من النيل للفرات

أوعى بجد تكون مصدق موضوع دولة إسرائيل ده !!!!

إسرائيل بدون أمريكا .... = و لا حاجة
يعني مش دولة طبيعية
دي حاجة كدا عاملة زي القلب أو الكبد المزروع في جسد مريض
و بما أن الكبد المزروع غريب عن الجسد
فيحاول الجسد لفظ هذا الكبد الغريب
و لكن يحاول الأطباء ( أعطاء حقن ) لمحاولة تثبيت الكبد في الجسد
و لكن هذه الحقن ما هي إلا حقن لتمديد الوقت ليس إلا
و في النهاية سيتم لفظ الكبد لأنه عضو غريب تم اضافته بالقوة إلى الجسد
و هنا اللي بيمثل دور الأطباء هما أمريكا
و الحقن هي الرشاوى و الفساد لمن يأخدوهم
و الجسد هو الشعب العربي
و العضو الغريب هم الشعب الأوروبي اليهودي

هو صحيح ازاي حضرتك بتقارن بين الجزائر و فلسطين ؟؟؟
فلسطين لا يمكن مقارنتها بأي دولة
لماذا .؟؟
لأن الجزائر مثلا كانت تتلقى مساعدات من دول الجوار و خصوصا مصر
أما فلسطين لا يتلقون شئ
و بعدين هما أساسا مش عايزين مننا حاجة غير مساعدات انسانية ؟؟
عار علينا .... عار عار عار عار

أنا مش بقول نروح نحارب ( علشان أحنا مش جاهزين لأي حرب أساسا )
ولكن يمكن لمصر اتخاذ موقف سياسي أقوى من هذا ووقف العدوان على هذا الشعب الأعزل !!!! واخد بالك أنت ... أعزل

يعني حتى معندوش إمكانيات الحرب المتكافئة
13-01-2009, 08:08 PM
ahmed ismail

على فكرة يا كابتن هنا منتدى نايل موتورز

مش منتدى تل ابيب موتورز

نايل موتورز

ناييييييييييييييييييييييي يييييييييييل موتورز

يا رب تكون وصلت
13-01-2009, 08:10 PM
tutankhamoun

اقتباس:

المشاركة الأصلية كتبت بواسطة TICOXX

ايه ده بجد؟ طب يبقى على البركة
امال مستنيين ايه بس؟ اكيد برضه همة عاملين حساب التلوث النووي و الا كانوا عملوا كده من زمان

حسبي الله و نعم الوكيل

***********
***********

وصلت لحد هذا الكلام !!!!! بتمنى الموت لجيرانك ... بلاش أخواتك لو مضايقك قوي ....

يا الله .... أرحمنا يا ربنا و أغفر لنا ذنوبنا

تحذير لمخالفة القاعدة رقم13
(إ.م.2)
13-01-2009, 08:14 PM
TIMODAX

أنا أجزم انه ضابط جيش اللي بيتكلم كده ده عشان ده مطلوب في ظابط الجيش لبلد زينا يكون اللي زي الأخ ده كده و مش هاكتر عن كده
13-01-2009, 08:14 PM
TICOXX

يا جماعة مش علشان ليا رأي مختلف يبقى احجر على رأيي حد تاني

كل واحد حر في رأيه و محدش يزعل من حد علشان رأيه مختلف

و كل واحد طالما بيعرض وجهة نظره بأدب يبقى حر فيها
13-01-2009, 08:18 PM
ahmed ismail

هناك فرق بن الاختلاف فى الراى فى مسالة ما

و الخروج براى شاذ بتمنى الموت لاخ ليا ميعتبرش راى يجب احترامه اصلا
13-01-2009, 08:20 PM
TIMODAX

اقتباس:

المشاركة الأصلية كتبت بواسطة ticoxx

يا جماعة مش علشان ليا رأي مختلف يبقى احجر على رأيي حد تاني

كل واحد حر في رأيه و محدش يزعل من حد علشان رأيه مختلف

و كل واحد طالما بيعرض وجهة نظره بأدب يبقى حر فيها

وجهه النظر اللي شايفه أن أخوك أو يا عم أي انسان يموت و أنا هنا عمال أهزر و اتريق عليه أشك ان فيها أي أدب ولااي احترام لمشاعر الناس
فيا أستاذي العزيز راجع كلامك دا هاتلاقي نفسك بهزراك ده جرحتنا كلنا.........
13-01-2009, 08:24 PM
TICOXX

