رينو ريحت بالي

**megane_man** · 13-01-2009 09:31 PM

يا وحوش الصيانة في العبور بقت طوال الأسيوع انا لسه حاجز صيانة ال 10 الاف يوم الجمعة 23-1 الساعة 1.30 متعرفوش الواحد أرتاح أزاي انا كنت شايل هم المشوار ولازم أخذ أجازة
الحمد الله ان رينو مريحانا

**crazylambada** · 13-01-2009 09:43 PM

المركز ده اصلا تحفة ووهم
يا بخت الريناوية بيه

**Sharky** · 13-01-2009 11:28 PM

حركة جامدة من التوكيل

هو دا التوكيل إللى بيدور فعلا على راحة العملاء

**chato_eg** · 13-01-2009 11:28 PM

يا عينى
جامدة أوى الحركة دى
الله يبشرك بالخير

**احمد عبدالله** · 14-01-2009 12:09 AM

أحسن توكيل في مصر

**megane_man** · 14-01-2009 12:36 AM

ف

علا العربية دي كل فترة الواحد يزيد حبه ليه هي والتوكيل ويتأكد انها كان أختيار موفق من الله سبحانه وتعالي من كام يوم كنت نازل 6 أكتوبر انا والعائلة عندي بنوتي الصغيرة علي فكرة كملت سنه النهاردة مزاجها انها تخبط عصاية الفتيس فيتنقل علي المانيوال فكنت داخل علي يوتيرن ومكنتش واخد بالي انها خبطت العصاية لأني كنت عاوز ألف بسرعة ودوست بنزين لقيت العربية عملت فووووووووووو زي عربيات السباق يصيت علي الRBM لقيته داخل عل 6 وراحت واخده غيارة ووصلت لسرعة 70 و RBM علي 40 ببص علي الغيار لقيت العربية علي الثاني
أتبسط كدا لأنه فيها عامل الأمان ده علشان محملش علي الموتور
الحاجة الثانية وانا راجع برضه الهانم الصغيرة مهي أخر العنقود فتحت باب العربية وهي ماشية بص الحمد الله الباب تقيل فيدوبك أتزحزح من مكان لقيت غارة حصلت تيت تيت تيت ولقيت طلعت رسالة door open رحت ,وبصيت علي الشاشة لقيت ان الباب اليمين مفتوح فقلته زوجتي العزيزة تخيلو لو عربية مفيهاش الموضوع ده وعلي فكرة مش كفاية الزمارة دي الرسالة مهمة والشاشة كمان بتوضح انهي باب علشان منفكرش كثير
يعني عربية محترمة وأمان عالي والتوكيل ختمها ختام مسك فالحمد لله علي نعمته علينا جميعا

14-01-2009 01:16 AM

عندي بنوتي الصغيرة [/size][/center][/quote]

ربنا يحميها و كل سنة و هي طيبة و عقبال ما تشوفها عروسة و في أعلى المناصب بإذن الله .

**Mohd_Adel_Amin** · 14-01-2009 01:49 AM

والله فعلا راحة بال برافو عليك يا توكيل رينو واتمنى انك تريح بالنا كمان وكمان ..

**chato_eg** · 14-01-2009 08:28 AM

المشاركة الأصلية كتبت بواسطة megane_man

ف

وانا راجع برضه الهانم الصغيرة مهي أخر العنقود فتحت باب العربية وهي ماشية بص الحمد الله الباب تقيل فيدوبك أتزحزح من مكان لقيت غارة حصلت تيت تيت تيت ولقيت طلعت رسالة door open رحت ,وبصيت علي الشاشة لقيت ان الباب اليمين مفتوح فقلته زوجتي العزيزة تخيلو لو عربية مفيهاش الموضوع ده وعلي فكرة مش كفاية الزمارة دي الرسالة مهمة والشاشة كمان بتوضح انهي باب علشان منفكرش كثير
يعني عربية محترمة وأمان عالي والتوكيل ختمها ختام مسك فالحمد لله علي نعمته علينا جميعا

ربنا يخليها لك و تفرح بيها.... و الحمد لله جت سليمة
ممكن حضرتك تدوس على الزرار اللى على الباب بعد أزرار الزجاج...بحيث أنه يكون الضوء الأحمر مضاء.....بذلك لن يستطيع الركاب فى الخلف فتح الأبواب أو الزجاج.....
و تكون حاجة كويسة لو عودت الجميع حتى الركاب فى الكنبة الخلفية على استخدام حزام الأمان
و ربنا يسترها معانا كلنا