محتاج نصيحه الاعضاء و شكرا مقدما

عايز اشترى عربيه زيرو في حدود 60000-70000 بالتقسيط و بافكر في بونتو او بوينتر او لانوس
متهيالي البونتو افضلهم لكن كل التعليقات بتخوف من التوكيل

ارجو النصيحة

و اثابكم الله :)

البونتو هي الاختيار الامثل بالفعل

هو التوكيل مش قوي بس البونتو اللي انت عاوز تجيبها علي ما اعتقد انها مش الجراند بونتو فبالتالي حتلاقي قطع غيارها منتشره و كويسه و علي فكره هيا احسن اختيار في التلاته اللي قولت عليهم

راي هات البوينتر 1600 هو كمالياتها مش كتير بس حلوة.




http://www3.0zz0.com/2007/08/05/14/82924690.jpg





_______________
محمد عبدالله

لا لا البوينتر اعرف واحد جايبها و انا من الاول مش مقتنع بيها
عيوبها كثيره جدا و يكفي انها برزيلي

اقتباس:

---

لا لا البوينتر اعرف واحد جايبها و انا من الاول مش مقتنع بيها
عيوبها كثيره جدا و يكفي انها برزيلي

---

+ قطع غيارها غاليه نار و مش موجوده حتي في التوكيل

صح
اما الجوده فبكلمه واحده
كأنها صيني مع العلم بأنها لم يحدث عليها اختبارات تصادم موثقه
و من الممكن ان تكون زي الشيري و الاسبيرانزا و البرليانس في اختبارات التصادم و التي لم تحصل شركه صينيه واحده على اكثر من نجمه واحده فقط

أنا رأيي إن اللانوس أصبحت منتشرة وقطع غيارها منتشرة
وهي واسعة نوعا ما من الداخل عن البوينتر
ورأيي الخاص أنها أفضل من البوينتر والبونتو
أنا سمعت مشاكل فظيعة عن قطع غيار البوينتر بالإضافة لضيق صالونها
وبالنسبة للبونتو مركبتهاش قبل كده وعرفش عنها حاجة

اقتباس:

---

وبالنسبة للبونتو مركبتهاش قبل كده وعرفش عنها حاجة

---

عربيه ممتازه يا ابو حميد بجد و مع واحد قريبي من 2001 و مش عاوز اقولك بيعمل بيها ايه و لسه ماسكه نفسها و تشوفها تقول عليها زيرو ما بيعملش حاجه غير الصيانات العاديه كتغيير زيت و تربيط عفشه و تيل فرامل و حاجات من دي.
ف لو حيختار هاتش باك يبقي البونتو من افضل الحلو بالنسبه لسعرها و امكانيتها
اما لو عربيه سيدان عاديه يبقي اللانوس طبعا ولا غبار عليها و قطع غيارها ارخص من البونتو لكن حيفقد التميز اللي حتوفره ليه الونتو

ياريت حد يوضح بالظبط كل مشاكل البوينتر.





http://www3.0zz0.com/2007/08/05/14/82924690.jpg




_________________
محمد عبدالله

كان في ناس إشتكو منها هنا في المنتدى
واحد منهم حصله مشكلة في كالون الباب المهم راح التوكيل قالوا المشكله في كالون الباب
والمشكلة مفيش كالون وهنبعت نجيب من البرازيل؟؟؟؟؟؟؟؟؟؟؟؟؟كمان كذا شهر
والمهم سعرة كان رهيب!!
والله أعلم

اقتباس:

---

كان في ناس إشتكو منها هنا في المنتدى
واحد منهم حصله مشكلة في كالون الباب المهم راح التوكيل قالوا المشكله في كالون الباب
والمشكلة مفيش كالون وهنبعت نجيب من البرازيل؟؟؟؟؟؟؟؟؟؟؟؟؟كمان كذا شهر
والمهم سعرة كان رهيب!!
والله أعلم

---

و كمان واحد اتكسر منه المرايه و لقي المرايه غاليه جدا برضه

البونتو أعتقد إنها غاليه عن الرينج ده
ليه مفكرتش فى فيرنا

اي سيارة برازيلي قطع غيارها غالية

انا عندي فيات باليو برازيلي, تمنها نفس تمن البونتو الايطالي , بس الفرق ان الموتور 1300 83 حصان مش 60 بس زي اليونتو

المهم البونتو الجديدة ( مش الجراند ) قطع غيارها ( الكماليات ) زي اي سيارة جديدة غالية شوية
ميكانيكيا زيها زي البونتو 2004 .

ابعد عن البوينتر تماما , ده مش فولكس فاجن اصلا ... العربية دي مبنية على شاسيه الفورد اسكورت و موتور فورد 8 صباب قدبم جدا , و بالرغم من كل ده سعرها غالي جدا و قطع غيارها نـــــار !

مش حتكلم عن الانوس موديل 2000 قصدي 2007 ... ولا هو في فرق صحيح ؟ يمكن ركبوا فيها جرس لما تيجي تركن .. هههه


نصيحة اخوية بلاش ولا سيارة من دول .. كل واحدة على قد مزاياها على قد عيوبها , بالتأكيد البونتو حقلك اسحن بس صدقني و اقرأ بقيت مواضيعي ان التوكيل . حرامية ... بجد ..

مثال بسيط , القزاز الكهرباء عندي علق .. روحت التوكيل .. مفيش ثواني ! ماكينة كهرباء يا فندم 375 جنيه من غير الضرائب و المصنعيات

طبعا رفضت , رحت لواحد بتاع كهرباء , فك الزراير قالي ده كلها صابون مترسب ( من المغسلة ) صنفرها ... ركب .. زي الفل
عايز كام يا عم ؟ 5 جنيه يا باشا !!

يجد انا عمري محروح التوكيل ده تاني , حتى الصيانات حعملها انا بنفسي في اي حتة

بس لو محتاج سيارة عائلية المفروض توسع دائرة الخيارات شوية

انا لا ارشح ايضا اي من هذه السيارات

لو واحدة من الثلاث اختيارات يبقى اللانوس
لو تقدر تزود شوية 70-80يبقة الماتريكس
لو تقدر تزود شويتين 80-85 يبقى التويوتا ياريس او هوندا سيتى

طيب الاخوة عندهم اقتراحات تانيه
انا معايا 45000 - 50000 كاش و اقسط الباقي
و لا اجيب مستعمل زي بولو مثلا

افيدوني افادكم الله :shock: :cry:

فيرنا معظم اللي سالتهم قالوا اللانوس احسن
ايه رايكم

لو مبدأ انك تزود وارد.. يبقى على طول هات لانسر مانيوال 1300

انا كنت فى مشكلة مشابه و قسطت الباقى من البنك لانك معاك اغلب المبلغ، بالنسبة ليه انا جبت بيكانتو و بصراحة انا مرتاح معاها و التوكيل كويس و الحمد لله، فانا مع ا/ CryptonX ليه تشترى عربية زيرو موديل 10 سنين فاتت (فيرنا - لانوس) حاول توسع اختيراتك شوية بدون تزنق نفسك البيكانتو مثلا 59000 و فى الشاريد و التو و غيرهم

لو معاك إمكانية تشتري جديد كاش ! ولو انت متمكن من السواقة كويس مش نص نص زي! يبقى خليك في الجديد وابعد ثم ابعد عن المستعمل.