على فكرة انا مش بهزر من اساسه

انا بتكلم عن خيار استراتيجي ممكن لأسرائيل استخدامه ببساطة و انا لو مكانها و قادر على استعماله هستعمله بلا تردد

و ابقى ساعتها نشوف الشباب اللي فاتح صدره ده كله هيعمل ايه معاها

"ولاااااااااااااااااااااا� �ااااا حاااااااااااااااااااااااا ااااجة"
13-01-2009, 08:27 PM
ahmed ismail

يا كابتن لو سمحت متستفزناش اكتر من كده

لو رايك ده فى تعدى عليا و بيتمنى الموت لاخويا و ابويا و عمى يبقى يا ريت تحتفظ بيه جواك و متبخوش هنا

على الاقل احترم مشاعر الناس الموجودة
13-01-2009, 08:27 PM
NaderNabil

اقتباس:

المشاركة الأصلية كتبت بواسطة tutankhamoun

حسبي الله و نعم الوكيل

حتى لو كنت مسيحي .... أين إنسانيتك ؟؟؟؟
لا أظن أنك مسيحي .... و ليس لديك ديانة أساسا !!!
وصلت لحد هذا الكلام !!!!! بتمنى الموت لجيرانك ... بلاش أخواتك لو مضايقك قوي ....

يا الله .... أرحمنا يا ربنا و أغفر لنا ذنوبنا

معلش يا أستاذ توت بس....

ايه علاقة المسيحيين بالموضوع؟؟؟و إشمعنا المسيحيين اللي ذكرتهم دوناً عن بقية الديانات؟؟

و ما معنى جملة " حتي لو كنت مسيحي..."مش فاهم ايه لازمتها و ما المقصد من ورائها؟

ماتنساش ان فلسطين زي ما فيها مسلمين فيها مسيحيين بردو....
13-01-2009, 08:29 PM
TIMODAX

اقتباس:

المشاركة الأصلية كتبت بواسطة ticoxx

على فكرة انا مش بهزر من اساسه

انا بتكلم عن خيار استراتيجي ممكن لأسرائيل استخدامه ببساطة و انا لو مكانها و قادر على استعماله هستعمله بلا تردد

و ابقى ساعتها نشوف الشباب اللي فاتح صدره ده كله هيعمل ايه معاها

"ولاااااااااااااااااااااا� �ااااا حاااااااااااااااااااااااا ااااجة"

ما أنكرش عندك حق بس برضه مايمنعش انك غلطان. أضعف الأيمان أنك تناصرهم بالكلمة وتدعو لهم مش نتمني زوالهم بقنبله
13-01-2009, 08:32 PM
TIMODAX

اقتباس:

المشاركة الأصلية كتبت بواسطة NaderNabil

معلش يا أستاذ توت بس....

ايه علاقة المسيحيين بالموضوع؟؟؟و إشمعنا المسيحيين اللي ذكرتهم دوناً عن بقية الديانات؟؟

و ما معنى جملة " حتي لو كنت مسيحي..."مش فاهم ايه لازمتها و ما المقصد من ورائها؟

ماتنساش ان فلسطين زي ما فيها مسلمين فيها مسيحيين بردو....

يا باشا أكيد أستاذ توت مايقصدش حاجه ده راجل زي الفل
يا باشا كلنا أخوات :satelite:
احنا ليه كل مصيبه تحصل نركز في النص علي كلمه و نعملها موضوع خلينا في الأخ اللي فتح الموضوع
13-01-2009, 08:33 PM
ahmed ismail

معلهش يا نادر انا بعتذرلك

المسيحى المتدين الحقيقى

هو من يعلم ان من اتهم السيدة مريم العذراء فى شرفها هما اليهود

و ان اللى محتلين مكان ميلاد السيد المسيح هم اليهود

وان اللى مسيطرين على كنيسة القيامة هم اليهود

لكن هناك ناس لا ملة لهم ربنا يشفيهم
13-01-2009, 08:35 PM
tutankhamoun

اقتباس:

المشاركة الأصلية كتبت بواسطة NaderNabil

معلش يا أستاذ توت بس....

ايه علاقة المسيحيين بالموضوع؟؟؟و إشمعنا المسيحيين اللي ذكرتهم دوناً عن بقية الديانات؟؟

و ما معنى جملة " حتي لو كنت مسيحي..."مش فاهم ايه لازمتها و ما المقصد من ورائها؟

ماتنساش ان فلسطين زي ما فيها مسلمين فيها مسيحيين بردو....

بُص يا أستاذ نادر
أولا أنا بأعتذر لكل عضو زميل أخ عزيز مسيحي معانا على المنتدى
أنا مش عايز حد يفهم الكلام غلط
أنا لي أصحاب مسيحيين و بأعتز بيهم و ناس محترمة

أنا بس قصد أن الراجل عمال يقول و يتمنى الموت لأهل غزة
فبما أننا كنت بنتكلم على أساس الأخوة في الدين و العروبة و هو بيتكلم على مصر بس !!!
فأنا شعرت أن أقول له حتى مع الأختلاف في الدين يجب أن يكون لدينا أحساس الإنسانية
و عموما لو الكلمة أو الجملة المذكورة سابقا مزعلة حد و الادارة شايفة انها هاتضايق الأخوة المسيحيين
ياريت بعد أذنهم يحذفوها
و بكرر مرة تانية
محدش من الأخوة المسيحيين يفهم كلامي غلط و بأعتذر مرة أخرى للجميع مسيحيين أو مسلمين
و ربنا يديم المحبة ما بين نسيج المجتمع كله ( مسلمين و مسيحين )

و شكرا
13-01-2009, 08:40 PM
tutankhamoun

اقتباس:

المشاركة الأصلية كتبت بواسطة TIMODAX

يا باشا أكيد أستاذ توت مايقصدش حاجه ده راجل زي الفل
يا باشا كلنا أخوات :satelite:
احنا ليه كل مصيبه تحصل نركز في النص علي كلمه و نعملها موضوع خلينا في الأخ اللي فتح الموضوع

شكرا يا باشا على الرد و ربنا يجعلك دايما في فعل الخير
و بأقول نادر تاني .... متزعلش :satelite:
13-01-2009, 08:41 PM
NaderNabil

شكرا يا أستاذ توت على التوضيح....و انا مازعلتش عشان عارف ان حضرتك انسان محترم...بس هي الجملة واقعها كان غريب...و موصلتش اللي حضرتك عايز توصله...

عموما حصل خير....و ربنا يديم المحبة....
13-01-2009, 08:45 PM
t4r3k

يـــــــــاغزه !!

[center]
السلام عليكم

أخى Timodax.. اسال الله ان يهدينا جميعا ..
اولا: هذه وجهة نظرك انك تدعى انهم سبب فى مشاكل كثيرة وانت ملكش دعوة الا بحدود دولتك وهكدا!
هذه ممكن تكون وجهة نظر برضه ولكن .اين الإسلام الذى يربطنا !!
.. قال تعالى: " إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُون" َ(10)الحجرات. ..
.. ** " المسلم أخو المسلم لا يخونه و لا يكذبه و لا يخذله كل المسلم على المسلم حرام عرضه و ماله و دمه التقوى هاهنا - و أشار إلى القلب - بحسب امرئ من الشر أن يحقر أخاه المسلم" ...
ثانيا: إذا كنت تعتقد ان الأمر بين فلسطين واسرائيل وانه اذا تم التخلص من فلسطين .. سوف نعيش فى سلام وأمان
ان اسرائيل لا تحارب فلسطين ولكن تحارب الاسلام والمسلمين ولأن هذه عقيدة عندهم

وكما قال اول رئيس لوزراء اسرائيل بن غوريون "قد يكون ليس لنا الحق فلسطين من منظور سياسى او قانونى لكن فلسطين حق لنا من منظور عقدى ديني !! فهى من أرض الميعاد التى وعدنا الله اياها من النيل الى الفرات !! ""

