تقريبا بس انت دور فى فئة الفان الكبيرة (بالبلدى الى بتكون شبة الميكروباص ) دى فية منها بيشيل 7 و 9و 12 و14 راكب دور ومش هاتخسر
عرض للطباعة
تقريبا بس انت دور فى فئة الفان الكبيرة (بالبلدى الى بتكون شبة الميكروباص ) دى فية منها بيشيل 7 و 9و 12 و14 راكب دور ومش هاتخسر
الف شكر يا octooo على اهتمامك و انك كنت الصراحه مابتتأخرش عن تقديم العون في اسرع وقت.
بالمناسبه هي عربية ابن عمك تقفيل ياباني و لا زي اللي بتيجي مصر تقفيل اندونيسي.
انا شاء الله هاروح معرض الاهرام فورميلا اللي هايبدأ يوم ٢١ يناير.
عندي أمل ان يكون في عروض كويسه على الجراند تريوس خاصة اني بعت عربيتي القديمة في رمضان اللي فات و مستني كل ده يمكن العربيات سعرها ينزل بس انا قربت ازهق و شكلي هشتري قريب وخلاص اذا ربنا اراد
العفوووووووووووووو انا تحت الخدمةاقتباس:
الف شكر يا octooo على اهتمامك و انك كنت الصراحه مابتتأخرش عن تقديم العون في اسرع وقت
لا تقفيل يابانى (بس مش هاتفرق كتيير )اقتباس:
بالمناسبه هي عربية ابن عمك تقفيل ياباني و لا زي اللي بتيجي مصر تقفيل اندونيسي
يارببببببب وعلى فكرة العربيات لو هترخص هيقولوا سعرها الجديد فى المعرض فانت استنى وربنا يكرمكاقتباس:
عندي أمل ان يكون في عروض كويسه على الجراند تريوس
:girlsthink::36_3_18[1]::Y_hi_3[1]::k38::hlopaet_prv::hlopaet_prv::hlopaet_prv::k49:
بفضل الله حجزت جراند تريوس, دفعت الف جنيه حجز و ان شاء الله اكمل باقي المبلغ و استلمها خلال الاسبوع ده ان شاء الله.
أنا حجزتها من الوكيل و سعرها عنده 155 الف جنية بس قرأت في أهرام الجمعه ان شركة عربيات عامله تخفيض و بتبيعها ب 153 الف, طبعا ده تخفيض تعبان بس كل و احد بيقول انا اولى بأي فرق في السعر.
كنت عايز أعرف أيه رأيكم و هل في ميزه اني أشتري من الوكيل نفسه (هدايا , تخفيض في الصيانة , ... ) ولا كلو زي بعضوا و سؤال كمان هل لو في سعر مختلف في موزع ما, الواحد يقدر يقول الكلام ده للوكيل يمكن يعمل أي تخفيض و لا يبقى جدال على الفاضي :U_thin1[1]:
جزاكم الله خيرا و أسف على الاطاله.
السلام عليكم م.ابراهيم
أنا عندي تريوس 7 راكب خليجي اشترتها في شهر 12 والعربية جامدة جدا سحبها عادي ذي كل الأوتوماتيك
وكمان الأوتوماتيك المسار متعرج بسيط جدا علشان الأمان ومفيش فيه مشكلة وهو تعود عليه فقط
التقفيل ممتاز وتحس انه ياباني مش اندونيسي
والعربية تشعر انها 4*4 مش 4*2
وانا قبل ما اشتريها دخلت على نايل موتورز وكله شكر فيها والحمدلله وجدتها
ذي ما قالو
ولو حبيت تسأل عن حاجة أو تشوفها أنا جاهز ودة رقمي بعد إذن الإدارة 0101101074 صلاح عسكر
الف مبروك علي العربية يا استاذ صلاح
انا ان شاء الله ناوي اشتري زيها بس ال 5 راكب
بس عندي استفسار....
في ناس بتقول عشان عفشتها ناشفة بتحس بكل طوبة في الارض و خصوصا عيون القط اللي بتبهدل اي عربية .... ايه رأيك في الموضوع ده؟
يا ريت لو عندك اي ملاحظات او حتي مميزات لقيتها في سيارتك تفيدنا بيها .......
و الف مبروك مرة تانية و جزاكم الله خيرا
احمد
السلام عليكم وألف شكر
فعلا انت عندم حق انت بتشعر بالمطبات ولكن في اول الشراء ولكن بعد
ماالعفشة تاخد وتدي معاك الموضوع يقل شوية ولكن هناك فرق في الاحساس بالمطبات علشان العربية عالية كمان
وحتى الأن لم اجد بها اي شى غير ان الكاسيت سي دي أوديو مش ام بي 3
ودة شى مزعج انك تعمل اسطوانة 80دقيقة فقط
ولو في ملاحظات ها ابلغها اول بأول ان شاء الله
ربنا يكرمك يا أستاذ صلاح و يباركلك في العربيه و يديك خيرها و يكفيك شرها.
جزاك الله خيرا على مساعدتك و على ذوقك و ربنا يكرم كل اعضاء المنتدى الجميل على تعاونهم, الصراحه ده احسن منتدى عربي في مجال السيارات.
انت طمنتني زيادة و الحمد لله انا حاسس انها عربيه كويسه و ربنا يسهل و يرزقني بيها قريب.
عندي سؤال كده و يا رب تكون الاجابه مطمئنه, اذا كنت قبل كده حملتها على الاخر, يعني ركبت 7 بالغين, ايه أخبار السحب, سيء ولا معقول, انا عارف انها 1500 سي سي يعني مش قويه أوي, و أنا بردو مايهمنيش انها تكون بتجري قوي, أنا أخري 110 - 120 بس اللي يهمني سحبها في السرعات البطيئه, يعني و انا طالع من اشارة أو بحاول اتجاوز حد بطيء و عايز أدوس على البنزين شويه.
معلش أنا طولت قوي و جزاك الله خيرا و كل من ساهم في توضيح مميزات و عيوب هذة العربية, لكي تعم الفائدة
اعتذر عن تاخري في الرد لظروف عملي
انا ركبت في عربيتي 12 طفل سن 12 سنة 5 على الكنبة الأخيرة و6على الكراسى اللى خلفى وواحد +والده على الكرسى اللى جنبى من ابناء النادي للذهاب لمباراة كرة قدم ولم أشعر بفرق
وكنت مستريح
وربنا يوفقك السيارة عائلية رياضية قوية: