الموضوع: بطاريات اوبتيما "القوة الكهربائية القصوى لسيارتك"

انا حبيت اشارككم في تجربة فريدة من نوعها و هو موضوع ليس للإعلان و لكنه سعادة حقيقية و راحة بال قصوى من موضوع بطارية العربية اللي عبارة عن هم متجدد كل شوية لكل من عنده عربية

فمن بطاريات سايلة لجافة قلب لا تحزن و فترات العمر من سنة ل3 بالكتير و نعيده تاني

انا من سنة و نص عملت حاجة جميلة قوي قوي

ركبت في الانوس بطارية اسمها اوبتيما OPTIMA YELLOW CAP BAT


و دي الصورة علشان اوضحها لكم بعد التركيب

ايه البطارية دي؟؟؟؟

البطارية دي حاجة اسمها deep cycle battery و بتخزن كميات مهولة من الطاقة فيما يعادل مخزون 7 بطاريات جافة مرة واحدة
و مصنعة من رولات كربون مبطنة ببودرة حمض الكبريتيك المركز بشكل مضغوط علشان وزنها بيوصل الى 25كجم
عندها القدرة على الشحن 3 مرات اسرع من البطارية العادية او الجافة و بالتالي راحة خرافية للدينامو و عمر اطول ليه

المقاومة الداخلية ليها اقل من البطارية العادية ب125 مرة و بالتالي تغذية فوق المثالية لكل المكونات الكهربية للسيارة و بالتالي صوت ساوند سيستم اقوى خاصة في حالة احمال نظام صوتي كبير و ايضا الاضائة الامامية لا تهتز عند عزف BASS NOTE

مش هتكلم طبعا عن الدوارة من اول لقطة و كل نقطة من نقاط الكهربا في العربية اتحسنت حتى الكلاكس بقى احسن

طب ايه الفوايد تاني؟
عمر البطارية مش اقل من 10 سنوات "تبعا للreviews من على الانترنت"
و عاشت في عربية مرسيدس خليجي "تجربة شخصية" 14 سنة و باظت مع العربية في حادثة

ممكن ركنها في العربية لمدة 12شهر و بعدين دوور تدور عادي جدا بدون مشاكل

تدعم الاحمال الاضافية في حالة عدم دوران الموتور لمدد طويلة يعني مثلا ممكن تقوم صب و 4 سماعات و 2 ج ام لمدة ساعتين بدون ما تنام "عن تجربة"

فيها 4 قواطيش لتوصيل الجي ام مباشرة بالبطارية

صناعة امريكية 100% مضمونة

العيب الوحيد السعر 2000 ج