ولا اقول لك اذهب وحارب معهم ولكن اقل ما تقدمة ان تكون معهم ليس ماديا ولكن معنويا ..
وأحزر اننا من الممكن فى اى يوم ان نكون مثلهم !
فياريت ان تتصور ان الذى يقتل هناك هو اخوك او اختك او بنتك او زوجتك او امك !
لو كنت مكانهم وسمعت احد يقول مثل قولك .. كيف كنت سترد عليه !
لقد كتبت فى عجالة وارجو اكون قد وضحت بسرعه
وكما قال أحمد المشايخ الأمة بين " مجاهد و بكاء و منافق ! "
13-01-2009, 09:01 PM
TIMODAX

بريء يا بيه مش أنا يا باشا والهي
13-01-2009, 09:03 PM
t4r3k

اقتباس:

المشاركة الأصلية كتبت بواسطة TIMODAX

بريء يا بيه مش أنا يا باشا والهي

معلش متأشف جدا
الاسماء متقاربة شويه ..
المعذرة يا عمنا
انا اقصد اخونا الاستاذ " TICOXX "
13-01-2009, 09:05 PM
Nile Heart

اقتباس:

المشاركة الأصلية كتبت بواسطة tutankhamoun

بُص يا أستاذ نادر
أولا أنا بأعتذر لكل عضو زميل أخ عزيز مسيحي معانا على المنتدى

و بكرر مرة تانية
محدش من الأخوة المسيحيين يفهم كلامي غلط و بأعتذر مرة أخرى للجميع مسيحيين أو مسلمين
و ربنا يديم المحبة ما بين نسيج المجتمع كله ( مسلمين و مسيحين )

و شكرا

لا ياسيدى عذرآ
سيادتك مثل الملايين من الناس تم توجيه ولائهم خلال الأربعين عام الماضيه نحو الشرق البائس
فاصبح ولائك الأول وانتمائك ليس لوطنك بل للقوميه (وهو أسوا من العنصريه اليهوديه التى تهاجمها)
وزاد الطين بله كون الدين اصبح المحرك الأساسى فى تفكيرك
فأصبح المسلم السعودى اقرب اليك من جارك المسيحى, وقضايا فلسطين (التى تناصرها من منطلق قومى عنصرى بحت) أهم من قضايا بلدك والتى يموت فيها الآف كل عام بسبب الفساد والتلوث والطرق والأهمال.. ولم ولن تفكر فى ان تضع توقيع تهاجم فيه الرئيس مثلآ أو غيره جبنآ..
اما قصص الدوله من النيل للفرات (اللى بيخوفوا بيها العيال دى), فدى لزوم عمل رعب استراتيجى للعرب وخلق جو اسطورى حالم للمهاجرين اليهود (تمامآ مثلما يقول الأخوان عن دولة الأسلام من المحيط الى الصين, قصص مسليه جدآ), اما لو تسأل اى مفكر يهودى محترم عن المشروع ده هايضحك عليك.

اسرائيل يا سيدى دوله لها الحق فى الوجود لآن اليهود بالفعل عاشوا فيها من الآف السنين, ولو هاتجادل يبقى مافيش فايده.
اما موضوع التوسع ده فله اسبابه, ولم يكن العرب بغباء حذائى القديم وقبلوا بقرار التقسيم 1947 والذى اعطانا معظم فلسطين لما كنا فى هذا الخراب ل 60 سنه

عبد الناصر هو اللى استفز اسرائيل باغلاق المضايق, الطريقه الهمجيه الغوغائيه فى اثارة الناس كما يفعل XXX حماس هى اللتى جلبت لنا 67
مصر حاربت واستعادة ارضها, واسرائيل رضت بذلك لآنها أمنت شر مصر للأبد, فلماذا لا يفعل ذلكْ XXXX فى دمشق!! وترجع معظم اراضى الضفه وتعيش الناس بقى وتربى عيالها !!؟؟
XXXXXX, يا كله يا بلاش! يا كله يا هاضرب صواريخ! يا كله لا مافيش تهدئه!
طب خدوا فوق دماغكوا

مش انتم عايزين حرب وجهاد واستشهاد!! زعلان ليه بقى!!

ياعم ارحمنى, فكرك ده ضحك على امن العالم

لآ والنكته مسمى نفسه "توت عنخ أمون"!!

__________________________

العضو الفاضل
لقد تحول الحوار القائم إلى شخصنه وصراع شخصي وقد خالفتم بذلك القاعدة رقم (13) من قواعد المنتدى، لذا
فقد استحققتم (إنذار أول مع إيقاف أسبوع) لمخالفة قواعد المنتدى.

لقد قمتم بمخالفة القاعدة رقم (12) من قواعد المنتدى لذا سيتم حذف المخالفة وتطبيق عقوبة المخالفة وهي (إنذار ثان مع إيقاف اسبوع أخر).

ليصبح عقوبتك إنذاريين مع إيقاف أسبوعين

يرجى مراجعة قواعد المنتدى

إدارة المنتدى -3
13-01-2009, 09:12 PM
TICOXX

راااااااااااااااااااااااا ااااااااااااااااااااااااا اااااااااااااااائع

وفرت عليا مجهوووووووووووووووووود كبيييييييييييير
13-01-2009, 09:21 PM
TIMODAX

مش انتم عايزين حرب وجهاد واستشهاد!! زعلان ليه بقى!!
وزاد الطين بله كون الدين اصبح المحرك الأساسى فى تفكيرك
. ولم ولن تفكر فى ان تضع توقيع تهاجم فيه الرئيس مثلآ أو غيره جبنآ..
أنا مصدوم و مش هأرد ع الناس ديه
ايه ده:36_1_2[1]:
13-01-2009, 09:21 PM
Ghamrawy

اعوذ بالله من الخبث و الخبائث!!!!!!!!!!
و من شياطين الانس و الجن
13-01-2009, 09:28 PM
tutankhamoun

اقتباس:

المشاركة الأصلية كتبت بواسطة Nile Heart

لا ياسيدى عذرآ
سيادتك مثل الملايين من الناس تم توجيه ولائهم خلال الأربعين عام الماضيه نحو الشرق البائس
فاصبح ولائك الأول وانتمائك ليس لوطنك بل للقوميه (وهو أسوا من العنصريه اليهوديه التى تهاجمها)
وزاد الطين بله كون الدين اصبح المحرك الأساسى فى تفكيرك
فأصبح المسلم السعودى اقرب اليك من جارك المسيحى, وقضايا فلسطين (التى تناصرها من منطلق قومى عنصرى بحت) أهم من قضايا بلدك والتى يموت فيها الآف كل عام بسبب الفساد والتلوث والطرق والأهمال.. ولم ولن تفكر فى ان تضع توقيع تهاجم فيه الرئيس مثلآ أو غيره جبنآ..
اما قصص الدوله من النيل للفرات (اللى بيخوفوا بيها العيال دى), فدى لزوم عمل رعب استراتيجى للعرب وخلق جو اسطورى حالم للمهاجرين اليهود (تمامآ مثلما يقول الأخوان عن دولة الأسلام من المحيط الى الصين, قصص مسليه جدآ), اما لو تسأل اى مفكر يهودى محترم عن المشروع ده هايضحك عليك.

اسرائيل يا سيدى دوله لها الحق فى الوجود لآن اليهود بالفعل عاشوا فيها من الآف السنين, ولو هاتجادل يبقى مافيش فايده.
اما موضوع التوسع ده فله اسبابه, ولم يكن العرب بغباء حذائى القديم وقبلوا بقرار التقسيم 1947 والذى اعطانا معظم فلسطين لما كنا فى هذا الخراب ل 60 سنه

عبد الناصر هو اللى استفز اسرائيل باغلاق المضايق, الطريقه الهمجيه الغوغائيه فى اثارة الناس كما يفعل بهائم حماس هى اللتى جلبت لنا 67
مصر حاربت واستعادة ارضها, واسرائيل رضت بذلك لآنها أمنت شر مصر للأبد, فلماذا لا يفعل ذلك الأبله القابع فى دمشق!! وترجع معظم اراضى الضفه وتعيش الناس بقى وتربى عيالها !!؟؟
لكن لسه الغباوه كما هى, يا كله يا بلاش! يا كله يا هاضرب صواريخ! يا كله لا مافيش تهدئه!
طب خدوا فوق دماغكوا

مش انتم عايزين حرب وجهاد واستشهاد!! زعلان ليه بقى!!

ياعم ارحمنى, فكرك ده ضحك على امن العالم

لآ والنكته مسمى نفسه "توت عنخ أمون"!!

