فين حقنا في تخفيض سعر البنزين ؟!!!

**Samir Elshahawy** · 14-01-2009 12:30 PM

ياتري نقدر مانشتريش بنزين لمدة أسبوع واحد فقط ؟؟؟؟؟
و نشوف بقي ساعتها أيه اللي ممكن يحصل

**mo7a_mo7a** · 14-01-2009 02:04 PM

المشاركة الأصلية كتبت بواسطة superzok

متوسط سعر جالون البنزين في امريكا الايام دي 1.8 دولار (كان وصل 1.5 دولار من اسبوعين )
الجالون فيه 3.78 لتر تقريبا

يعني سعر اللتر تقريبا يساوي 0.47دولار
يعني 2.5 جنيه للتر البنزين في محطات البنزين في اميريكا

علما ان سعر الجالون في امريكا وصل 4 دولار في شهر مايو 2008
يعني اللتر كان وصل عندهم
ل 000000

امريكا لاتزال تدعم البنزين لكن بنظام اخر غير نظام الدعم المباشر بتاعنا ولان شرحه يطول الخلاصة ان سعر جالون البنزين في امريكا بيتغير لكن بيظل تحت سقف السعر العالمي بنسبة مهولة

**mo7a_mo7a** · 14-01-2009 02:07 PM

المشاركة الأصلية كتبت بواسطة SE_coralsea

ياتري نقدر مانشتريش بنزين لمدة أسبوع واحد فقط ؟؟؟؟؟
و نشوف بقي ساعتها أيه اللي ممكن يحصل

بفرض انه حصل مش حياثر ادني تاثير
يا سلام ده ما حب علي قلب الحكومة انك تعمل كده حتي توفرلهم شوية يا اخي

اللي حيتضر اصحاب المحطات والعاملين الغلابة اللي فيها بس
ومتنساش ان مصر بتستورد البنزين لان معندناش مصافي نفطية تكفينا
وبنستورد السولار ووقود الطائرات والديزل والمشتقات الخفيفة بوجه عام

**mo7a_mo7a** · 14-01-2009 02:13 PM

المشاركة الأصلية كتبت بواسطة kemks

يا شباب مينفعش الواحد يبصلها كده خالص

عشان البلاد اللي بتكلموا عليها متوسط دخل الفرد عالي جدا فطبعا كل حاجة لازم تبقي عاليه
ممكن نبص علي سعر الهدوم مثلا اديداس ماركه عالميه شوف السعر هنا كام و بره كام بره طبعا بره سعر التيشيرت اضعاف سعره هنا

و ليا ناس قاعدين في امريكا لما بينزلوا مصر بيتهبلوا من الاسعار و بيشتروا بغباء

يا تري مصر برضه بتدعم الهدوم برضه

الاسعار بتبقي علي حسب اولا الاسعار العالميه ثانيا متوسط الدخل عشان بيبقي في تكلفه اجور العاملين و كده غير الضرائب.

قيس علي كده فمينفعش خالص خالص نقول اصل اللتر بره ب 11 جنيه مصري و 8 جنيه مصري

تكلفه البنزين علينا و عليه واحد بس الفرق بيبقي في المصاريف اللي جنب سعر البنزين

غير ان تكلفه النقل بتاع البنزين من الدول العربيه و غير البنزين المحلي تعتبر مختلفه تماما عن بره يعني التكلفه مفروض في مصر اقل كتير جدا

يعني في المعني الحالي ممكن اصلا الحكومه متكونش بتدعم البنزين خالص بعد اسعار البنزين العالميه يا ريت اكون وضحت للشباب

و اكبر مثال لو واحد سافر يشتغل بره هيلاقي نفسه مثلا بياخد 15000 جنيه مصري و فرحان ورايح جاري عشان يشتغل بره و تلاقيه اخر الشهر صارف بتاع 12000 جنيه علي ايجار الشقه و الاكل و خلافه المعيشه بره غير هنا خالص

و السلام ختام

في النهايه لازم نعرف ان السعر هنا وبره واحد الفرق في مستوي المعيشه للفرد الواحد

البترول ومشتقاته خامات وسلع عالمية ثابتة القيمة ولا تتغير بتغير الدخول

لكن بعض البلاد منخفضة الدخول ومستوي المعيشة بتدعمها علشان تبقي في متناول المواطن
يعني لو مفيش دعم حضرتك حتركب التكسي من التحرير لرمسيس بحوالي 150 جنيه
وحتبقي تذكرة المترو بحوالي 30 جنيه زي اوروبا

والحكومة لما بتحسبها بتلاقي انها لو شالت الدعم حتضطر ترفع المرتبات للمستويات الدولية وبما ان معظم الناس (6 مليون) بيشتغلوا عند الحكومة وزيهم في الوزارات حتلاقي نفسها اتكلفت اكتر بكتير من قيمة الدعم
وبالتالي تقدر تقول ان الحكومة بتعمل كده علشان معندهاش حل تاني مش علشان سواد عيونا

**mo7a_mo7a** · 14-01-2009 02:21 PM

المشاركة الأصلية كتبت بواسطة osman hisham

طيب لو قلنا أن الحكومه لسه بتدعم البنزين ... هل زيوت السيارات الحكومه بتدعمها برضه ؟ لا أعتقد .
يعنى الزيت كان ال عبوه 4 كيلو موبيل 1 من 4 سنين ب 100 ج النهارده ب 250 جنيه ؟ مش دى مشتقات بترول يعنى على الأقل لازم ترخص مع أسعار البترول

زيوت السيارات مش كلها مشتقات بترولية
كثير منها تخليقية كيماوية ملهاش علاقة بالبترول اصلا زي موبيل 1 وشيل الترا وغيرها كتير
وفي جيل تاني هجين او خليط جزء بترولي وجزء تخليقي
والجيل القديم زي منتجات التعاون وغيرها بترولية المنشا لكن بيضاف ليها اضافات تانية والاضافات دي هي اللي بتشكل الفارق بين منتج واخر وبتخلي نوع يعيش جوة الموتور مدة اكتر من التاني

زيوت المحركات البترولية المنشأ تستوردها مصر في شحنة واحدة لكل الشركات
يعني بتاع موبيل وشل والتعاون وغيره وغيره من نفس الشحنة ونفس المركب ويمكن نفس التنك كمان
انما كل شركة لها سر صنعتها في نوع ونسب الاضافات اللي بتستخدمها لرفع كفائة الزيت وتحديد خواصه
والاختلاف في السعر راجع اساسا لعاملين
1- نوع وتكلفة تلك الاضافات
2-الماركة واسم الشركة المنتجة اللي احيانا بيكون له تمن كبير زي حالة موبيل 1