كلامك فيه تهجم ....... بس هانعديها
أولا هانخرج المسيحيين من الموضوع علشان مش قضيتنا هنا

لأن قلت في مداخلة سابقة أن لي أصحاب مسيحيين و بأعتز بيهم جدا لأنهم ناس محترمة بغض النظر عن ديانتهم

بس سؤال ...
هو مين قلل من علاقتي مع المسيحيين في مصر على حساب علاقتي مع المسلمين حول العالم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

--------------------------------

نيجي بقى لموضوع حق اليهود

اليهود ليس لهم أي حق في فلسطين
اليهود عاشوا في فلسطين حوالي 800 عام فقط لا غير من كل تاريخ فلسطين
لو أنت عايز تناقش في جدال علمي
إنما لو هناقعد نقول كلام عايم يبقى مفيش فايدة من الكلام

اليهود خرجوا من مصر بأمر الله عز و جل و معهم سيدنا موسى ليحاربوا أهل فلسطين و يعيشوا مكانهم

و بعد سنوات من الكفر و السحر و النفاق و قتل الأنبياء و الخروج و الدخول مرة أخرى لفلسطين على أيدي الفرس و الرومان

خرجوا و لم يعودا إلى مع بداية القرن العشرين اللي أبتلانا بيهم البريطانيين ووطدد مكانهم الأمريكان

ده من الناحية التاريخية
من الناحية الدينية
اليهود لا يؤمنون بأخر نبي تم بعثه لبني إسرائيل و كفروا به و حاولوا قتله و هو النبي عيسى عليه السلام

و لا يمكن أن يأتوا الآن و يطردون العرب ( مسيحين و مسلمين ) و يقتلوهم و يشردوهم ..... و تقولي ليهم الحق في الرجوع بعد 2000 سنة ؟؟؟؟

و بعدين إن كنت فاكر أن حكاية النيل للفرات دي حكاية بيتم حكايتها للأطفال قبل النوم .... فحضرتك محتاج تراجع المراجع اليهودية و الديانة اليهودية علشان تعرف أن كانت حكاية من حكاوي قبل النوم أو لاءة

بالنسبة لتريأتك على أسمي .... دي الادارة اللي هاتفصل فيها
و مش هارد عليك في نقطة زي دي ......
و ربنا يهديك
13-01-2009, 11:12 PM
Dream286

الاخ الكريم Ticoxx
دعنا لا نتحدث عن الوحدة والقومية العربية التي لم تعد موجودة بالأساس انما نتحدث عن الإنسانية
سواء كان شعب فلسطين عربي او حتى ياباني تكفي الاحداث الدرامية من موت وخراب وتشرد لأن تثير في نفس الانسان الكثير من الحزن والألم
هناك الكثيرمن شعوب العالم المختلفة أعلنوا الاحتجاج وهم ليسوا عربا لمجرد ان ذلك العدوان ارتكب من الجرائم ما يدمي القلوب
اثناء تواجدي بالعمل وصلني على البريد الخاص بي في الشركة رسالة بها عدة صور لمشهد ام تحتضر في حضن ابنها الصغير والله يا أخي ما استطعت مواصلة عملي لمدة ساعة على الاقل من شدة احساسي بالألم
عندما نرى هذا كله وليس بيدينا شئ لمنع هذه المذابح نشعر بالعجز ونفعل اقل شئ وهو التعاطف معهم
لك الله يا غزة
13-01-2009, 11:26 PM
الإداره

للأسف كثير من الأعضاء لا يستطيعون تحمل وجهات النظر المختلفة، من الجائز أن يكون الرأي السائد لدى البعض مخالفاً للبعض الاخر فهناك الرأي والرأي الاخر، وإن كنا نختلف معه، فعلينا تقبله دون تعصب أو سخط مبديين وجهات نظرنا بطريقة سهلة وبسيطة ولينه لعلها تكون سبيل للوصول إلى نقطه مشتركة تقرب بين وجهات النظر المختلفة، وحتى إذا لم ننجح فلا يجب اجبار أحد بوجهة نظر يعارضها فكل منا شكلت البيئة المحيطة به شخصيتة ...

تم غلق الموضوع لكثرة المخالفات...

إدارة المنتدى2
(إ.م.2)